gaurīśvareti vikhyātaṃ yattvayā liṃgamuttamam
devyuvāca
gaurīśvareti vikhyātaṃ yattvayā liṃgamuttamam ||
kutra tiṣṭhati talliṃgaṃ pūjitaṃ yatphalaṃ labhet
||1||गौरीश्वरेति विख्यातं यत्त्वया लिंगमुत्तमम् ॥
कुत्र तिष्ठति तल्लिंगं पूजितं यत्फलं लभेत्
īśvara uvāca
śṛṇu devi pravakṣyāmi māhātmyaṃ pāpanārānam ||
gaurīśvarasya devasya sarvakāmapradasya vai
||2||शृणु देवि प्रवक्ष्यामि माहात्म्यं पापनारानम् ॥
गौरीश्वरस्य देवस्य सर्वकामप्रदस्य वै
idaṃ tapovanaṃ devi khyātaṃ gauryā mahāprabham ||
dhanuṣāṃ pacapaṃcāśatsamaṃtātparimaṃḍalam
||3||इदं तपोवनं देवि ख्यातं गौर्या महाप्रभम् ॥
धनुषां पचपंचाशत्समंतात्परिमंडलम्
tatra madhye sthitā devī ekapādā taponvitā ||
tasyā uttarato devi kiṃcidīśānasaṃsthitam
||4||तत्र मध्ये स्थिता देवी एकपादा तपोन्विता ॥
तस्या उत्तरतो देवि किंचिदीशानसंस्थितम्
dhanuṣāṃ caturaṃte ca liṃgaṃ pāpabhayāpaham ||
yastatpūjayate bhaktyā liṃgaṃ bhaktiyuto naraḥ ||
kṛṣṇāṣṭamyāṃ viśeṣeṇa sa muktaḥ pātakairbhavet
||5||धनुषां चतुरंते च लिंगं पापभयापहम् ॥
यस्तत्पूजयते भक्त्या लिंगं भक्तियुतो नरः ॥
कृष्णाष्टम्यां विशेषेण स मुक्तः पातकैर्भवेत्
godānaṃ cātra śaṃsaṃti suvarṇaṃ dvijapuṃgave ||
annadānaṃ viśeṣeṇa sarvapāpapraśāṃtaye
||6||गोदानं चात्र शंसंति सुवर्णं द्विजपुंगवे ॥
अन्नदानं विशेषेण सर्वपापप्रशांतये
goghno vā brahmahā vā'pi tathā duṣkṛtakarmakṛt ||
sarva pāpaiḥ pramucyeta tasya liṃgasya darśanāt
||7||गोघ्नो वा ब्रह्महा वाऽपि तथा दुष्कृतकर्मकृत् ॥
सर्व पापैः प्रमुच्येत तस्य लिंगस्य दर्शनात्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsa kṣetramāhātmye gaurīśvaramāhātmyavarṇanaṃnāmaikonasaptatitamo'dhyāyaḥ || 69 ||