sthānaṃ mahāprabhāvaṃ hi surasiddhaniṣevitam
īśvara uvāca
iti proktāni te devi vaktraliṃgāni paṃca vai ||
atha te saṃpravakṣyāmi yatra gauryāstapo vanam ||
sthānaṃ mahāprabhāvaṃ hi surasiddhaniṣevitam
||1||इति प्रोक्तानि ते देवि वक्त्रलिंगानि पंच वै ॥
अथ ते संप्रवक्ष्यामि यत्र गौर्यास्तपो वनम् ॥
स्थानं महाप्रभावं हि सुरसिद्धनिषेवितम्
someśātpūrvadigbhāge ṣaṣṭidhanvaṃtare sthitam ||
yatra devyā tapastaptaṃ satyā vai pūrvajanmani
||2||सोमेशात्पूर्वदिग्भागे षष्टिधन्वंतरे स्थितम् ॥
यत्र देव्या तपस्तप्तं सत्या वै पूर्वजन्मनि
kṛtvā ca praṇayātkopaṃ mayā sārddhaṃ varānane ||
prabhāsakṣetramāsādya saṃsthitā sā tapasvinī
||3||कृत्वा च प्रणयात्कोपं मया सार्द्धं वरानने ॥
प्रभासक्षेत्रमासाद्य संस्थिता सा तपस्विनी
devyuvāca
kimarthaṃ sā parityajya satī tvāṃ tapasi sthitā ||
kasminsthāne sthitā devī etanme vistarādvada
||4||किमर्थं सा परित्यज्य सती त्वां तपसि स्थिता ॥
कस्मिन्स्थाने स्थिता देवी एतन्मे विस्तराद्वद
īcara.uvāca
purā''sīstvaṃ mahādevi śyāmavarṇā manasvinī ||
nāmārthaṃ ca mayā proktā kālīti rahasi sthitā
||5||पुराऽऽसीस्त्वं महादेवि श्यामवर्णा मनस्विनी ॥
नामार्थं च मया प्रोक्ता कालीति रहसि स्थिता
sā śrutvā vismayaṃ vākyaṃ bhṛśaṃ roṣaparāyaṇā ||
abravītparuṣaṃ vākyaṃ bhṛkuṭī kuṭilānanā
||6||सा श्रुत्वा विस्मयं वाक्यं भृशं रोषपरायणा ॥
अब्रवीत्परुषं वाक्यं भृकुटी कुटिलानना
yasmātkālītyahaṃ proktā tvayā śaṃbho'tiviplavāt ||
tasmādyāsyāmi gaurīti bhaviṣyāmi ca yatra hi
||7||यस्मात्कालीत्यहं प्रोक्ता त्वया शंभोऽतिविप्लवात् ॥
तस्माद्यास्यामि गौरीति भविष्यामि च यत्र हि
evamuktvā mahābhāgā sakhīgaṇasamāvṛtā ||
gatvā prabhāsakṣetraṃ sā pratiṣṭhāpya maheśvaram ||
gaurīśvareti vikhyātaṃ pūjayaṃtī vidhānataḥ
||8||एवमुक्त्वा महाभागा सखीगणसमावृता ॥
गत्वा प्रभासक्षेत्रं सा प्रतिष्ठाप्य महेश्वरम् ॥
गौरीश्वरेति विख्यातं पूजयंती विधानतः
tato liṃgasamīpasthā ekapāde sthitā satī ||
liṃgamārādhayaṃtī sā cakāra sumahattapaḥ
||9||ततो लिंगसमीपस्था एकपादे स्थिता सती ॥
लिंगमाराधयंती सा चकार सुमहत्तपः
paṃcāgnisādhikā devī grīṣma jāpyaparāyaṇā ||
varṣāsvākāśaśayanā hemaṃte salilāśayā
||10||पंचाग्निसाधिका देवी ग्रीष्म जाप्यपरायणा ॥
वर्षास्वाकाशशयना हेमंते सलिलाशया
yathā yathā tapo vṛddhiṃ yāti tasyā mahāprabhā ||
tathātathā śarīrasya gauratvaṃ pratipadyate
||11||यथा यथा तपो वृद्धिं याति तस्या महाप्रभा ॥
तथातथा शरीरस्य गौरत्वं प्रतिपद्यते
kālena mahatā gaurī sarvāṃgeṇātha sā'bhavat ||
tato vihasya bhagavānuvāca śaśiśekharaḥ
||12||कालेन महता गौरी सर्वांगेणाथ साऽभवत् ॥
ततो विहस्य भगवानुवाच शशिशेखरः
gaurīti ca muhurvākyamuttiṣṭha vraja mandiram ||
varaṃ varaya kalyāṇi yatte manasi varttate
||13||गौरीति च मुहुर्वाक्यमुत्तिष्ठ व्रज मन्दिरम् ॥
वरं वरय कल्याणि यत्ते मनसि वर्त्तते
gauryuvāca
yo māmatra sthitāṃ paśyennārī vā puruṣo'tha vā ||
sa bhūyātsutasaubhāgyaiḥ saptajanmāni saṃyutaḥ
||14||यो मामत्र स्थितां पश्येन्नारी वा पुरुषोऽथ वा ॥
स भूयात्सुतसौभाग्यैः सप्तजन्मानि संयुतः
