bhūtanātheśvaramāhātmyavarṇanam
īśvara uvāca
tato gacchenmahādevi bhūtanātheśvaraṃ haram ||
kuṇḍeśvaryā īśabhāge dhanuṣāṃ viṃśake'ntare
||1||ततो गच्छेन्महादेवि भूतनाथेश्वरं हरम् ॥
कुण्डेश्वर्या ईशभागे धनुषां विंशकेऽन्तरे
kalpaliṃgaṃ mahādevi hyanādinidhanaṃ sthitam ||
pūrvaṃ tretāyuge devi vīrabhadreśvarīti ca
||2||कल्पलिंगं महादेवि ह्यनादिनिधनं स्थितम् ॥
पूर्वं त्रेतायुगे देवि वीरभद्रेश्वरीति च
prakhyātaṃ bhuvi deveśi kalau bhūteśvaraṃ smṛtam ||
purā dvāparasaṃdhau ca tatra bhūtāni koṭiśaḥ
||3||प्रख्यातं भुवि देवेशि कलौ भूतेश्वरं स्मृतम् ॥
पुरा द्वापरसंधौ च तत्र भूतानि कोटिशः
saṃsiddhiṃ paramāṃ jagmustalliṃgasya prabhāvataḥ ||
tena bhūteśvaraṃ nāma prakhyātaṃ dharaṇītale
||4||संसिद्धिं परमां जग्मुस्तल्लिंगस्य प्रभावतः ॥
तेन भूतेश्वरं नाम प्रख्यातं धरणीतले
tatra kṛṣṇacaturddaśyāṃ rātrau saṃpūjya śaṃkaram ||
dakṣiṇāṃ diśamāśritya aghoraṃ pūjayettu yaḥ
||5||तत्र कृष्णचतुर्द्दश्यां रात्रौ संपूज्य शंकरम् ॥
दक्षिणां दिशमाश्रित्य अघोरं पूजयेत्तु यः
dṛḍhaṃ jitendriyo bhūtvā nirbhayo dhyānasaṃyu taḥ ||
tasyaiva jāyate siddhiryā kācidbhūtale sthitā
||6||दृढं जितेन्द्रियो भूत्वा निर्भयो ध्यानसंयु तः ॥
तस्यैव जायते सिद्धिर्या काचिद्भूतले स्थिता
tilahemapradānaṃ ca piṇḍadānaṃ ca tatra vai ||
pitṝnuddiśya dadyādvai teṣāṃ pretatvamuktaye
||7||तिलहेमप्रदानं च पिण्डदानं च तत्र वै ॥
पितॄनुद्दिश्य दद्याद्वै तेषां प्रेतत्वमुक्तये
iti nigaditametadbhūtanātheśvarasya pracurakalimalānāṃ nāśanaṃ puṇyahetuḥ ||
paṭhati ca puruṣo vā yaḥ śṛṇotīha bhaktyā suravaramahimānaṃ mucyate pātakaughaiḥ
||8||इति निगदितमेतद्भूतनाथेश्वरस्य प्रचुरकलिमलानां नाशनं पुण्यहेतुः ॥
पठति च पुरुषो वा यः शृणोतीह भक्त्या सुरवरमहिमानं मुच्यते पातकौघैः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kuṃḍeśvarī māhātmye bhūtanātheśvaramāhātmyavarṇanaṃnāma saptadaśottaraśatatamo'dhyāyaḥ || 117 ||