tato gacchenmahādevi aṃgāreśvaramuttamam
īśvara uvāca
tato gacchenmahādevi aṃgāreśvaramuttamam ||
sthāpitaṃ bhūmiputreṇa someśādīśa gocare
||1||ततो गच्छेन्महादेवि अंगारेश्वरमुत्तमम् ॥
स्थापितं भूमिपुत्रेण सोमेशादीश गोचरे
tripuraṃ dagdhukāmasya purā mama varānane ||
krodhādaśru viniṣkrāṃtaṃ locanatritayena tu
||2||त्रिपुरं दग्धुकामस्य पुरा मम वरानने ॥
क्रोधादश्रु विनिष्क्रांतं लोचनत्रितयेन तु
tacca bhūmau nipatitaṃ tato bhūbhisuto'bhavat ||
sa prabhāsaṃ tato gatvā bālyātprabhṛti śaṃkaram
||3||तच्च भूमौ निपतितं ततो भूभिसुतोऽभवत् ॥
स प्रभासं ततो गत्वा बाल्यात्प्रभृति शंकरम्
tapasā''rādhayāmāsa bahūnvarṣagaṇānpriye ||
tasya tuṣṭo mahādevaḥ suprītātmā varaṃ dadau
||4||तपसाऽऽराधयामास बहून्वर्षगणान्प्रिये ॥
तस्य तुष्टो महादेवः सुप्रीतात्मा वरं ददौ
so'bravīdyadi me deva tuṣṭosi vṛṣabhadhvaja ||
grahatvaṃ dehi sarveśa na cānyaṃ varamutsahe
||5||सोऽब्रवीद्यदि मे देव तुष्टोसि वृषभध्वज ॥
ग्रहत्वं देहि सर्वेश न चान्यं वरमुत्सहे
sa tatheti pratijñāya punastaṃ vākyamabravīt ||
ihāgatya naro yo māṃ pūjayiṣyati bhaktitaḥ
||6||स तथेति प्रतिज्ञाय पुनस्तं वाक्यमब्रवीत् ॥
इहागत्य नरो यो मां पूजयिष्यति भक्तितः
na bhaviṣyati vai pīḍā tāvakī tasya kutracit ||
puṣpāṇi raktavarṇāni madhvājyāktāni bhūriśaḥ
||7||न भविष्यति वै पीडा तावकी तस्य कुत्रचित् ॥
पुष्पाणि रक्तवर्णानि मध्वाज्याक्तानि भूरिशः
homayiṣyati yo bhaktyā lakṣamekaṃ tadagrataḥ ||
paṃcopacāravidhinā tvāṃ tu saṃpūjya yatnataḥ
||8||होमयिष्यति यो भक्त्या लक्षमेकं तदग्रतः ॥
पंचोपचारविधिना त्वां तु संपूज्य यत्नतः
tasya janmāvadhirnaiva tava pīḍā bhaviṣyati ||
tathā vidrumadānena lapsyate phalamīpsitam
||9||तस्य जन्मावधिर्नैव तव पीडा भविष्यति ॥
तथा विद्रुमदानेन लप्स्यते फलमीप्सितम्
evamuktvā sa bhagavānatraivāṃtaradhīyana ||
bhaumo'pi grahamadhyastho vimānena virājate
||10||एवमुक्त्वा स भगवानत्रैवांतरधीयन ॥
भौमोऽपि ग्रहमध्यस्थो विमानेन विराजते
evaṃ saṃkṣepataḥ proktaṃ bhaumamāhātmyamuttamam ||
śrutaṃ harati pāpāni tathārogyaṃ prayacchati
||11||एवं संक्षेपतः प्रोक्तं भौममाहात्म्यमुत्तमम् ॥
श्रुतं हरति पापानि तथारोग्यं प्रयच्छति
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmyeṃ'gāreśvaramāhātmyavarṇanaṃnāma pañcacatvāriṃśodhyāyaḥ || 45 ||