mahākāleśvaramāhātmyavarṇanam
īśvara uvāca
tato gacchedvarārohe mahākāleśvaraṃ haram ||
aghoreśāduttarataḥ kiṃcidvāyavyasaṃsthitam
||1||ततो गच्छेद्वरारोहे महाकालेश्वरं हरम् ॥
अघोरेशादुत्तरतः किंचिद्वायव्यसंस्थितम्
dhanuṣāṃ triṃśatā devi śrutaṃ pātakanāśanam ||
pūrvaṃ kṛtayuge devi smṛtaṃ citrāṃgadeśvaram
||2||धनुषां त्रिंशता देवि श्रुतं पातकनाशनम् ॥
पूर्वं कृतयुगे देवि स्मृतं चित्रांगदेश्वरम्
mahākāleśvaraṃ devi kalau nāma prakīrtitam ||
kālarūpī mahārudrastasmim̐lliṃge vyavasthitaḥ
||3||महाकालेश्वरं देवि कलौ नाम प्रकीर्तितम् ॥
कालरूपी महारुद्रस्तस्मिँल्लिंगे व्यवस्थितः
carācaraguruḥ sākṣāddevadānavadarpahā ||
sūryarūpeṇa yatsarvaṃ brahmāṃḍe grasate priye
||4||चराचरगुरुः साक्षाद्देवदानवदर्पहा ॥
सूर्यरूपेण यत्सर्वं ब्रह्मांडे ग्रसते प्रिये
sa devaḥ saṃsthito devi tasmim̐lliṃge mahāprabhaḥ ||
yastatpūjayate bhaktyā kalye liṃgaṃ mama priyam ||
ṣaḍakṣareṇa maṃtreṇa mṛtyuṃ jayati tatkṣaṇāt
||5||स देवः संस्थितो देवि तस्मिँल्लिंगे महाप्रभः ॥
यस्तत्पूजयते भक्त्या कल्ये लिंगं मम प्रियम् ॥
षडक्षरेण मंत्रेण मृत्युं जयति तत्क्षणात्
kṛṣṇāṣṭamyāṃ viśeṣeṇa guggulaṃ ghṛtasaṃyutam ||
yo dahedvidhivattatra pūjāṃ kṛtvā niśāgame
||6||कृष्णाष्टम्यां विशेषेण गुग्गुलं घृतसंयुतम् ॥
यो दहेद्विधिवत्तत्र पूजां कृत्वा निशागमे
aparādhasahasraṃ tu kṣamate tasya bhairavaḥ ||
dhenudānaṃ praśaṃsaṃti tasminsthāne maharṣayaḥ
||7||अपराधसहस्रं तु क्षमते तस्य भैरवः ॥
धेनुदानं प्रशंसंति तस्मिन्स्थाने महर्षयः
dhenudastārayennūnaṃ daśa pūrvāndaśāparān ||
devasya dakṣiṇe bhāge yo japecchatarudriyam
||8||धेनुदस्तारयेन्नूनं दश पूर्वान्दशापरान् ॥
देवस्य दक्षिणे भागे यो जपेच्छतरुद्रियम्
uddharetpitṛvargaṃ ca mātṛvargaṃ ca mānavaḥ ||
bālye vayasi yatpāpaṃ vārddhake yauvane'pi vā ||
kṣālayeccaiva tatsarvaṃ dṛṣṭvā kāleśvaraṃ haram
||9||उद्धरेत्पितृवर्गं च मातृवर्गं च मानवः ॥
बाल्ये वयसि यत्पापं वार्द्धके यौवनेऽपि वा ॥
क्षालयेच्चैव तत्सर्वं दृष्ट्वा कालेश्वरं हरम्
ayane cottare prāpte yaḥ kuryādghṛtakaṃbalam ||
na sa bhūyo'tra saṃsāre janma prāpnoti dāruṇam
||10||अयने चोत्तरे प्राप्ते यः कुर्याद्घृतकंबलम् ॥
न स भूयोऽत्र संसारे जन्म प्राप्नोति दारुणम्
na duḥkhito daridro vā durbhago vā prajāyate ||
saptajanmāntarāṇyeva mahākāleśadarśanāt
||11||न दुःखितो दरिद्रो वा दुर्भगो वा प्रजायते ॥
सप्तजन्मान्तराण्येव महाकालेशदर्शनात्
dhanadhānyasamāyukte sphīte sañjāyate kule ||
bhaktirbhavati bhūyo'pi mahākāleśvarārcane
||12||धनधान्यसमायुक्ते स्फीते सञ्जायते कुले ॥
भक्तिर्भवति भूयोऽपि महाकालेश्वरार्चने
iti saṃkṣepataḥ proktaṃ mahākāleśvaraṃ priye ||
citrāṃgado gaṇo devi tena cārādhitaṃ purā
||13||इति संक्षेपतः प्रोक्तं महाकालेश्वरं प्रिये ॥
चित्रांगदो गणो देवि तेन चाराधितं पुरा
divyābdānāṃ sahasraṃ tu mahā kāleśvaraṃ hi tat ||
citrāṃgadeśvaraṃ nāma tena khyātaṃ dharātale
||14||दिव्याब्दानां सहस्रं तु महा कालेश्वरं हि तत् ॥
चित्रांगदेश्वरं नाम तेन ख्यातं धरातले
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsa khaṃḍe prathame prabhāsakṣetramāhātmya ekādaśarudramāhātmye mahākāleśvaramāhātmyavarṇanaṃnāma triṇavatitamo'dhyāyaḥ || 93 ||