tato gacchenmahādevi yatra jāṃbavatī nadī
īśvara uvāca
tato gacchenmahādevi yatra jāṃbavatī nadī ||
purā jāṃbavatīnāma viṣṇoryā mahiṣīpriyā ||
apṛcchadarjunaṃ sādhvī vada vārtāṃ kurū dvaha
||1||ततो गच्छेन्महादेवि यत्र जांबवती नदी ॥
पुरा जांबवतीनाम विष्णोर्या महिषीप्रिया ॥
अपृच्छदर्जुनं साध्वी वद वार्तां कुरू द्वह
tasyāstadvacanaṃ śrutvā arjuno niśvasanmuhuḥ ||
vāṣpagadgadayā vācā idaṃ vacanamabravīt
||2||तस्यास्तद्वचनं श्रुत्वा अर्जुनो निश्वसन्मुहुः ॥
वाष्पगद्गदया वाचा इदं वचनमब्रवीत्
parityaktā vayaṃ bhadre yādavaiḥ sumahātmabhiḥ ||
9 baladevasya vīrasya sātyakeśca mahātmanaḥ
||3||परित्यक्ता वयं भद्रे यादवैः सुमहात्मभिः ॥
९ बलदेवस्य वीरस्य सात्यकेश्च महात्मनः
anyeṣāṃ yaduvīrāṇāṃ pāpakarmātinirghṛṇaḥ ||
jijīviṣuriha prāpto vāsudevanirākṛtaḥ
||4||अन्येषां यदुवीराणां पापकर्मातिनिर्घृणः ॥
जिजीविषुरिह प्राप्तो वासुदेवनिराकृतः
sā śrutvā bhartṛnidhanamarjunācca mahāsatī ||
gaṃgātīre samutpādya pāvakaṃ pāvakaprabhā ||
samutsṛjya mahākāyaṃ nadībhūtvā viniryayau
||5||सा श्रुत्वा भर्तृनिधनमर्जुनाच्च महासती ॥
गंगातीरे समुत्पाद्य पावकं पावकप्रभा ॥
समुत्सृज्य महाकायं नदीभूत्वा विनिर्ययौ
sā gṛhītvā satī bharturbhasma sarvaṃ citestathā ||
praviṣṭā sāgaraṃ devi tadā jāṃbavatī śubhā
||6||सा गृहीत्वा सती भर्तुर्भस्म सर्वं चितेस्तथा ॥
प्रविष्टा सागरं देवि तदा जांबवती शुभा
yā nārī tatra deveśi bhaktyā snānaṃ samācaret ||
tadanvayepi kācitstrī na vaidhavyamavāpnuyāt
||7||या नारी तत्र देवेशि भक्त्या स्नानं समाचरेत् ॥
तदन्वयेपि काचित्स्त्री न वैधव्यमवाप्नुयात्
tasmātsarvaprayatnena tatra snānaṃ samācaret ||
naro vā yadi vā nārī prāpnoti paramāṃ gatim
||8||तस्मात्सर्वप्रयत्नेन तत्र स्नानं समाचरेत् ॥
नरो वा यदि वा नारी प्राप्नोति परमां गतिम्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye jāṃbavatīnadīmāhātmyavarṇanaṃnāmaikatriṃśaduttaradvi śatatamo'dhyāyaḥ || 231 ||