nadīmāhātmyavarṇanam
īśvara uvāca
tato gacchenmahādevi piṃgalīṃ pāpanāśinīm ||
ṛṣitīrthātpaścimato nadīṃ sāgaragāminīm
||1||ततो गच्छेन्महादेवि पिंगलीं पापनाशिनीम् ॥
ऋषितीर्थात्पश्चिमतो नदीं सागरगामिनीम्
tasyāḥ saṃdarśanāddevi rūpavāñjāyate naraḥ ||
purā maharṣayaḥ prāptāḥ someśvaradidṛkṣayā
||2||तस्याः संदर्शनाद्देवि रूपवाञ्जायते नरः ॥
पुरा महर्षयः प्राप्ताः सोमेश्वरदिदृक्षया
prabhāsaṃ kṣetramāsādya nadītīre vyavasthitāḥ ||
dākṣiṇātyā mahādevi kṛṣṇavarṇā virūpakāḥ
||3||प्रभासं क्षेत्रमासाद्य नदीतीरे व्यवस्थिताः ॥
दाक्षिणात्या महादेवि कृष्णवर्णा विरूपकाः
tatrāśramavare snātvā paśyanto rūpamātmanaḥ ||
kāmena sadṛśaṃ sarve vismayaṃ paramaṃ gatāḥ
||4||तत्राश्रमवरे स्नात्वा पश्यन्तो रूपमात्मनः ॥
कामेन सदृशं सर्वे विस्मयं परमं गताः
tataste sahitāḥ sarve vismayotphullalocanāḥ ||
atra snātā vayaṃ sarve yataḥ piṃgatvamāgatāḥ ||
ataḥ prabhṛti nāmāsyāstataḥ piṃgā bhaviṣyati
||5||ततस्ते सहिताः सर्वे विस्मयोत्फुल्ललोचनाः ॥
अत्र स्नाता वयं सर्वे यतः पिंगत्वमागताः ॥
अतः प्रभृति नामास्यास्ततः पिंगा भविष्यति
yetra snānaṃ kariṣyanti bhaktyā paramayā yutāḥ ||
na teṣāmanvaye kaścidbhaviṣyati kurūpavān
||6||येत्र स्नानं करिष्यन्ति भक्त्या परमया युताः ॥
न तेषामन्वये कश्चिद्भविष्यति कुरूपवान्
darśanātpitṛmedhasya lapsyate mānavaḥ phalam ||
snānena dviguṇaṃ puṇyaṃ tarpaṇena caturguṇam
||7||दर्शनात्पितृमेधस्य लप्स्यते मानवः फलम् ॥
स्नानेन द्विगुणं पुण्यं तर्पणेन चतुर्गुणम्
asaṃkhyātaṃ phalaṃ tasya yo'tra śrāddhaṃ kariṣyati ||
evamuktvā tataḥ sarva ṛṣayo varavarṇini
||8||असंख्यातं फलं तस्य योऽत्र श्राद्धं करिष्यति ॥
एवमुक्त्वा ततः सर्व ऋषयो वरवर्णिनि
vyabhajaṃstannadītīraṃ sarve te munisattamāḥ ||
yajñopavītamātrāṇi cakrustīrthāni sarvataḥ
||9||व्यभजंस्तन्नदीतीरं सर्वे ते मुनिसत्तमाः ॥
यज्ञोपवीतमात्राणि चक्रुस्तीर्थानि सर्वतः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye piṃgā nadīmāhātmyavarṇanaṃnāma ṣaṭcatvāriṃśaduttaradviśatatamo'dhyāyaḥ || 246 ||