gītavādyādikaṃ nṛtyaṃ yaḥ kuryātpurato mama ||
tasyānvaye na daurbhāgyaṃ bhūyāttava prasādataḥ
||15||गीतवाद्यादिकं नृत्यं यः कुर्यात्पुरतो मम ॥
तस्यान्वये न दौर्भाग्यं भूयात्तव प्रसादतः
mayā pratiṣṭhitaṃ liṃgaṃ pūrvamabhyarcya māṃ tataḥ ||
pūjayiṣyati yo bhaktyā sa yāsyati paraṃ padam
||16||मया प्रतिष्ठितं लिंगं पूर्वमभ्यर्च्य मां ततः ॥
पूजयिष्यति यो भक्त्या स यास्यति परं पदम्
gaurīśvareti vikhyātaṃ nāma tasya bhavetprabho ||
tathetyahaṃ pratijñāya tatra sthāne sthito 'bhavam
||17||गौरीश्वरेति विख्यातं नाम तस्य भवेत्प्रभो ॥
तथेत्यहं प्रतिज्ञाय तत्र स्थाने स्थितो ऽभवम्
devyā saha mahādevi prahṛṣṭenāṃtarātmanā ||
adyāpi ayane prāpte uttare dakṣiṇe'pi vā
||18||देव्या सह महादेवि प्रहृष्टेनांतरात्मना ॥
अद्यापि अयने प्राप्ते उत्तरे दक्षिणेऽपि वा
gaurīṃsthānaṃ samabhyeti tatra deva guṇairyutaḥ ||
tasminnahani yastatra viśiṣṭāni phalāni ca ||
saṃprayacchati viprebhyastasya putrā bhavaṃti ca
||19||गौरींस्थानं समभ्येति तत्र देव गुणैर्युतः ॥
तस्मिन्नहनि यस्तत्र विशिष्टानि फलानि च ॥
संप्रयच्छति विप्रेभ्यस्तस्य पुत्रा भवंति च
putrahīnā tu yā nārī nālikeraṃ prayacchati ||
putraṃ sā labhate śīghraṃ sabalaṃ lakṣaṇānvitam
||20||पुत्रहीना तु या नारी नालिकेरं प्रयच्छति ॥
पुत्रं सा लभते शीघ्रं सबलं लक्षणान्वितम्
ghṛtena dīpakaṃ tatra yā nārī saṃprayacchati ||
raktavarttyā mahādevi yāvattasyaiva taṃtava
||21||घृतेन दीपकं तत्र या नारी संप्रयच्छति ॥
रक्तवर्त्त्या महादेवि यावत्तस्यैव तंतव
tāvajjanmāṃtarāṇyeva sā saubhāgyamavāpnuyāt
||22||तावज्जन्मांतराण्येव सा सौभाग्यमवाप्नुयात्
yā nṛtyaṃ kurute tatra bhaktyā paramayā yutā ||
ārogyasukhasaubhāgyaiḥ saṃyuktā sā bhavecciram
||23||या नृत्यं कुरुते तत्र भक्त्या परमया युता ॥
आरोग्यसुखसौभाग्यैः संयुक्ता सा भवेच्चिरम्
tatrāṃte sumahatkuḍaṃ tīrthaṃ svacchodapūritam ||
yaḥ snānamācarettatra mucyate sarvapātakaiḥ
||24||तत्रांते सुमहत्कुडं तीर्थं स्वच्छोदपूरितम् ॥
यः स्नानमाचरेत्तत्र मुच्यते सर्वपातकैः
yaḥ śrāddhaṃ kurute tatra pitṝnuddiśya bhaktitaḥ ||
sa yāti paramaṃ sthānaṃ pitṛbhiḥ saha puṇyabhāk
||25||यः श्राद्धं कुरुते तत्र पितॄनुद्दिश्य भक्तितः ॥
स याति परमं स्थानं पितृभिः सह पुण्यभाक्
tasmātsarvaprayatnena śrāddhaṃ tatra samācaret ||
gītavādyādibhirnṛtyai rātrau kurvīta jāgaram
||26||तस्मात्सर्वप्रयत्नेन श्राद्धं तत्र समाचरेत् ॥
गीतवाद्यादिभिर्नृत्यै रात्रौ कुर्वीत जागरम्
daṃpatyoḥ paridhānaṃ ca tatra deyaṃ sadakṣiṇam ||
yaścaitatpaṭhate nityaṃ tṛtīyāyāṃ viśeṣataḥ ||
pārvatyāḥ purato devi sa saubhāgyamavāpnuyāt ]
||27||दंपत्योः परिधानं च तत्र देयं सदक्षिणम् ॥
यश्चैतत्पठते नित्यं तृतीयायां विशेषतः ॥
पार्वत्याः पुरतो देवि स सौभाग्यमवाप्नुयात् ]
śṛṇuyādvā'pi yo bhaktyā samyagbhaktiparāyaṇaḥ ||
so'pi saubhāgyamāpnoti yāvajjīvaṃ na saṃśayaḥ
||28||शृणुयाद्वाऽपि यो भक्त्या सम्यग्भक्तिपरायणः ॥
सोऽपि सौभाग्यमाप्नोति यावज्जीवं न संशयः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye gaurītapovanamāhātmyavarṇanaṃnāmāṣṭaṣaṣṭitamo'dhyāyaḥ || 68 ||