nāradeśvarabhairavamāhātmyavarṇanam
īśvara uvāca
tṛtīyo bhairavaḥ proktaścaturthaṃ bhairavaṃ śṛṇu ||
brahmeśātpaścime bhāge dhanuṣāṃ tritaye sthitam
||1||तृतीयो भैरवः प्रोक्तश्चतुर्थं भैरवं शृणु ॥
ब्रह्मेशात्पश्चिमे भागे धनुषां त्रितये स्थितम्
sarvapāpapraśamanaṃ sarva kāmapradaṃ nṛṇām ||
nāradeśvaranāmānaṃ sthāpitaṃ nāradena vai
||2||सर्वपापप्रशमनं सर्व कामप्रदं नृणाम् ॥
नारदेश्वरनामानं स्थापितं नारदेन वै
brahmaloke sthitaḥ pūrvaṃ nārado bhagavānṛṣiḥ ||
tatra dṛṣṭvā mahāvīṇāṃ divyāṃ taṃtryayutai ryutām
||3||ब्रह्मलोके स्थितः पूर्वं नारदो भगवानृषिः ॥
तत्र दृष्ट्वा महावीणां दिव्यां तंत्र्ययुतै र्युताम्
sarasvatyā vinirmuktāṃ brahmaloke mahāprabhām ||
tenāsau kautukāviṣṭo vādayāmāsa tāṃ tadā
||4||सरस्वत्या विनिर्मुक्तां ब्रह्मलोके महाप्रभाम् ॥
तेनासौ कौतुकाविष्टो वादयामास तां तदा
taṃtrībhyo vādyamānābhyo brāhmaṇāḥ patitā bhuvi ||
sapta svarāste vikhyātā mūrcchitāḥ ṣaḍjakādayaḥ
||5||तंत्रीभ्यो वाद्यमानाभ्यो ब्राह्मणाः पतिता भुवि ॥
सप्त स्वरास्ते विख्याता मूर्च्छिताः षड्जकादयः
tāndṛṣṭvā vismayāviṣṭo muktvā vīṇāṃ prayatnataḥ ||
papraccha devaṃ brahmāṇaṃ kimidaṃ kautukaṃ vibho
||6||तान्दृष्ट्वा विस्मयाविष्टो मुक्त्वा वीणां प्रयत्नतः ॥
पप्रच्छ देवं ब्रह्माणं किमिदं कौतुकं विभो
vādyamānāsu tantrīṣu patitā brāhmaṇā bhuvi ||
ka ete brāhmaṇā deva kiṃ mṛtā iva śerate
||7||वाद्यमानासु तन्त्रीषु पतिता ब्राह्मणा भुवि ॥
क एते ब्राह्मणा देव किं मृता इव शेरते
brahmovāca
ete svarā mahābhāga mūrcchitāḥ patitā bhuvi ||
ajñānavādanenaiva pāpaṃ jātaṃ tavādhunā
||8||एते स्वरा महाभाग मूर्च्छिताः पतिता भुवि ॥
अज्ञानवादनेनैव पापं जातं तवाधुना
saptabrāhmaṇavidhvaṃsapātakaṃ te samā gatam ||
tasmācchīghraṃ vraja mune prabhāsaṃ kṣetramuttamam
||9||सप्तब्राह्मणविध्वंसपातकं ते समा गतम् ॥
तस्माच्छीघ्रं व्रज मुने प्रभासं क्षेत्रमुत्तमम्
samārādhaya deveśaṃ sarvapāpaviśuddhaye ||
ityukto nāradastatra saṃtapya ca muhurmuhuḥ
||10||समाराधय देवेशं सर्वपापविशुद्धये ॥
इत्युक्तो नारदस्तत्र संतप्य च मुहुर्मुहुः
kṛtvā viṣādaṃ bahuśaḥ prabhāsaṃ kṣetramāgataḥ ||
tatraiva brahmakuṇḍaṃ tu samāsādya prayatnataḥ
||11||कृत्वा विषादं बहुशः प्रभासं क्षेत्रमागतः ॥
तत्रैव ब्रह्मकुण्डं तु समासाद्य प्रयत्नतः
bhairavaṃ pūjayāmāsa divyābdānāṃ śataṃ priye ||
tato niṣkalmaṣo bhūtvā gītajñaścābhavattathā
||12||भैरवं पूजयामास दिव्याब्दानां शतं प्रिये ॥
ततो निष्कल्मषो भूत्वा गीतज्ञश्चाभवत्तथा
tataḥ prabhṛti talliṃgaṃ nāradeśvarabhairavam ||
khyātaṃ loke mahādevi sarvapātakanāśanam
||13||ततः प्रभृति तल्लिंगं नारदेश्वरभैरवम् ॥
ख्यातं लोके महादेवि सर्वपातकनाशनम्
ajñānādvādayedyastu vīṇāṃ caiva tathā svarān ||
sa tatpātakaśuddhyarthaṃ tatra gacchenmaheśvari
||14||अज्ञानाद्वादयेद्यस्तु वीणां चैव तथा स्वरान् ॥
स तत्पातकशुद्ध्यर्थं तत्र गच्छेन्महेश्वरि
māghe māsi jitāhārastrikālaṃ yo'rcayettataḥ ||
nāradeśaṃ bhairavaṃ sa svargarāmāmanoharaḥ
||15||माघे मासि जिताहारस्त्रिकालं योऽर्चयेत्ततः ॥
नारदेशं भैरवं स स्वर्गरामामनोहरः
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetra māhātmye brahmakuṇḍamāhātmye nāradeśvarabhairavamāhātmyavarṇanaṃnāma dvipaṃcāśaduttaraśatatamo'dhyāyaḥ || 152 ||