tato gacchenmahādevi gaṃgāṃ tripathagāminīm
īśvara uvāca
tato gacchenmahādevi gaṃgāṃ tripathagāminīm ||
anarakeśato devi aiśānyāṃ diśi saṃsthitām
||1||ततो गच्छेन्महादेवि गंगां त्रिपथगामिनीम् ॥
अनरकेशतो देवि ऐशान्यां दिशि संस्थिताम्
svayaṃbhūtāṃ dharāmadhyādānītāṃ viṣṇunā purā ||
yādavānāṃ tu muktyarthaṃ sarvapāpopaśāntaye
||2||स्वयंभूतां धरामध्यादानीतां विष्णुना पुरा ॥
यादवानां तु मुक्त्यर्थं सर्वपापोपशान्तये
yastatra kurute snānaṃ kathaṃcitpuṇyasaṃcayāt ||
śrāddhaṃ caiva vidhānena na sa śocetkṛtākṛte
||3||यस्तत्र कुरुते स्नानं कथंचित्पुण्यसंचयात् ॥
श्राद्धं चैव विधानेन न स शोचेत्कृताकृते
brahmāṇḍaṃ sakalaṃ dattvā yatpuṇyaphalamāpnuyāt ||
tatpuṇyaṃ prāpnuyāddevi kārtikyāṃ jāhnavījale
||4||ब्रह्माण्डं सकलं दत्त्वा यत्पुण्यफलमाप्नुयात् ॥
तत्पुण्यं प्राप्नुयाद्देवि कार्तिक्यां जाह्नवीजले
kalau yuge tu saṃprāpte durllabhaṃ tatra darśanam ||
kiṃ punaḥ snānadānaṃ tu prabhāse jāhnavījale
||5||कलौ युगे तु संप्राप्ते दुर्ल्लभं तत्र दर्शनम् ॥
किं पुनः स्नानदानं तु प्रभासे जाह्नवीजले
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gaṃgāmāhātmyavarṇanaṃnāmaikonatriṃśaduttaradviśatatamo'dhyāyaḥ || 229 ||