ṛṣitīrthasaṃgamamāhātmyavarṇanam
īśvara uvāca
atha devakulāgneyyāṃ gavyūtyā tatra saṃsthitam ||
samudrasya taṭe ramyamṛṣitīrthamanuttamam
||1||अथ देवकुलाग्नेय्यां गव्यूत्या तत्र संस्थितम् ॥
समुद्रस्य तटे रम्यमृषितीर्थमनुत्तमम्
pāṣāṇākṛtayastatra ṛṣayo'dyāpi saṃsthitāḥ ||
dṛśyaṃte mānuṣe devi sarvapātakanāśanāḥ
||2||पाषाणाकृतयस्तत्र ऋषयोऽद्यापि संस्थिताः ॥
दृश्यंते मानुषे देवि सर्वपातकनाशनाः
tatra jyeṣṭhe tvamāvāsyāṃ prāpyate nādhamairnnaraiḥ ||
piṃḍadānaṃ viśeṣeṇa snānaṃ śraddhāsamanvitaiḥ
||3||तत्र ज्येष्ठे त्वमावास्यां प्राप्यते नाधमैर्न्नरैः ॥
पिंडदानं विशेषेण स्नानं श्रद्धासमन्वितैः
ṛṣitoyāsaṃgame tu snānaṃ śrāddhaṃ sudurlabham ||
gopradānaṃ praśaṃsaṃti tatra te munipugavāḥ ||
bhojanaṃ brāhmaṇānāṃ tu yathāśaktyā pradāpayet
||4||ऋषितोयासंगमे तु स्नानं श्राद्धं सुदुर्लभम् ॥
गोप्रदानं प्रशंसंति तत्र ते मुनिपुगवाः ॥
भोजनं ब्राह्मणानां तु यथाशक्त्या प्रदापयेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye mūlacaṃḍīśamāhātmya ṛṣitīrthasaṃgamamāhātmyavarṇanaṃnāma caturdaśottaratriśatatamo'dhyāyaḥ || 314 ||