prabhāsakṣetramāhātmye'śvineśvaramāhātmyavarṇanam
īśvara uvāca
tato gacchenmahādevi tasmātpūrveṇa saṃsthitam ||
mahāpāpaughaśamanaṃ pūjitaṃ sarvakāmadam
||1||ततो गच्छेन्महादेवि तस्मात्पूर्वेण संस्थितम् ॥
महापापौघशमनं पूजितं सर्वकामदम्
aśvineśvaranāmānaṃ dhanuṣāṃ paṃcake sthitam ||
sarvarogapraśamanaṃ dṛṣṭaṃ sarvārthasādhakam
||2||अश्विनेश्वरनामानं धनुषां पंचके स्थितम् ॥
सर्वरोगप्रशमनं दृष्टं सर्वार्थसाधकम्
ye kecidrogiṇo loke teṣāṃ tadbheṣajaṃ mahat ||
māghamāse dvitīyāyāṃ darśanaṃ tasya durlabham
||3||ये केचिद्रोगिणो लोके तेषां तद्भेषजं महत् ॥
माघमासे द्वितीयायां दर्शनं तस्य दुर्लभम्
tasmātpaśyecca tadbhaktyā yadi śreyo'bhikāṃkṣitam ||
mahāpāpaughaśamanaṃ pūjitaṃ sarvakāmadam
||4||तस्मात्पश्येच्च तद्भक्त्या यदि श्रेयोऽभिकांक्षितम् ॥
महापापौघशमनं पूजितं सर्वकामदम्
iti liṅgadvayaṃ devi sūryaputrapratiṣṭhitam ||
tasminneva dine paśyetsaṃyatātmā narottamaḥ
||5||इति लिङ्गद्वयं देवि सूर्यपुत्रप्रतिष्ठितम् ॥
तस्मिन्नेव दिने पश्येत्संयतात्मा नरोत्तमः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'śvineśvaramāhātmyavarṇanaṃnāma catuḥṣaṣṭyuttaraśatatamo'dhyāyaḥ || 164 ||