gaṃgeśvaramāhātmyavarṇanam
īśvara uvāca
tato gacchenmahādevi liṃgaṃ trailokyaviśrutam ||
gaṃgeśvareti vikhyātaṃ saṃgameśvarapaścime
||1||ततो गच्छेन्महादेवि लिंगं त्रैलोक्यविश्रुतम् ॥
गंगेश्वरेति विख्यातं संगमेश्वरपश्चिमे
yadā gaṃgā samāhūtā viṣṇunā prabhaviṣṇunā ||
antakāle'bhiṣekārthaṃ svakāyasya varānane
||2||यदा गंगा समाहूता विष्णुना प्रभविष्णुना ॥
अन्तकालेऽभिषेकार्थं स्वकायस्य वरानने
tato dṛṣṭvā tu tatkṣetraṃ puṇyaṃ hyṛṣiniṣevitam ||
sarvatra vyāpitaṃ liṃgairāśramaiśca tapasvinām
||3||ततो दृष्ट्वा तु तत्क्षेत्रं पुण्यं ह्यृषिनिषेवितम् ॥
सर्वत्र व्यापितं लिंगैराश्रमैश्च तपस्विनाम्
tato gaṃgāsaricchreṣṭhā pūrvasāgaragāminī ||
sthāpayāmāsa talliṃgaṃ śivabhaktiparāyaṇā
||4||ततो गंगासरिच्छ्रेष्ठा पूर्वसागरगामिनी ॥
स्थापयामास तल्लिंगं शिवभक्तिपरायणा
taṃ dṛṣṭvā tu varārohe gaṃgāsnānaphalaṃ labhet ||
aśvamedhasahasrasya phalaṃ prāpnoti mānavaḥ
||5||तं दृष्ट्वा तु वरारोहे गंगास्नानफलं लभेत् ॥
अश्वमेधसहस्रस्य फलं प्राप्नोति मानवः
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gaṃgeśvaramāhātmyavarṇanaṃnāma pañcāśaduttaradviśatatamo'dhyāyaḥ || 250 ||