goṣpadatīrthamāhātmyavarṇanam
īśvara uvāca
tato gacchenmahādevi goṣpadaṃ tīrthamuttamam ||
yatra śrāddhaṃ naraḥ kṛtvā gayāsaptaguṇaṃ phalam ||
labhate nātra saṃdeho yadi śraddhā dṛḍhā bhavet
||1||ततो गच्छेन्महादेवि गोष्पदं तीर्थमुत्तमम् ॥
यत्र श्राद्धं नरः कृत्वा गयासप्तगुणं फलम् ॥
लभते नात्र संदेहो यदि श्रद्धा दृढा भवेत्
yatra śrāddhaṃ pṛthuḥ kṛtvā pitaraṃ pāpayonitaḥ ||
uddadhāra mahādevi venaṃnāma mahāprabhum
||2||यत्र श्राद्धं पृथुः कृत्वा पितरं पापयोनितः ॥
उद्दधार महादेवि वेनंनाम महाप्रभुम्
devyuvāca
kasminsthāne sthitaṃ tīrthamutpattistasya kīdṛśī ||
kathaṃ sa venarājo vā uddhṛtaḥ pāpayonitaḥ
||3||कस्मिन्स्थाने स्थितं तीर्थमुत्पत्तिस्तस्य कीदृशी ॥
कथं स वेनराजो वा उद्धृतः पापयोनितः
gayāsaptaguṇaṃ puṇyaṃ kathaṃ tatra prajāyate ||
śrāddhasya kiṃ vidhānaṃ tu ke maṃtrāstatra ke dvijāḥ ||
etanme kautukaṃ deva yathāvadvaktumarhasi
||4||गयासप्तगुणं पुण्यं कथं तत्र प्रजायते ॥
श्राद्धस्य किं विधानं तु के मंत्रास्तत्र के द्विजाः ॥
एतन्मे कौतुकं देव यथावद्वक्तुमर्हसि
īśvara uvāca
idaṃ rahasyaṃ deveśi yattvayā paripṛcchitam ||
aprakāśyamidaṃ tīrthamasminpāpayuge priye
||5||इदं रहस्यं देवेशि यत्त्वया परिपृच्छितम् ॥
अप्रकाश्यमिदं तीर्थमस्मिन्पापयुगे प्रिये
tathāpi saṃpravakṣyāmi tava snehātsureśvari ||
na pāpina idaṃ brūyānnaiva tarkaratāya vai
||6||तथापि संप्रवक्ष्यामि तव स्नेहात्सुरेश्वरि ॥
न पापिन इदं ब्रूयान्नैव तर्करताय वै
na nāstikāya deveśi na suvarṇetarāya ca ||
asti devi mahāsiddhā puṇyā nyaṃkumatī nadī
||7||न नास्तिकाय देवेशि न सुवर्णेतराय च ॥
अस्ति देवि महासिद्धा पुण्या न्यंकुमती नदी
maryādārthaṃ mayā''nītā kṣetrasyāsya maheśvari ||
saṃsthitā pāpaśamanī parṇādityācca dakṣiṇe
||8||मर्यादार्थं मयाऽऽनीता क्षेत्रस्यास्य महेश्वरि ॥
संस्थिता पापशमनी पर्णादित्याच्च दक्षिणे
nārāyaṇagṛhātsaumye nātidūre vyavasthitā ||
tasyā madhye mahādevi tīrthaṃ trailokyaviśrutam
||9||नारायणगृहात्सौम्ये नातिदूरे व्यवस्थिता ॥
तस्या मध्ये महादेवि तीर्थं त्रैलोक्यविश्रुतम्
goṣpadaṃ nāma vikhyātaṃ koṭipāpaharaṃ nṛṇām ||
goṣpadasya samīpe tu nātidūre vyavasthitaḥ
||10||गोष्पदं नाम विख्यातं कोटिपापहरं नृणाम् ॥
गोष्पदस्य समीपे तु नातिदूरे व्यवस्थितः
ananto nāma nāgendraḥ svayaṃbhūto dharātale ||
tasya tīrthasya rakṣārthaṃ viṣṇunā sanniyojitaḥ
||11||अनन्तो नाम नागेन्द्रः स्वयंभूतो धरातले ॥
तस्य तीर्थस्य रक्षार्थं विष्णुना सन्नियोजितः
kāṃkṣaṃti pitaraḥ putrānnarakādatibhīravaḥ ||
gaṃtā yo goṣpade putraḥ sa nastrātā bhaviṣyati ||
goṣpade ca sutaṃ dṛṣṭvā pitṝṇāmutsavo bhavet
||12||कांक्षंति पितरः पुत्रान्नरकादतिभीरवः ॥
