trisaṃgamamāhātmyavarṇanam
īśvara uvāca
tato gacchenmahādevi miśratīrthamanuttamam ||
trisaṃgameti vikhyātaṃ sauraṃ tīrthamanuttamam
||1||ततो गच्छेन्महादेवि मिश्रतीर्थमनुत्तमम् ॥
त्रिसंगमेति विख्यातं सौरं तीर्थमनुत्तमम्
sarasvatī hiraṇyā ca samudraścaiva bhāmini ||
trayāṇāṃ saṃgamo yatra duṣprāpyo daivatairapi
||2||सरस्वती हिरण्या च समुद्रश्चैव भामिनि ॥
त्रयाणां संगमो यत्र दुष्प्राप्यो दैवतैरपि
sarveṣāṃ tatra tīrthānāṃ pradhānaṃ tīrthamuttamam ||
sūryaparvaṇi saṃprāpte kurukṣetrādviśiṣyate
||3||सर्वेषां तत्र तीर्थानां प्रधानं तीर्थमुत्तमम् ॥
सूर्यपर्वणि संप्राप्ते कुरुक्षेत्राद्विशिष्यते
snānaṃ dānaṃ japastatra sarvaṃ koṭiguṇaṃ bhavet
||4||स्नानं दानं जपस्तत्र सर्वं कोटिगुणं भवेत्
maṃkīśvarānmahādevi yāvalliṃgaṃ kṛtasmaram ||
etasminnantare devi tīrthānāṃ daśakoṭayaḥ
||5||मंकीश्वरान्महादेवि यावल्लिंगं कृतस्मरम् ॥
एतस्मिन्नन्तरे देवि तीर्थानां दशकोटयः
kṛmikīṭapataṃgāśca śvapacā vā narādhamāḥ ||
so'pi svargamavāpnoti kiṃ punarbhāvitātmavān
||6||कृमिकीटपतंगाश्च श्वपचा वा नराधमाः ॥
सोऽपि स्वर्गमवाप्नोति किं पुनर्भावितात्मवान्
tatra pītāni vastrāṇi kāñcanaṃ surabhistathā ||
brāhmaṇāya pradātavyā samyagyātrāphalepsubhiḥ
||7||तत्र पीतानि वस्त्राणि काञ्चनं सुरभिस्तथा ॥
ब्राह्मणाय प्रदातव्या सम्यग्यात्राफलेप्सुभिः
kṛṣṇapakṣe caturdaśyāṃ snātvā yastarpayetpitṝn ||
tarpitāḥ pitarastena yāvaccandrārkatārakam
||8||कृष्णपक्षे चतुर्दश्यां स्नात्वा यस्तर्पयेत्पितॄन् ॥
तर्पिताः पितरस्तेन यावच्चन्द्रार्कतारकम्
etattrisaṃgamaṃ devi mahāpātakanāśanam ||
durlabhaṃ triṣu lokeṣu vaiśākhyāṃ tu viśeṣataḥ
||9||एतत्त्रिसंगमं देवि महापातकनाशनम् ॥
दुर्लभं त्रिषु लोकेषु वैशाख्यां तु विशेषतः
vṛṣo tsargo viśeṣeṇa tatra kāryo narottamaiḥ ||
sarvapāpavināśāya pitṝṇāṃ prītaye priye
||10||वृषो त्सर्गो विशेषेण तत्र कार्यो नरोत्तमैः ॥
सर्वपापविनाशाय पितॄणां प्रीतये प्रिये
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye trisaṃgamamāhātmyavarṇanaṃnāma tryaśītyuttaraśatatamo'dhyāyaḥ || 183 ||