tato gacchenmahādevi lakulīśaṃ mahāprabham
īśvara uvāca
tato gacchenmahādevi lakulīśaṃ mahāprabham ||
tasya paścimadigbhāge dhanuṣāṃ saptake sthitam
||1||ततो गच्छेन्महादेवि लकुलीशं महाप्रभम् ॥
तस्य पश्चिमदिग्भागे धनुषां सप्तके स्थितम्
pāpaghnaṃ sarvajaṃtūnāṃ śāṃtaṃ mūrtisthitaṃ prabhum ||
samāyātaṃ mahākṣetre tatra kāyāvarohaṇāt
||2||पापघ्नं सर्वजंतूनां शांतं मूर्तिस्थितं प्रभुम् ॥
समायातं महाक्षेत्रे तत्र कायावरोहणात्
kṛtvā tatra tapaścograṃ dīkṣayitvātmaśiṣya kān ||
kuśakādīṃśca catura uktvā śāstrāṇyanekaśaḥ
||3||कृत्वा तत्र तपश्चोग्रं दीक्षयित्वात्मशिष्य कान् ॥
कुशकादींश्च चतुर उक्त्वा शास्त्राण्यनेकशः
nyāyavaiśeṣikādīni tataḥ siddhiṃ parāṃ gataḥ ||
evaṃ jñātvā tu yaḥ samyaktaṃ samarcayate naraḥ
||4||न्यायवैशेषिकादीनि ततः सिद्धिं परां गतः ॥
एवं ज्ञात्वा तु यः सम्यक्तं समर्चयते नरः
kārttikyāṃ tu viśeṣeṇa ayane cottarepi vā ||
vidyādānaṃ ca tatraiva dadyādviprāya śāline
||5||कार्त्तिक्यां तु विशेषेण अयने चोत्तरेपि वा ॥
विद्यादानं च तत्रैव दद्याद्विप्राय शालिने
saptajanmāni viprasya dhanāḍhyasya kule śubhe ||
jāyate matimāndhīmāñchrīmānevaṃ punaḥpunaḥ
||6||सप्तजन्मानि विप्रस्य धनाढ्यस्य कुले शुभे ॥
जायते मतिमान्धीमाञ्छ्रीमानेवं पुनःपुनः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsa kṣetramāhātmye lakulīśvaramāhātmya varṇanaṃnāmaikonāśītitamo'dhyāyaḥ || 79 ||