saubhāgyeśvarīmāhātmyavarṇanam
īśvara uvāca
tato gacchenmahādevi gaurīṃ saubhāgyadāyinīm ||
paścime rāvaṇeśasya dhanuṣāṃ pañcake sthitām
||1||ततो गच्छेन्महादेवि गौरीं सौभाग्यदायिनीम् ॥
पश्चिमे रावणेशस्य धनुषां पञ्चके स्थिताम्
yatrātapyattapo ghoraṃ svayaṃ devī hyaruṃdhatī ||
saubhāgyaṃ kāṃkṣamāṇā sā gaurīpūjāparāyaṇā
||2||यत्रातप्यत्तपो घोरं स्वयं देवी ह्यरुंधती ॥
सौभाग्यं कांक्षमाणा सा गौरीपूजापरायणा
saṃprāptā paramāṃ siddhiṃ tasyā devyāḥ prabhāvataḥ ||
tṛtīyāyāṃ śuklapakṣe māghe māsi varānane
||3||संप्राप्ता परमां सिद्धिं तस्या देव्याः प्रभावतः ॥
तृतीयायां शुक्लपक्षे माघे मासि वरानने
yastāṃ pūjayate bhaktyā sa saubhāgyamavāpnuyāt ||
anyajanmani deveśi nātra kāryā vicāraṇā
||4||यस्तां पूजयते भक्त्या स सौभाग्यमवाप्नुयात् ॥
अन्यजन्मनि देवेशि नात्र कार्या विचारणा
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye saubhāgyeśvarīmāhātmyavarṇanaṃnāma caturviśatyuttaraśatatamo'dhyāyaḥ || 124 ||