liṃgadvayamāhātmyavarṇanam
īśvara uvāca
tasmācca pūrvadigbhāge kiñcidāgneyasaṃsthitam ||
liṃgadvayaṃ mahāpuṇyaṃ viśvakarmapratiṣṭhitam
||1||तस्माच्च पूर्वदिग्भागे किञ्चिदाग्नेयसंस्थितम् ॥
लिंगद्वयं महापुण्यं विश्वकर्मप्रतिष्ठितम्
yadā vai nagaraṃ kartuṃ tvaṣṭā tatra samāgataḥ ||
pratiṣṭhāpya mahādevaṃ nagaraṃ kṛtavāṃstataḥ
||2||यदा वै नगरं कर्तुं त्वष्टा तत्र समागतः ॥
प्रतिष्ठाप्य महादेवं नगरं कृतवांस्ततः
kṛtvā ca nagaraṃ ramyaṃ liṃgasyāsya prabhāvataḥ ||
punaḥ pratiṣṭhitaṃ rligaṃ tena vai viśvakarmaṇā
||3||कृत्वा च नगरं रम्यं लिंगस्यास्य प्रभावतः ॥
पुनः प्रतिष्ठितं र्लिगं तेन वै विश्वकर्मणा
karmādau karmaṇaścānte yātrodvāhagṛhādike ||
liṃgadvayaṃ pūjayitvā siddhimāpnoti tatkṣaṇāt
||4||कर्मादौ कर्मणश्चान्ते यात्रोद्वाहगृहादिके ॥
लिंगद्वयं पूजयित्वा सिद्धिमाप्नोति तत्क्षणात्
tasmātsarvaprayatnena gaṃdhāmṛtarasodakaiḥ ||
naivedyai vividhairdevi liṃgayugmaṃ prapūjayet
||5||तस्मात्सर्वप्रयत्नेन गंधामृतरसोदकैः ॥
नैवेद्यै विविधैर्देवि लिंगयुग्मं प्रपूजयेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya unnatasthānamāhātmye liṃgadvayamāhātmyavarṇanaṃnāma viṃśottaratriśatatamo'dhyāyaḥ || 320 ||