kuntīśvaramāhātmyavarṇanam
īśvara uvāca
tato gacchenmahādevi kuntīśvaramanuttamam ||
sāvitryāḥ pūrvabhāgasthaṃ khātamadhye vyavasthitam
||1||ततो गच्छेन्महादेवि कुन्तीश्वरमनुत्तमम् ॥
सावित्र्याः पूर्वभागस्थं खातमध्ये व्यवस्थितम्
kuntyā pratiṣṭhitaṃ devi kṣetre prābhāsike priye ||
pāṇḍavāstu yadā pūrvaṃ prabhāsakṣetramāgatāḥ
||2||कुन्त्या प्रतिष्ठितं देवि क्षेत्रे प्राभासिके प्रिये ॥
पाण्डवास्तु यदा पूर्वं प्रभासक्षेत्रमागताः
tīrthayātrāprasaṃgena kuntyā caiva samanvitāḥ ||
tasminkāle mahādevi jñātvā kṣetramanuttamam
||3||तीर्थयात्राप्रसंगेन कुन्त्या चैव समन्विताः ॥
तस्मिन्काले महादेवि ज्ञात्वा क्षेत्रमनुत्तमम्
kuntyā pratiṣṭhitaṃ liṃgaṃ sarvapāpabhayāpaham ||
kārtikyāṃ tu viśeṣeṇa yastaṃ pūjayate naraḥ ||
sa sarvakāmatṛptātmā rudraloke mahīyate
||4||कुन्त्या प्रतिष्ठितं लिंगं सर्वपापभयापहम् ॥
कार्तिक्यां तु विशेषेण यस्तं पूजयते नरः ॥
स सर्वकामतृप्तात्मा रुद्रलोके महीयते
vācikaṃ mānasaṃ pāpaṃ karmaṇā yadupārjitam ||
tatsarvaṃ naśyate devi tasya liṃgasya darśanāt
||5||वाचिकं मानसं पापं कर्मणा यदुपार्जितम् ॥
तत्सर्वं नश्यते देवि तस्य लिंगस्य दर्शनात्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kuntīśvaramāhātmyavarṇanaṃnāma catuḥsaptatyuttaraśatatamo'dhyāyaḥ || 174 ||