indreśvaramāhātmyavarṇanam
īśvara uvāca
tasmādīśāna digbhāge indrasthānamanuttamam ||
gavyūtipañcamātreṇa yatra candrasaraḥ priye
||1||तस्मादीशान दिग्भागे इन्द्रस्थानमनुत्तमम् ॥
गव्यूतिपञ्चमात्रेण यत्र चन्द्रसरः प्रिये
tasmāduttaradigbhāge nātidūre vyavasthitam ||
yatra candrodakaṃ devi jarādāridryanāśanam
||2||तस्मादुत्तरदिग्भागे नातिदूरे व्यवस्थितम् ॥
यत्र चन्द्रोदकं देवि जरादारिद्र्यनाशनम्
candrānuvṛddhyā tadvṛddhiḥ kṣayastatsaṃkṣaye bhavet ||
tasminpāpayuge'pyevaṃ kadācitsaṃpradṛśyate
||3||चन्द्रानुवृद्ध्या तद्वृद्धिः क्षयस्तत्संक्षये भवेत् ॥
तस्मिन्पापयुगेऽप्येवं कदाचित्संप्रदृश्यते
tatra snātvā mahādevi yadi pāpasahasrakam ||
kṛtaṃ so'tra samāyāti nātra kāryā vicāraṇā
||4||तत्र स्नात्वा महादेवि यदि पापसहस्रकम् ॥
कृतं सोऽत्र समायाति नात्र कार्या विचारणा
tatrāhilyāprasaṃgotthamahāpātakabhīruṇā ||
gautamodbhavaśāpena vilakṣyīkṛtacetasā
||5||तत्राहिल्याप्रसंगोत्थमहापातकभीरुणा ॥
गौतमोद्भवशापेन विलक्ष्यीकृतचेतसा
indreṇa ca purā devi iṣṭaṃ vipuladakṣiṇaiḥ ||
tatra varṣasahasrāṇi saṃsthāpya śivamīśvaram ||
indreśvareti nāmnā vai sarvapātaka nāśanam
||6||इन्द्रेण च पुरा देवि इष्टं विपुलदक्षिणैः ॥
तत्र वर्षसहस्राणि संस्थाप्य शिवमीश्वरम् ॥
इन्द्रेश्वरेति नाम्ना वै सर्वपातक नाशनम्
candratīrthe naraḥ snātvā saṃtarpya pitṛdevatāḥ ||
indreśvaraṃ ca saṃpūjya mucyate nātra saṃśayaḥ
||7||चन्द्रतीर्थे नरः स्नात्वा संतर्प्य पितृदेवताः ॥
इन्द्रेश्वरं च संपूज्य मुच्यते नात्र संशयः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye candrodakatīrthamāhātmya indreśvaramāhātmyavarṇanaṃnāma pañcanavatyuttara dviśatatamo'dhyāyaḥ || 295 ||