kapileśvaramāhātmyavarṇanam
īśvara uvāca
tato gacchenmahādevi kapileśvaramuttamam ||
tasyaiva pūrvadigbhāge nātidūre vyava sthitam
||1||ततो गच्छेन्महादेवि कपिलेश्वरमुत्तमम् ॥
तस्यैव पूर्वदिग्भागे नातिदूरे व्यव स्थितम्
liṃgaṃ mahāprabhāvaṃ tu darśanātpāpanāśanam ||
kapilonāma rājarṣiryatra taptvā mahātapaḥ
||2||लिंगं महाप्रभावं तु दर्शनात्पापनाशनम् ॥
कपिलोनाम राजर्षिर्यत्र तप्त्वा महातपः
saṃprāptaḥ paramāṃ siddhiṃ pratiṣṭhāpya maheśvaram ||
devasāṃnidhyamīśānaṃ tasmim̐lliṃge sadā hariḥ
||3||संप्राप्तः परमां सिद्धिं प्रतिष्ठाप्य महेश्वरम् ॥
देवसांनिध्यमीशानं तस्मिँल्लिंगे सदा हरिः
śuklapakṣe caturdaśyāṃ sarvalokahitārthataḥ ||
saptakṛtvo mahādevaṃ someśaṃ kapileśvaram ||
yaḥ paśyetprayato bhūtvā sa godānaphalaṃ labhet
||4||शुक्लपक्षे चतुर्दश्यां सर्वलोकहितार्थतः ॥
सप्तकृत्वो महादेवं सोमेशं कपिलेश्वरम् ॥
यः पश्येत्प्रयतो भूत्वा स गोदानफलं लभेत्
tiladhenuṃ ca yo dadyāttasmiṃstīrthe samāhitaḥ ||
tilasaṃkhyāyugānyeva sa svarge vasati priye
||5||तिलधेनुं च यो दद्यात्तस्मिंस्तीर्थे समाहितः ॥
तिलसंख्यायुगान्येव स स्वर्गे वसति प्रिये
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kapileśvaramāhātmyavarṇanaṃ nāma tripañcāśo'dhyāyaḥ || 53 ||