mahodayamāhātmyavarṇanam
īśvara uvāca
tato mahodayaṃ gacchettasmādīśānasaṃsthitam
||1||ततो महोदयं गच्छेत्तस्मादीशानसंस्थितम्
vidhinā tatra yaḥ snāti tarpayetpitṛdevatāḥ ||
pratigrahakṛtāddoṣānna bhayaṃ tasya vidyate
||2||विधिना तत्र यः स्नाति तर्पयेत्पितृदेवताः ॥
प्रतिग्रहकृताद्दोषान्न भयं तस्य विद्यते
mahodayaṃ mahānandadāyakaṃ ca dvijanmanām ||
pratigrahaprasaktānāṃ viṣayāsaktacetasām ||
teṣāmapi dadenmuktiṃ tena khyātaṃ mahodayam
||3||महोदयं महानन्ददायकं च द्विजन्मनाम् ॥
प्रतिग्रहप्रसक्तानां विषयासक्तचेतसाम् ॥
तेषामपि ददेन्मुक्तिं तेन ख्यातं महोदयम्
tasya vai rakṣaṇārthāya mahākālasya cottare ||
niyuktāśca mahādevi mātarastatra saṃsthitāḥ ||
tasminsnātvā naraḥ pūrvaṃ mātṝstāśca prapūjayet
||4||तस्य वै रक्षणार्थाय महाकालस्य चोत्तरे ॥
नियुक्ताश्च महादेवि मातरस्तत्र संस्थिताः ॥
तस्मिन्स्नात्वा नरः पूर्वं मातॄस्ताश्च प्रपूजयेत्
evaṃ devi mayā khyātaṃ mahodayamahodayam ||
sarvapāpaharaṃ nṛṇāmabhiṣekācca muktidam
||5||एवं देवि मया ख्यातं महोदयमहोदयम् ॥
सर्वपापहरं नृणामभिषेकाच्च मुक्तिदम्
ardhakrośe ca tattīrthaṃ samaṃtātparimaṃḍalam ||
etanmadhyaṃ mahāsāraṃ sadaiva munivallabham
||6||अर्धक्रोशे च तत्तीर्थं समंतात्परिमंडलम् ॥
एतन्मध्यं महासारं सदैव मुनिवल्लभम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye mahodayamāhātmyavarṇanaṃnāma sapta viṃśatyuttaratriśatatamo'dhyāyaḥ || 327 ||