'nileśvaramāhātmyavarṇanam
īśvara uvāca
tato gacchenmahādevi anileśvaramuttamam ||
tasyottareśānadiksthaṃ dhanuṣāṃ tritaye priye
||1||ततो गच्छेन्महादेवि अनिलेश्वरमुत्तमम् ॥
तस्योत्तरेशानदिक्स्थं धनुषां त्रितये प्रिये
liṃgaṃ mahāprabhāvaṃ hi darśanātpāpanāśanam ||
vasūnāṃ pañcamo yo'sāvanilaḥ parikīrtitaḥ
||2||लिंगं महाप्रभावं हि दर्शनात्पापनाशनम् ॥
वसूनां पञ्चमो योऽसावनिलः परिकीर्तितः
sa cā''rādhya mahādevaṃ pratyakṣīkṛtavānbhavam ||
liṃgaṃ pratiṣṭhayāmāsa samyakchraddhāsamanvitaḥ
||3||स चाऽऽराध्य महादेवं प्रत्यक्षीकृतवान्भवम् ॥
लिंगं प्रतिष्ठयामास सम्यक्छ्रद्धासमन्वितः
evamīśaprabhāvena sutastasyā'pyabhūdbalī ||
manojaveti vikhyāto hyavijñātagatistathā
||4||एवमीशप्रभावेन सुतस्तस्याऽप्यभूद्बली ॥
मनोजवेति विख्यातो ह्यविज्ञातगतिस्तथा
taṃ dṛṣṭvā vyādhinā martyo pīḍyate na kadācana ||
nāndho na badhiro mūko na rogī na ca nirdhanaḥ ||
kadācijjāyate martyastena dṛṣṭena bhūtale
||5||तं दृष्ट्वा व्याधिना मर्त्यो पीड्यते न कदाचन ॥
नान्धो न बधिरो मूको न रोगी न च निर्धनः ॥
कदाचिज्जायते मर्त्यस्तेन दृष्टेन भूतले
puṣpamekaṃ tu yo dadyāttasya liṃgasya copari ||
sukhasaubhāgyasaṃpannaḥ sa sadā rūpavānbhavet
||6||पुष्पमेकं तु यो दद्यात्तस्य लिंगस्य चोपरि ॥
सुखसौभाग्यसंपन्नः स सदा रूपवान्भवेत्
ityevaṃ kathitaṃ devi māhātmyaṃ pāpanāśanam ||
śrutvā'numodya bhāvena sarvakāmaiḥ samṛddhyate
||7||इत्येवं कथितं देवि माहात्म्यं पापनाशनम् ॥
श्रुत्वाऽनुमोद्य भावेन सर्वकामैः समृद्ध्यते
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye 'nileśvaramāhātmyavarṇanaṃnāma navottaraśatata mo'dhyāyaḥ || 109 ||