tato gacchenmahādevi devaṃ vai saṃgameśvaram
īśvara uvāca
tato gacchenmahādevi devaṃ vai saṃgameśvaram ||
golakṣamiti vikhyātaṃ sarvapātakanāśanam
||1||ततो गच्छेन्महादेवि देवं वै संगमेश्वरम् ॥
गोलक्षमिति विख्यातं सर्वपातकनाशनम्
tasyaiva paścime bhāge sarvakāmaphalapradam ||
ṛṣiruddālakonāma purā hyāsīnmahātapāḥ
||2||तस्यैव पश्चिमे भागे सर्वकामफलप्रदम् ॥
ऋषिरुद्दालकोनाम पुरा ह्यासीन्महातपाः
sa purā saṃgamaṃ prāpya sarvapāpapraṇāśanam ||
sarasvatyāśca piṃgāyāstapastepe sureśvari
||3||स पुरा संगमं प्राप्य सर्वपापप्रणाशनम् ॥
सरस्वत्याश्च पिंगायास्तपस्तेपे सुरेश्वरि
tatastapasyatastasya tapo raudraṃ mahātmanaḥ ||
purato hyutthitaṃ liṃgaṃ bhaktyā yuktasya sundari
||4||ततस्तपस्यतस्तस्य तपो रौद्रं महात्मनः ॥
पुरतो ह्युत्थितं लिंगं भक्त्या युक्तस्य सुन्दरि
etasminneva kāle tu vāguvācāśarīriṇī ||
uddālaka mahābāho śṛṇuṣvaitadvaco mama
||5||एतस्मिन्नेव काले तु वागुवाचाशरीरिणी ॥
उद्दालक महाबाहो शृणुष्वैतद्वचो मम
adyaprabhṛti vāso'tra mama nityaṃ bhaviṣyati ||
yasmādatra samutpannaṃ saṃgame liṃgamuttamam ||
saṃgameśvaramityeva nāma cāsya bhavi ṣyati
||6||अद्यप्रभृति वासोऽत्र मम नित्यं भविष्यति ॥
यस्मादत्र समुत्पन्नं संगमे लिंगमुत्तमम् ॥
संगमेश्वरमित्येव नाम चास्य भवि ष्यति
yetra snānaṃ narāḥ kṛtvā saṃgame lokaviśrute ||
saṃgameśvaramīkṣante te yāṃti paramāṃ gatim
||7||येत्र स्नानं नराः कृत्वा संगमे लोकविश्रुते ॥
संगमेश्वरमीक्षन्ते ते यांति परमां गतिम्
īśvara uvāca
tatastaṃ pūjayāmāsa divārātramataṃdritaḥ ||
tato dehāvasāne'sau gato yatra maheśvaraḥ
||8||ततस्तं पूजयामास दिवारात्रमतंद्रितः ॥
ततो देहावसानेऽसौ गतो यत्र महेश्वरः
iti śrīskāṃde mahāpurāṇa ekāśītisāhasryāṃ saṃhitāyāṃ saptame ,prabhāsakhaṇḍe prathame prabhāsakṣetramāhātmye saṃgameśvaramāhātmyavarṇanaṃnāmaikonapañcāśaduttaradviśatatamo'dhyāyaḥ || 249 ||