ṛṣitoyānadīmāhātmyavarṇanam
īśvara uvāca
tasmādāgneyadigbhāge gavyūtisaptakena ca ||
sthānaṃ devakulaṃnāma devānāṃ yatra saṃgamaḥ
||1||तस्मादाग्नेयदिग्भागे गव्यूतिसप्तकेन च ॥
स्थानं देवकुलंनाम देवानां यत्र संगमः
ṛṣīṇāṃ yatra siddhānāṃ purā liṃge nipātite ||
yasmājjāto mahādevi tasmāddevakulaṃ smṛtam
||2||ऋषीणां यत्र सिद्धानां पुरा लिंगे निपातिते ॥
यस्माज्जातो महादेवि तस्माद्देवकुलं स्मृतम्
tasya paścimadigbhāga ṛṣitoyā mahānadī ||
ṛṣīṇāṃ vallabhā devi sarvapātakanāśinī
||3||तस्य पश्चिमदिग्भाग ऋषितोया महानदी ॥
ऋषीणां वल्लभा देवि सर्वपातकनाशिनी
tatra snātvā naraḥ samyakpitṝṇāṃ nirvapennaraḥ ||
saptavarṣāyutānyeva pitṝṇāṃ tṛptimāvahet
||4||तत्र स्नात्वा नरः सम्यक्पितॄणां निर्वपेन्नरः ॥
सप्तवर्षायुतान्येव पितॄणां तृप्तिमावहेत्
suvarṇaṃ tatra deyaṃ tu ajinaṃ kaṃbalaṃ tathā ||
āṣāḍhe tvamāvāsyāyāṃ yatkiñciddīyate dhruvam
||5||सुवर्णं तत्र देयं तु अजिनं कंबलं तथा ॥
आषाढे त्वमावास्यायां यत्किञ्चिद्दीयते ध्रुवम्
varddhate ṣoḍaśaguṇaṃ yāvadāyāti pūrṇimā
||6||वर्द्धते षोडशगुणं यावदायाति पूर्णिमा
suvarṇaṃ tatra deyaṃ tu ajinaṃ kaṃbalaṃ tathā ||
mucyate pātakaiḥ sarvaiḥ saptajanmakṛtairapi
||7||सुवर्णं तत्र देयं तु अजिनं कंबलं तथा ॥
मुच्यते पातकैः सर्वैः सप्तजन्मकृतैरपि
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ṛṣitoyānadīmāhātmyavarṇanaṃnāma ṣaṇṇavatyuttaradviśatatamo'dhyāyaḥ || 296 ||