bahusuvarṇeśvaramāhātmyavarṇanam
īśvara uvāca
tato gacchenmahādevi devaṃ bahusuvarṇakam ||
hiraṇyāpūrvadigbhāge sthāne bahusuvarṇake
||1||ततो गच्छेन्महादेवि देवं बहुसुवर्णकम् ॥
हिरण्यापूर्वदिग्भागे स्थाने बहुसुवर्णके
dharmaputreṇa yatraiva kṛto yajñaḥ suduṣkaraḥ ||
nāmnā bahusuvarṇeti sthāpya liṃgaṃ mahāprabham
||2||धर्मपुत्रेण यत्रैव कृतो यज्ञः सुदुष्करः ॥
नाम्ना बहुसुवर्णेति स्थाप्य लिंगं महाप्रभम्
sarvakratūnāṃ phaladaṃ nāmnā sarveśvaraṃ viduḥ ||
tatraiva saṃsthitaṃ liṃgaṃ pūrṇaṃ sārasvatairjalaiḥ
||3||सर्वक्रतूनां फलदं नाम्ना सर्वेश्वरं विदुः ॥
तत्रैव संस्थितं लिंगं पूर्णं सारस्वतैर्जलैः
snātvā tatra varārohe piṇḍadānaṃ dadāti yaḥ ||
kulakoṭiṃ samuddhṛtya rudraloke mahīyate
||4||स्नात्वा तत्र वरारोहे पिण्डदानं ददाति यः ॥
कुलकोटिं समुद्धृत्य रुद्रलोके महीयते
yastaṃ pūja yate bhaktyā gandhapuṣpairvidhānataḥ ||
koṭipūjāphalaṃ tasya tathetyāha sadāśivaḥ
||5||यस्तं पूज यते भक्त्या गन्धपुष्पैर्विधानतः ॥
कोटिपूजाफलं तस्य तथेत्याह सदाशिवः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye bahusuvarṇeśvaramāhātmyavarṇanaṃnāma pañcapañcāśaduttaratriśatatamo'dhyāyaḥ || 355 ||