lakṣmaṇeśvaramāhātmyavarṇanam
īśvara uvāca
tato gacchenmahādevi lakṣmaṇeśvaramuttamam ||
rāmeśātpūrvadigbhāge dhanustriṃśakasaṃsthitam
||1||ततो गच्छेन्महादेवि लक्ष्मणेश्वरमुत्तमम् ॥
रामेशात्पूर्वदिग्भागे धनुस्त्रिंशकसंस्थितम्
sthāpitaṃ lakṣmaṇenaiva tatra yātrāgatena vai ||
mahāpāpaharaṃ devi talliṃgaṃ surapūjitam
||2||स्थापितं लक्ष्मणेनैव तत्र यात्रागतेन वै ॥
महापापहरं देवि तल्लिंगं सुरपूजितम्
yastaṃ pūjayate bhaktyā nṛtyagītādivādanaiḥ ||
homajāpyaiḥ samādhisthaḥ sa yāti paramāṃ gatim
||3||यस्तं पूजयते भक्त्या नृत्यगीतादिवादनैः ॥
होमजाप्यैः समाधिस्थः स याति परमां गतिम्
annodakaṃ hiraṇyaṃ ca tatra deyaṃ dvijātaye ||
saṃpūjya devadeveśaṃ gaṃdhapuṣpādibhiḥ kramāt
||4||अन्नोदकं हिरण्यं च तत्र देयं द्विजातये ॥
संपूज्य देवदेवेशं गंधपुष्पादिभिः क्रमात्
māghe kṛṣṇacaturdaśyāṃ viśeṣastatra pūjane ||
snānaṃ dānaṃ japastatra bhavedakṣayakārakam
||5||माघे कृष्णचतुर्दश्यां विशेषस्तत्र पूजने ॥
स्नानं दानं जपस्तत्र भवेदक्षयकारकम्
iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye rāmeśvarakṣetramāhātmye lakṣmaṇeśvaramāhātmyavarṇanaṃnāma dvādaśottaraśatatamo 'dhyāyaḥ || 112 ||