mādhavamāhātmyavarṇanam
īśvara uvāca
tasyaiva dakṣiṇe bhāge nātidūre vyavasthitam ||
śaṃkhacakragadādhārī mādhavastatra saṃsthitaḥ
||1||तस्यैव दक्षिणे भागे नातिदूरे व्यवस्थितम् ॥
शंखचक्रगदाधारी माधवस्तत्र संस्थितः
ekādaśyāṃ site pakṣe sopavāso jitendriyaḥ ||
yastaṃ pūjayate bhaktyā gaṃdhapuṣpānulepanaiḥ ||
sa yāti paramaṃ sthānamapunarbhavadāyakam
||2||एकादश्यां सिते पक्षे सोपवासो जितेन्द्रियः ॥
यस्तं पूजयते भक्त्या गंधपुष्पानुलेपनैः ॥
स याति परमं स्थानमपुनर्भवदायकम्
atra gāthā purā gītā brahmaṇā lokakartṛṇā ||
viṣṇukuṇḍe naraḥ snātvā yo vai mādhavamarcayet ||
sa yāsyati paraṃ sthānaṃ yatra devo hariḥ svayam
||3||अत्र गाथा पुरा गीता ब्रह्मणा लोककर्तृणा ॥
विष्णुकुण्डे नरः स्नात्वा यो वै माधवमर्चयेत् ॥
स यास्यति परं स्थानं यत्र देवो हरिः स्वयम्
etatte sarvamākhyātaṃ māhātmyaṃ viṣṇudaivatam ||
sarvakāmapradaṃ nṛṇāṃ sarvapātakanāśanam
||4||एतत्ते सर्वमाख्यातं माहात्म्यं विष्णुदैवतम् ॥
सर्वकामप्रदं नृणां सर्वपातकनाशनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye mādhavamāhātmyavarṇanaṃnāma navanavatyuttaradvi śatatamo'dhyāyaḥ || 299 ||