prabhāsakṣetramadhyasthāṃ dāridryaughavināśinīm
īśvara uvāca
atha vacmi tṛtīyāṃ te jñānaśaktiṃ śivātmikām ||
prabhāsakṣetramadhyasthāṃ dāridryaughavināśinīm
||1||अथ वच्मि तृतीयां ते ज्ञानशक्तिं शिवात्मिकाम् ॥
प्रभासक्षेत्रमध्यस्थां दारिद्र्यौघविनाशिनीम्
ajeti nāmnīṃ tāṃ devīṃ rāhvīśāddakṣiṇe sthitām ||
mama vaktrādviniṣkrāṃtā ṣaṣṭhādvai viṣṇupūjitāt
||2||अजेति नाम्नीं तां देवीं राह्वीशाद्दक्षिणे स्थिताम् ॥
मम वक्त्राद्विनिष्क्रांता षष्ठाद्वै विष्णुपूजितात्
devyuvāca
paṃcavaktrāṇi deveśa prasiddhāni tava prabhau ||
ṣaṣṭhaṃ yadvadanaṃ deva tasya kiṃ nāma saṃsmṛtam ||
samutpannā kathaṃ tasmādajādevīti yā śrutā
||3||पंचवक्त्राणि देवेश प्रसिद्धानि तव प्रभौ ॥
षष्ठं यद्वदनं देव तस्य किं नाम संस्मृतम् ॥
समुत्पन्ना कथं तस्मादजादेवीति या श्रुता
īśvara uvāca
sādhu pṛṣṭaṃ tvayā devi yadgopyaṃ svasuteṣvapi ||
tatte'haṃ saṃpravakṣyāmi aprasiddhāgamoditam
||4||साधु पृष्टं त्वया देवि यद्गोप्यं स्वसुतेष्वपि ॥
तत्तेऽहं संप्रवक्ष्यामि अप्रसिद्धागमोदितम्
vaktrāṇi mama deveśi saptāsanpūrvameva hi ||
sadyojātādipaṃcaiva ṣaṣṭhaṃ smṛtamajeti ca
||5||वक्त्राणि मम देवेशि सप्तासन्पूर्वमेव हि ॥
सद्योजातादिपंचैव षष्ठं स्मृतमजेति च
saptamaṃ picunāmeti saptaivaṃ vadanāni me ||
tebhyo'jaṃ brahmaṇe dattaṃ picuvaktraṃ tu viṣṇave
||6||सप्तमं पिचुनामेति सप्तैवं वदनानि मे ॥
तेभ्योऽजं ब्रह्मणे दत्तं पिचुवक्त्रं तु विष्णवे
tasmādahaṃ mahādevi paṃcavaktro'dhunā'bhavam ||
ajastu brahmā sañjajñe picurviṣṇurajāyata
||7||तस्मादहं महादेवि पंचवक्त्रोऽधुनाऽभवम् ॥
अजस्तु ब्रह्मा सञ्जज्ञे पिचुर्विष्णुरजायत
ajavaktrānmahādevi ajā jātā mahāprabhā ||
andhāsuraraṇe ghore mama krodhena bhāmini
||8||अजवक्त्रान्महादेवि अजा जाता महाप्रभा ॥
अन्धासुररणे घोरे मम क्रोधेन भामिनि
khaḍgacarmadharādevī surūpā siṃhavāhinī ||
marddayantī mahādaityāndevīkoṭisamanvitā
||9||खड्गचर्मधरादेवी सुरूपा सिंहवाहिनी ॥
मर्द्दयन्ती महादैत्यान्देवीकोटिसमन्विता
tasyā bhayena ye daityā vidrutā dakṣiṇārṇavam ||
pṛṣṭhato'nuyayau tānvai sā devī siṃhavāhinī
||10||तस्या भयेन ये दैत्या विद्रुता दक्षिणार्णवम् ॥
पृष्ठतोऽनुययौ तान्वै सा देवी सिंहवाहिनी
itastataste dhāvanto māryamāṇāśca tadgaṇaiḥ ||
prabhāsa kṣetrasaṃprāptā naśyamānā mahārṇavam
||11||इतस्ततस्ते धावन्तो मार्यमाणाश्च तद्गणैः ॥
प्रभास क्षेत्रसंप्राप्ता नश्यमाना महार्णवम्
kecittatra hatā daityāḥ kecitpātālamāyayuḥ ||
niḥśeṣānnihatāndṛṣṭvā sā devī siṃhavāhinī
||12||केचित्तत्र हता दैत्याः केचित्पातालमाययुः ॥
निःशेषान्निहतान्दृष्ट्वा सा देवी सिंहवाहिनी
kṣetraṃ pavitramājñāya tatra sthāne sthitā śubhā ||
someśādīśakoṇasthā saurīśāduttare sthitā
||13||क्षेत्रं पवित्रमाज्ञाय तत्र स्थाने स्थिता शुभा ॥
सोमेशादीशकोणस्था सौरीशादुत्तरे स्थिता
yastāṃ tatra sthitāṃ paśyedyoṣidvātha naro'pi vā ||
sa bhūyātsattvasaubhāgyaiḥ saptajanmāni saṃyutaḥ
||14||यस्तां तत्र स्थितां पश्येद्योषिद्वाथ नरोऽपि वा ॥
स भूयात्सत्त्वसौभाग्यैः सप्तजन्मानि संयुतः
gītavādyādikaṃ nṛtyaṃ yastatra kurute naraḥ ||
tasyānvaye na daurbhāgyaṃ bhūyāttasyāḥ prasādataḥ
||15||गीतवाद्यादिकं नृत्यं यस्तत्र कुरुते नरः ॥
तस्यान्वये न दौर्भाग्यं भूयात्तस्याः प्रसादतः
ghṛtena dīpakaṃ tatra yā nārī saṃprayacchati ||
raktavartyā mahādevi yāvaṃtastatra taṃtavaḥ ||
tāvajjanmāṃtarāṇyeva sā saubhāgyamavāpnuyāt
||16||घृतेन दीपकं तत्र या नारी संप्रयच्छति ॥
रक्तवर्त्या महादेवि यावंतस्तत्र तंतवः ॥
तावज्जन्मांतराण्येव सा सौभाग्यमवाप्नुयात्
yaścaitattu paṭhennityaṃ tṛtīyāyāṃ viśeṣataḥ ||
śṛṇuyādvā'pi yo bhaktyā sa kāmānakhilāllam̐bhet
||17||यश्चैतत्तु पठेन्नित्यं तृतीयायां विशेषतः ॥
शृणुयाद्वाऽपि यो भक्त्या स कामानखिलाल्लँभेत्
iti saṃkṣepataḥ prokto rudraśaktitrayakramaḥ
||18||इति संक्षेपतः प्रोक्तो रुद्रशक्तित्रयक्रमः
etāḥ śaktīḥ pūjayitvā someśaṃ pūjayettataḥ ||
samyagyātrāphalāpekṣī ekāṃ vā varadāmatha
||19||एताः शक्तीः पूजयित्वा सोमेशं पूजयेत्ततः ॥
सम्यग्यात्राफलापेक्षी एकां वा वरदामथ
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'jādevīmāhātmyavarṇanaṃnāmaikonaṣaṣṭitamo'dhyāyaḥ || 59 ||
iti rudraśaktitrayasaṃketaḥ