गंता यो गोष्पदे पुत्रः स नस्त्राता भविष्यति ॥
गोष्पदे च सुतं दृष्ट्वा पितॄणामुत्सवो भवेत्
padbhyāmapi jalaṃ spṛṣṭvā asmabhyaṃ kiṃ na dāsyati ||
api syātsa kule'smākaṃ yo no dadyājjalāṃjalim ||
prabhāsakṣetramāsādya goṣpade tīrtha uttame
||13||पद्भ्यामपि जलं स्पृष्ट्वा अस्मभ्यं किं न दास्यति ॥
अपि स्यात्स कुलेऽस्माकं यो नो दद्याज्जलांजलिम् ॥
प्रभासक्षेत्रमासाद्य गोष्पदे तीर्थ उत्तमे
api syātsa kule'smākaṃ khaḍgamāṃsena yaḥ sakṛt ||
śrāddhaṃ kuryātprayatnena kālaśākena vā punaḥ
||14||अपि स्यात्स कुलेऽस्माकं खड्गमांसेन यः सकृत् ॥
श्राद्धं कुर्यात्प्रयत्नेन कालशाकेन वा पुनः
api syātsa kule'smākaṃ goṣpade dattadīpakaḥ ||
ākalpakālikā dīptistenā'smākaṃ bhaviṣyati
||15||अपि स्यात्स कुलेऽस्माकं गोष्पदे दत्तदीपकः ॥
आकल्पकालिका दीप्तिस्तेनाऽस्माकं भविष्यति
goṣpade cānnaśatā yaḥ pitarastena putriṇaḥ ||
dinamekamapi sthitvā punātyāsaptamaṃ kulam
||16||गोष्पदे चान्नशता यः पितरस्तेन पुत्रिणः ॥
दिनमेकमपि स्थित्वा पुनात्यासप्तमं कुलम्
piṇḍaṃ dadyācca pitrāderātmano'pi svayaṃ naraḥ ||
piṇyākeṃgudakenāpi tena mucyedvarānane
||17||पिण्डं दद्याच्च पित्रादेरात्मनोऽपि स्वयं नरः ॥
पिण्याकेंगुदकेनापि तेन मुच्येद्वरानने
brahmajñānena kiṃ yogairgograhe maraṇena kim ||
kiṃ kurukṣetravāsena goṣpade yadi gacchati
||18||ब्रह्मज्ञानेन किं योगैर्गोग्रहे मरणेन किम् ॥
किं कुरुक्षेत्रवासेन गोष्पदे यदि गच्छति
sakṛttīrthābhigamanaṃ sakṛtpiṇḍaprapātanam ||
durllabhaṃ kiṃ punarnityamasmiṃstīrthe vyavasthitam
||19||सकृत्तीर्थाभिगमनं सकृत्पिण्डप्रपातनम् ॥
दुर्ल्लभं किं पुनर्नित्यमस्मिंस्तीर्थे व्यवस्थितम्
arddhakośaṃ tu tattīrthaṃ tadarddhārddhaṃ tu durllabham ||
tanmadhye śrāddhakṛtpuṇyaṃ gayāsaptaguṇaṃ labhet
||20||अर्द्धकोशं तु तत्तीर्थं तदर्द्धार्द्धं तु दुर्ल्लभम् ॥
तन्मध्ये श्राद्धकृत्पुण्यं गयासप्तगुणं लभेत्
śrāddhakṛdgoṣpade yastu pitṝṇāmanṛṇo hi saḥ ||
padamadhye viśeṣeṇa kulānāṃ śatamuddharet
||21||श्राद्धकृद्गोष्पदे यस्तु पितॄणामनृणो हि सः ॥
पदमध्ये विशेषेण कुलानां शतमुद्धरेत्
gṛhāccalitamātrasya goṣpade gamanaṃ prati ||
svargārohaṇasopānaṃ pitṝṇāṃ tu padepade
||22||गृहाच्चलितमात्रस्य गोष्पदे गमनं प्रति ॥
स्वर्गारोहणसोपानं पितॄणां तु पदेपदे
pāyasenaiva madhunā saktunā piṣṭakena ca ||
caruṇā taṃdulādyairvā piṃḍadānaṃ vidhīyate
||23||पायसेनैव मधुना सक्तुना पिष्टकेन च ॥
चरुणा तंदुलाद्यैर्वा पिंडदानं विधीयते
gopracāre tu yaḥ piṇḍā ñchamīpatrapramāṇataḥ ||
kandamūlaphalādyairvā dattvā svargaṃ nayetpitṝn
||24||गोप्रचारे तु यः पिण्डा ञ्छमीपत्रप्रमाणतः ॥
कन्दमूलफलाद्यैर्वा दत्त्वा स्वर्गं नयेत्पितॄन्
