dhanadeśvaramāhātmyavarṇanam
īśvara uvāca
atha te paṃcamaṃ vacmi siddhaligaṃ mahāprabham ||
brahmaṇo nairṛte bhāge dhanuṣāṃ ṣoḍaśe sthitam
||1||अथ ते पंचमं वच्मि सिद्धलिगं महाप्रभम् ॥
ब्रह्मणो नैर्ऋते भागे धनुषां षोडशे स्थितम्
rāhuliṃgasya cābhyāśe liṃgaṃ dhanadanirmitam ||
dhanadatvaṃ ca saṃprāpto yatra taptvā mahattapaḥ
||2||राहुलिंगस्य चाभ्याशे लिंगं धनदनिर्मितम् ॥
धनदत्वं च संप्राप्तो यत्र तप्त्वा महत्तपः
saṃsthāpya vidhivatpūjya liṃgaṃ varṣasahasrakam ||
alakādhipatirjātastatra śaṃbhoḥ prasādataḥ
||3||संस्थाप्य विधिवत्पूज्य लिंगं वर्षसहस्रकम् ॥
अलकाधिपतिर्जातस्तत्र शंभोः प्रसादतः
jātiṃ smṛtvā pūrvikāṃ tu jñātvā dīpadaśāphalam ||
śivarātre prabhāvaṃ tu prabhāsaṃ punarāgataḥ
||4||जातिं स्मृत्वा पूर्विकां तु ज्ञात्वा दीपदशाफलम् ॥
शिवरात्रे प्रभावं तु प्रभासं पुनरागतः
prabhāvātiśayaṃ jñātvā sthāpayāmāsa śaṃkaram ||
tatra pratyakṣatāṃ nītastapasā yena śaṃkaraḥ
||5||प्रभावातिशयं ज्ञात्वा स्थापयामास शंकरम् ॥
तत्र प्रत्यक्षतां नीतस्तपसा येन शंकरः
mahābhaktyā mahādevi tasmim̐lliṃge'vatāritaḥ ||
taṃ dṛṣṭvā mānavo bhaktyā pūjayitvā yathāvidhi
||6||महाभक्त्या महादेवि तस्मिँल्लिंगेऽवतारितः ॥
तं दृष्ट्वा मानवो भक्त्या पूजयित्वा यथाविधि
pañcopacāraiḥ sadbhaktyā gandhadhūpānulepanaiḥ ||
tasyānvaye daridraśca kadāpi na bhaviṣyati
||7||पञ्चोपचारैः सद्भक्त्या गन्धधूपानुलेपनैः ॥
तस्यान्वये दरिद्रश्च कदापि न भविष्यति
ye caitatpūjayiṣyaṃti liṃgaṃ bhaktiyutā narāḥ ||
ajeyāste bhaviṣyaṃti śatrūṇāṃ darpanāśanāḥ
||8||ये चैतत्पूजयिष्यंति लिंगं भक्तियुता नराः ॥
अजेयास्ते भविष्यंति शत्रूणां दर्पनाशनाः
iti te kathitaṃ sarvaṃ dhanadeśamahodayam ||
śrutvānumodya yatnena daridro naiva jāyate
||9||इति ते कथितं सर्वं धनदेशमहोदयम् ॥
श्रुत्वानुमोद्य यत्नेन दरिद्रो नैव जायते
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye dhanadeśvaramāhātmyavarṇanaṃnāma ṣaṭpañcāśo'dhyāyaḥ || 56 ||