āśāpūraṃ tato gacchedvighnarājamakalmaṣam
īśvara uvāca
āśāpūraṃ tato gacchedvighnarājamakalmaṣam ||
śaśibhūṣaṇa vāyavye saṃsthitaṃ vighnanāśanam ||
āśāṃ pūrayate yasmāttenāśāpūrakaḥ smṛtaḥ
||1||आशापूरं ततो गच्छेद्विघ्नराजमकल्मषम् ॥
शशिभूषण वायव्ये संस्थितं विघ्ननाशनम् ॥
आशां पूरयते यस्मात्तेनाशापूरकः स्मृतः
yatra rāmeṇa deveśi sītayā lakṣmaṇena ca ||
samārādhya ca vighneśaṃ prāptaṃ kāmamabhīpsitam
||2||यत्र रामेण देवेशि सीतया लक्ष्मणेन च ॥
समाराध्य च विघ्नेशं प्राप्तं काममभीप्सितम्
yatra caṃdramasā devi samārādhya gaṇādhipam ||
labdhaṃ tadvāṃchitaṃ pūrvaṃ sarvakuṣṭhavināśanam
||3||यत्र चंद्रमसा देवि समाराध्य गणाधिपम् ॥
लब्धं तद्वांछितं पूर्वं सर्वकुष्ठविनाशनम्
caturthyāṃ śuklapakṣe ca māsi bhādrapade tathā ||
tatra saṃpūjya deveśaṃ modakairbhojayeddvijān
||4||चतुर्थ्यां शुक्लपक्षे च मासि भाद्रपदे तथा ॥
तत्र संपूज्य देवेशं मोदकैर्भोजयेद्द्विजान्
vāñchitāṃ labhate siddhiṃ vighnarājaprasādataḥ ||
kṣetrasyāsya mahādevi rakṣārthaṃ tu mayā purā
||5||वाञ्छितां लभते सिद्धिं विघ्नराजप्रसादतः ॥
क्षेत्रस्यास्य महादेवि रक्षार्थं तु मया पुरा
tato niyukto deveśi yāyināṃ vighnanāśanaḥ
||6||ततो नियुक्तो देवेशि यायिनां विघ्ननाशनः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe prathame prabhāsakṣetramāhātmya āśāpūravighnarāja māhātmyavarṇanaṃnāmaikacatśariṃśaduttara triśatatamo'dhyāyaḥ || 341 ||