goṣpade piṇḍadānena yatphalaṃ labhate naraḥ ||
na tacchakyaṃ mayā vaktuṃ kalpakoṭiśatairapi
||25||गोष्पदे पिण्डदानेन यत्फलं लभते नरः ॥
न तच्छक्यं मया वक्तुं कल्पकोटिशतैरपि
athātaḥ saṃpravakṣyāmi samyagyātrāvidhiṃ śubham ||
yātrāvidhānaṃ ca tathā samyakchraddhānvitā śṛṇu
||26||अथातः संप्रवक्ष्यामि सम्यग्यात्राविधिं शुभम् ॥
यात्राविधानं च तथा सम्यक्छ्रद्धान्विता शृणु
yadi tīrthaṃ naro gacchedgayāśrāddhaphalepsayā ||
tathāvidhavidhānena yātrā kuryādvicakṣaṇaḥ
||27||यदि तीर्थं नरो गच्छेद्गयाश्राद्धफलेप्सया ॥
तथाविधविधानेन यात्रा कुर्याद्विचक्षणः
brahmacārī śucirbhūtvā hastapādeṣu saṃyataḥ ||
śraddhāvānāstiko bhāvī gacchettīrthaṃ tataḥ sudhīḥ
||28||ब्रह्मचारी शुचिर्भूत्वा हस्तपादेषु संयतः ॥
श्रद्धावानास्तिको भावी गच्छेत्तीर्थं ततः सुधीः
na nāstikasya saṃsargaṃ tasmiṃstīrthe naraścaret ||
sarvopaskarasaṃyuktaḥ śrāddhārha dravyasaṃyutaḥ ||
gacchettīrthaṃ sādhusaṃgī gayāṃ manasi mānayan
||29||न नास्तिकस्य संसर्गं तस्मिंस्तीर्थे नरश्चरेत् ॥
सर्वोपस्करसंयुक्तः श्राद्धार्ह द्रव्यसंयुतः ॥
गच्छेत्तीर्थं साधुसंगी गयां मनसि मानयन्
evaṃ yastu dvijo gacchetpratigrahavivarjitaḥ ||
padepade'śvamedhasya phalaṃ prāpnotya saṃśayam
||30||एवं यस्तु द्विजो गच्छेत्प्रतिग्रहविवर्जितः ॥
पदेपदेऽश्वमेधस्य फलं प्राप्नोत्य संशयम्
tatra snātvā nyaṃkumatyāṃ siddhaye pitṛmuktaye ||
snātvātha tarppaṇaṃ kuryāddevādīnāṃ yathāvidhi
||31||तत्र स्नात्वा न्यंकुमत्यां सिद्धये पितृमुक्तये ॥
स्नात्वाथ तर्प्पणं कुर्याद्देवादीनां यथाविधि
brahmādistaṃbaparyaṃtā devarṣi manumānavāḥ ||
tṛpyantu pitaraḥ sarve mātṛmātāmahādayaḥ
||32||ब्रह्मादिस्तंबपर्यंता देवर्षि मनुमानवाः ॥
तृप्यन्तु पितरः सर्वे मातृमातामहादयः
evaṃ saṃtarpya vidhinā kṛtvā homādikaṃ naraḥ ||
śrāddhaṃ sapiṇḍakaṃ kuryātsvataṃtroktavidhānataḥ
||33||एवं संतर्प्य विधिना कृत्वा होमादिकं नरः ॥
श्राद्धं सपिण्डकं कुर्यात्स्वतंत्रोक्तविधानतः
āmantrya brāhmaṇāṃstatra śāstrajāndoṣavarjitān ||
evaṃ kṛtopacārastu imaṃ mantramudīrayet
||34||आमन्त्र्य ब्राह्मणांस्तत्र शास्त्रजान्दोषवर्जितान् ॥
एवं कृतोपचारस्तु इमं मन्त्रमुदीरयेत्
kavyavāḍanalaḥ somo yamaścaivāryamā tathā ||
agniṣvāttā barhiṣadaḥ somapāḥ pitṛdevatāḥ ||
āgacchantu mahābhāgā yuṣmābhī rakṣitā stviha
||35||कव्यवाडनलः सोमो यमश्चैवार्यमा तथा ॥
अग्निष्वात्ता बर्हिषदः सोमपाः पितृदेवताः ॥
आगच्छन्तु महाभागा युष्माभी रक्षिता स्त्विह
madīyāḥ pitaro ye ca kule jātāḥ sanābhayaḥ ||
teṣāṃ piṇḍapradātā'hamāgato'sminpitāmahāḥ
||36||मदीयाः पितरो ये च कुले जाताः सनाभयः ॥
तेषां पिण्डप्रदाताऽहमागतोऽस्मिन्पितामहाः
