tato gacchenmahādevi devīṃ śālakaṭaṃkaṭām
īśvara uvāca
tato gacchenmahādevi devīṃ śālakaṭaṃkaṭām ||
sāvitryā dakṣiṇe bhāge raivatātpūrvataḥ sthitām
||1||ततो गच्छेन्महादेवि देवीं शालकटंकटाम् ॥
सावित्र्या दक्षिणे भागे रैवतात्पूर्वतः स्थिताम्
mahāpāpopaśamanīṃ sarvaduḥkhavināśanīm ||
pūjitāṃ sarvagandharvaiḥ sphuraddaṃṣṭrograbhīṣaṇām
||2||महापापोपशमनीं सर्वदुःखविनाशनीम् ॥
पूजितां सर्वगन्धर्वैः स्फुरद्दंष्ट्रोग्रभीषणाम्
mahāpracaṇḍadaityaghnīṃ paulastyena pratiṣṭhitām ||
mahiṣaghnīṃ mahākāyāṃ kṣetre prābhāsike sthitām
||3||महाप्रचण्डदैत्यघ्नीं पौलस्त्येन प्रतिष्ठिताम् ॥
महिषघ्नीं महाकायां क्षेत्रे प्राभासिके स्थिताम्
māghe māse caturdaśyāṃ yastā mārādhayennaraḥ ||
sa bhavetpaśumāndhīmām̐llakṣmīvānputravānsudhīḥ
||4||माघे मासे चतुर्दश्यां यस्ता माराधयेन्नरः ॥
स भवेत्पशुमान्धीमाँल्लक्ष्मीवान्पुत्रवान्सुधीः
yastāṃ paśupradānena santarpayati bhaktitaḥ ||
balipūjopahāraiśca sa syācchatru vivarjitaḥ
||5||यस्तां पशुप्रदानेन सन्तर्पयति भक्तितः ॥
बलिपूजोपहारैश्च स स्याच्छत्रु विवर्जितः
iti śrīskānde mahāpurāṇa ekāśītisāhasryāṃ saṃhitāyā saptame prabhāsakhaṇḍe prathame prabhāsakṣetramāhātmye śālakaṭaṃkaṭā māhātmyavarṇanaṃnāmāṣṭaṣaṣṭyuttaraśatatamo'dhyāyaḥ || 168 ||