prabhāseśvaramāhātmyavarṇanam
īśvara uvāca
tato gacchedvarārohe prabhāseśvaramuttamam ||
gaurītapovanāddevi paścime samudāhṛtam
||1||ततो गच्छेद्वरारोहे प्रभासेश्वरमुत्तमम् ॥
गौरीतपोवनाद्देवि पश्चिमे समुदाहृतम्
dhanuṣāṃ saptake devi nātidūre vyavasthitam ||
sthāpitaṃ tanmahāliṃgaṃ vasūnāmaṣṭamena hi
||2||धनुषां सप्तके देवि नातिदूरे व्यवस्थितम् ॥
स्थापितं तन्महालिंगं वसूनामष्टमेन हि
prabhāsa iti nāmnā hi śivapūjāratena vai ||
sa putrakāmo deveśi prabhāsakṣetramāgataḥ
||3||प्रभास इति नाम्ना हि शिवपूजारतेन वै ॥
स पुत्रकामो देवेशि प्रभासक्षेत्रमागतः
pratiṣṭhāpya mahāliṅgaṃ cacāra vipulaṃ tapaḥ ||
āgneyamiti vikhyātaṃ divyābdānāṃ śataṃ priye
||4||प्रतिष्ठाप्य महालिङ्गं चचार विपुलं तपः ॥
आग्नेयमिति विख्यातं दिव्याब्दानां शतं प्रिये
tatastasya mahādevi samyakchraddhānvi tasya vai ||
tutoṣa bhagavānrudro dadau yanmanasīpsitam
||5||ततस्तस्य महादेवि सम्यक्छ्रद्धान्वि तस्य वै ॥
तुतोष भगवान्रुद्रो ददौ यन्मनसीप्सितम्
bṛhaspatestu bhaginī bhuvanā brahmavādinī ||
prabhāsasya tu sā bhāryā vasūnāmaṣṭamasya ca
||6||बृहस्पतेस्तु भगिनी भुवना ब्रह्मवादिनी ॥
प्रभासस्य तु सा भार्या वसूनामष्टमस्य च
viśvakarmā sutastasyāḥ sṛṣṭikartā prajāpatiḥ ||
devānāṃ takṣako vidvānmanormātāmahaḥ smṛtaḥ
||7||विश्वकर्मा सुतस्तस्याः सृष्टिकर्ता प्रजापतिः ॥
देवानां तक्षको विद्वान्मनोर्मातामहः स्मृतः
takṣakaḥ sūryabiṃbasya tejasaḥ śātano mahān ||
evaṃ tasyā'bhavatputro vasūnāmaṣṭamasya vai
||8||तक्षकः सूर्यबिंबस्य तेजसः शातनो महान् ॥
एवं तस्याऽभवत्पुत्रो वसूनामष्टमस्य वै
prabhāsanāmno deveśi talliṃgārādhanodyataḥ ||
iti te kathitaṃ devi prabhāseśvarasūcakam
||9||प्रभासनाम्नो देवेशि तल्लिंगाराधनोद्यतः ॥
इति ते कथितं देवि प्रभासेश्वरसूचकम्
māhātmyaṃ sarvapāpaghnaṃ sarvakāmapradaṃ śubham ||
yastaṃ pūjayate bhaktyā samyakchraddhāsamanvitaḥ
||10||माहात्म्यं सर्वपापघ्नं सर्वकामप्रदं शुभम् ॥
यस्तं पूजयते भक्त्या सम्यक्छ्रद्धासमन्वितः
bhūmiśāyī nirāhāro japanvai śatarudriyam ||
māghe māsi caturdaśyāṃ snātvā sāgarasaṃgame
||11||भूमिशायी निराहारो जपन्वै शतरुद्रियम् ॥
माघे मासि चतुर्दश्यां स्नात्वा सागरसंगमे
paṃcāmṛtena saṃsnāpya pūjayitvā vidhānataḥ
||12||पंचामृतेन संस्नाप्य पूजयित्वा विधानतः
ya evaṃ kurute devi samyagyātrāmahotsavam ||
sa muktaḥ pātakaiḥ sarvaiḥ sarvakāmaiḥ samṛddhyate ||
vṛṣastatraiva dātavyaḥ samyagyātrāphalepsubhiḥ
||13||य एवं कुरुते देवि सम्यग्यात्रामहोत्सवम् ॥
स मुक्तः पातकैः सर्वैः सर्वकामैः समृद्ध्यते ॥
वृषस्तत्रैव दातव्यः सम्यग्यात्राफलेप्सुभिः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye prabhāseśvaramāhātmyavarṇanaṃnāma daśottaraśatatamo'dhyāyaḥ || 110 ||