tato gacchenmahādevi camasodbhedamuttamam
īśvara uvāca
tato gacchenmahādevi camasodbhedamuttamam ||
yatra brahmā'karotsatraṃ varṣāṇāmayutaṃ priye
||1||ततो गच्छेन्महादेवि चमसोद्भेदमुत्तमम् ॥
यत्र ब्रह्माऽकरोत्सत्रं वर्षाणामयुतं प्रिये
camasaiḥ pītavantaste somaṃ devā maharṣayaḥ ||
camasodbhedanāmeti tena khyātaṃ dharātale
||2||चमसैः पीतवन्तस्ते सोमं देवा महर्षयः ॥
चमसोद्भेदनामेति तेन ख्यातं धरातले
tatra snātvā sarasvatyāṃ piṃḍadānaṃ dadāti yaḥ ||
gayākoṭiguṇaṃ puṇyaṃ vaiśākhyāṃ prāpnuyānnaraḥ
||3||तत्र स्नात्वा सरस्वत्यां पिंडदानं ददाति यः ॥
गयाकोटिगुणं पुण्यं वैशाख्यां प्राप्नुयान्नरः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye camasodbhedamāhātmya varṇanaṃnāmāṣṭaṣaṣṭyuttaradviśatatamo'dhyāyaḥ || 268 ||