uttareśvaramāhātmyavarṇanam
īśvara uvāca
tato gacchenmahādevi uttare devamuttamam ||
yastamārādhayeddevaṃ mahāpātakanāśanam
||1||ततो गच्छेन्महादेवि उत्तरे देवमुत्तमम् ॥
यस्तमाराधयेद्देवं महापातकनाशनम्
tasyaiva paścime bhāge dhanuṣāṃ tritaye sthitam ||
śeṣādipramukhairnāgairmahatā tapasā yutaiḥ ||
samārādhya mahādevaṃ sthāpitaṃ liṃgamuttamam
||2||तस्यैव पश्चिमे भागे धनुषां त्रितये स्थितम् ॥
शेषादिप्रमुखैर्नागैर्महता तपसा युतैः ॥
समाराध्य महादेवं स्थापितं लिंगमुत्तमम्
yastamārādhayeddevaṃ sarpairārādhitaṃ purā ||
na viṣaṃ kramate dehe tasya janmāvadhi priye
||3||यस्तमाराधयेद्देवं सर्पैराराधितं पुरा ॥
न विषं क्रमते देहे तस्य जन्मावधि प्रिये
sarpāstasya prasīdanti na kuṃthaṃti kadācana ||
tasmātsarvaṃ prayatnena talliṃgaṃ pūjayennaraḥ
||4||सर्पास्तस्य प्रसीदन्ति न कुंथंति कदाचन ॥
तस्मात्सर्वं प्रयत्नेन तल्लिंगं पूजयेन्नरः
tatra liṃgānyanekāni ṛṣibhiḥ sthāpitāni tu ||
gaṃgātīre mahāpuṇye paścime varavarṇini
||5||तत्र लिंगान्यनेकानि ऋषिभिः स्थापितानि तु ॥
गंगातीरे महापुण्ये पश्चिमे वरवर्णिनि
tāni dṛṣṭvā pūjayitvā sarvapāpaiḥ pramucyate ||
aśvamedhasahasrasya phalaṃ prāpnoti mānavaḥ
||6||तानि दृष्ट्वा पूजयित्वा सर्वपापैः प्रमुच्यते ॥
अश्वमेधसहस्रस्य फलं प्राप्नोति मानवः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye saṃgāleśvaramāhātmya uttareśvaramāhātmyavarṇanaṃnāma tryuttaratriśatatamo'dhyāyaḥ || 303 ||