tato gacchenmahādevi tasyaivottarataḥ sthitam
īśvara uvāca
tato gacchenmahādevi tasyaivottarataḥ sthitam ||
liṃgaṃ mahāprabhāvaṃ tu budheśvaramiti śrutam
||1||ततो गच्छेन्महादेवि तस्यैवोत्तरतः स्थितम् ॥
लिंगं महाप्रभावं तु बुधेश्वरमिति श्रुतम्
dhanuṣāṃ dvitaye caiva nātidūre vyavasthitam ||
sarvapāpa haraṃ liṃgaṃ darśanādeva bhāmini
||2||धनुषां द्वितये चैव नातिदूरे व्यवस्थितम् ॥
सर्वपाप हरं लिंगं दर्शनादेव भामिनि
budhena caiva deveśi tatra taptaṃ mahātapaḥ ||
sthāpitaṃ vimalaṃ liṃgaṃ samārādhya sadāśivam
||3||बुधेन चैव देवेशि तत्र तप्तं महातपः ॥
स्थापितं विमलं लिंगं समाराध्य सदाशिवम्
varṣāyutāni catvāri saṃpūjya tu vidhānataḥ ||
ananyacetāḥ śāṃtātmā pratyakṣīkṛtavānbhavam
||4||वर्षायुतानि चत्वारि संपूज्य तु विधानतः ॥
अनन्यचेताः शांतात्मा प्रत्यक्षीकृतवान्भवम्
tatastuṣṭamanā devo grahatvaṃ tasya taddadau ||
taṃ saṃpūjya vidhānena somaputrapratiṣṭhitam ||
saumyāṣṭamyāṃ viśeṣeṇa rājasūyaphalaṃ labhet
||5||ततस्तुष्टमना देवो ग्रहत्वं तस्य तद्ददौ ॥
तं संपूज्य विधानेन सोमपुत्रप्रतिष्ठितम् ॥
सौम्याष्टम्यां विशेषेण राजसूयफलं लभेत्
na daurbhāgyaṃ kule tasya na caiveṣṭaviyojanam ||
śatruto na bhayaṃ tasya bhavettasyaprasādataḥ
||6||न दौर्भाग्यं कुले तस्य न चैवेष्टवियोजनम् ॥
शत्रुतो न भयं तस्य भवेत्तस्यप्रसादतः
iti saṃkṣepataḥ proktaṃ māhātmyaṃ budhadaivatam ||
śrutvā'bhinaṃdya prayataḥ prāpnoti paramaṃ padam
||7||इति संक्षेपतः प्रोक्तं माहात्म्यं बुधदैवतम् ॥
श्रुत्वाऽभिनंद्य प्रयतः प्राप्नोति परमं पदम्
iti śrīskānde mahāpu rāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye budheśvaramāhātmyavarṇanaṃnāmaṣaṭcatvāriṃśo'dhyāyaḥ || 46 ||