tato gacchenmahādevi nīlarudraṃ dvitīyakam
īśvara uvāca
tato gacchenmahādevi nīlarudraṃ dvitīyakam ||
bhūteśāduttare bhāge dhanuṣāṃ ṣoḍaśe sthitam
||1||ततो गच्छेन्महादेवि नीलरुद्रं द्वितीयकम् ॥
भूतेशादुत्तरे भागे धनुषां षोडशे स्थितम्
mahāliṃgaṃ mahādevi gaṇagaṃdharvapūjitam ||
saṃsnāpya taṃ vidhānena īśamaṃtreṇa pūjayet
||2||महालिंगं महादेवि गणगंधर्वपूजितम् ॥
संस्नाप्य तं विधानेन ईशमंत्रेण पूजयेत्
kumudotpalasaṃbhāraiḥ samyaksaṃbhāvitātmavān ||
kṛtvā pradakṣiṇāṃ tasya namaskāreṇa pūjayet
||3||कुमुदोत्पलसंभारैः सम्यक्संभावितात्मवान् ॥
कृत्वा प्रदक्षिणां तस्य नमस्कारेण पूजयेत्
evaṃ kṛtvā naro devi rājasūyaphalaṃ labhet ||
vṛṣastatraiva dātavyaḥ samyagyātrāphalepsubhiḥ
||4||एवं कृत्वा नरो देवि राजसूयफलं लभेत् ॥
वृषस्तत्रैव दातव्यः सम्यग्यात्राफलेप्सुभिः
nīlāṃjananibho daityo nihataścāṃtakaḥ purā ||
tasya rodayitā strīṇāṃ nīlarudrastataḥ smṛtaḥ
||5||नीलांजननिभो दैत्यो निहतश्चांतकः पुरा ॥
तस्य रोदयिता स्त्रीणां नीलरुद्रस्ततः स्मृतः
tasya saṃkṣepataḥ proktaṃ māhātmyaṃ pāpanāśanam ||
samyakchraddhānvitaiḥ prāpyaṃ śrāvyaṃ taddarśanotsukaiḥ
||6||तस्य संक्षेपतः प्रोक्तं माहात्म्यं पापनाशनम् ॥
सम्यक्छ्रद्धान्वितैः प्राप्यं श्राव्यं तद्दर्शनोत्सुकैः
itiśrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśarudramāhātmye nīla rudramāhātmyavarṇanaṃnāmāṣṭāśītitamo'dhyāyaḥ || 88 ||