liṃgatrayamāhātmyavarṇanam
īśvara uvāca
tatraiva saṃsthitaṃ paśyelliṃgatrayamanuttamam ||
śatamedhaṃ sahasramedhaṃ koṭimedhamiti kramāt
||1||तत्रैव संस्थितं पश्येल्लिंगत्रयमनुत्तमम् ॥
शतमेधं सहस्रमेधं कोटिमेधमिति क्रमात्
dakṣiṇe śatamedhaṃ tu śatayajñaphalapradam ||
kārtavīryyeṇa tatraiva kṛtaṃ yajñaśataṃ purā
||2||दक्षिणे शतमेधं तु शतयज्ञफलप्रदम् ॥
कार्तवीर्य्येण तत्रैव कृतं यज्ञशतं पुरा
pratiṣṭhāpya mahāliṃgaṃ sarvapātakanāśanam ||
madhyabhāge'tra yalliṃgaṃ koṭimedheti viśrutam
||3||प्रतिष्ठाप्य महालिंगं सर्वपातकनाशनम् ॥
मध्यभागेऽत्र यल्लिंगं कोटिमेधेति विश्रुतम्
tatreṣṭā brahmaṇā pūrvaṃ koṭi saṃkhyā makhottamāḥ ||
saṃsthāpya tu mahādevaṃ śaṃkaraṃ lokaśaṃkarama
||4||तत्रेष्टा ब्रह्मणा पूर्वं कोटि संख्या मखोत्तमाः ॥
संस्थाप्य तु महादेवं शंकरं लोकशंकरम
tasya uttarabhāgasthaṃ sahasrakratusaṃjñakam ||
śakraśca devarājo'pi sahasraṃ yaṣṭavānkratūn
||5||तस्य उत्तरभागस्थं सहस्रक्रतुसंज्ञकम् ॥
शक्रश्च देवराजोऽपि सहस्रं यष्टवान्क्रतून्
pratiṣṭhāpya mahāliṃgaṃ devānāmādidaivatam ||
gaṃdhapuṣpādividhinā paṃcāmṛtarasodakaiḥ
||6||प्रतिष्ठाप्य महालिंगं देवानामादिदैवतम् ॥
गंधपुष्पादिविधिना पंचामृतरसोदकैः
sa prāpnuyātphalaṃ devi liṃganāmodbhavaṃ kramāt ||
godānaṃ tatra deyaṃ tu samyagyātrāphalepsubhiḥ
||7||स प्राप्नुयात्फलं देवि लिंगनामोद्भवं क्रमात् ॥
गोदानं तत्र देयं तु सम्यग्यात्राफलेप्सुभिः
daśalakṣāṇi tīrthānāṃ tatra tiṣṭhaṃti bhāmini ||
liṃgatrayaṃ tathā madhye sarvapātakanāśanam
||8||दशलक्षाणि तीर्थानां तत्र तिष्ठंति भामिनि ॥
लिंगत्रयं तथा मध्ये सर्वपातकनाशनम्
iti śrīskānde mahāpurāṇa ekāśītisāhasryāṃ sahitāyāṃ saptame prabhāsa khaṇḍe prathame prabhāsakṣetramāhātmye daśāśvamedhamāhātmye śatamedhādi liṃgatrayamāhātmyavarṇanaṃnāma pañcatriṃśaduttaradviśatatamo'dhyāyaḥ || 235 ||