evamuktvā mahādevi imaṃ mantramudīrayet
||37||एवमुक्त्वा महादेवि इमं मन्त्रमुदीरयेत्
pitā pitāmahaścaiva tathaiva prapitāmahaḥ ||
mātā pitāmahī caiva tathaiva prapitāmahī
||38||पिता पितामहश्चैव तथैव प्रपितामहः ॥
माता पितामही चैव तथैव प्रपितामही
mātāmahaḥ pramātā ca tathā vṛddhapramātṛkaḥ ||
teṣāṃ piṃḍo mayā datto hyakṣayyamupatiṣṭhatām
||39||मातामहः प्रमाता च तथा वृद्धप्रमातृकः ॥
तेषां पिंडो मया दत्तो ह्यक्षय्यमुपतिष्ठताम्
oṃ namo bhānave bhartre'bjabhaumasomarū piṇe ||
evaṃ natvā'rcayitvā tu imāṃ stutimatho paṭhet
||40||ॐ नमो भानवे भर्त्रेऽब्जभौमसोमरू पिणे ॥
एवं नत्वाऽर्चयित्वा तु इमां स्तुतिमथो पठेत्
tatra goṣpadasāmīpye caruṇā suśṛtena ca ||
pitṝṇāmanāthānāṃ ca maṃtraiḥ piṃḍāṃśca nirvapet
||41||तत्र गोष्पदसामीप्ये चरुणा सुशृतेन च ॥
पितॄणामनाथानां च मंत्रैः पिंडांश्च निर्वपेत्
asmatkule mṛtā ye ca gatiryeṣāṃ na vidyate ||
raurave cāṃdhatāmisre kālasūtre ca ye gatāḥ ||
teṣāmuddharaṇārthāya imaṃ piṃḍaṃ dadāmyaham
||42||अस्मत्कुले मृता ये च गतिर्येषां न विद्यते ॥
रौरवे चांधतामिस्रे कालसूत्रे च ये गताः ॥
तेषामुद्धरणार्थाय इमं पिंडं ददाम्यहम्
anekayātanāsaṃsthāḥ pretalokeṣu ye gatāḥ ||
teṣāmuddharaṇārthāya imaṃ piṃḍaṃ dadāmyaham
||43||अनेकयातनासंस्थाः प्रेतलोकेषु ये गताः ॥
तेषामुद्धरणार्थाय इमं पिंडं ददाम्यहम्
paśuyonigatā ye ca ye ca kīṭasarī sṛpāḥ ||
athavā vṛkṣayonisthāstebhyaḥ piṃḍaṃ dadāmyaham
||44||पशुयोनिगता ये च ये च कीटसरी सृपाः ॥
अथवा वृक्षयोनिस्थास्तेभ्यः पिंडं ददाम्यहम्
asaṃkhyā yātanāsaṃsthā ye nītā yamaśāsakaiḥ ||
teṣāmuddharaṇārthāya imaṃ piṃḍaṃ dadāmyaham
||45||असंख्या यातनासंस्था ये नीता यमशासकैः ॥
तेषामुद्धरणार्थाय इमं पिंडं ददाम्यहम्
ye'bāṃdhavā bāṃdhavā ye ye'nyajanmani bāṃdhavāḥ ||
te sarve tṛptimāyāṃtu piṃḍenānena sarvadā
||46||येऽबांधवा बांधवा ये येऽन्यजन्मनि बांधवाः ॥
ते सर्वे तृप्तिमायांतु पिंडेनानेन सर्वदा
ye kecitpretarūpeṇa varttaṃte pitaro mama ||
te sarve tṛptimāyāṃtu piṃḍenānena sarvadā
||47||ये केचित्प्रेतरूपेण वर्त्तंते पितरो मम ॥
ते सर्वे तृप्तिमायांतु पिंडेनानेन सर्वदा
divyāṃtarikṣabhūmisthapitaro bāṃdhavādayaḥ ||
mṛtāścāsaṃskṛtā ye ca teṣāṃ piṃḍostu muktaye
||48||दिव्यांतरिक्षभूमिस्थपितरो बांधवादयः ॥
मृताश्चासंस्कृता ये च तेषां पिंडोस्तु मुक्तये
pitṛvaṃśe mṛtā ye ca mātṛvaṃśe tathaiva ca ||
guruśvaśurabaṃdhūnāṃ ye cānye bāṃdhavā mṛtāḥ
||49||पितृवंशे मृता ये च मातृवंशे तथैव च ॥
गुरुश्वशुरबंधूनां ये चान्ये बांधवा मृताः
ye me kule luptapiṃḍāḥ putradāravivarjitāḥ ||
kriyālopagatā ye ca jātyaṃdhāḥ paṃgavastathā
||50||ये मे कुले लुप्तपिंडाः पुत्रदारविवर्जिताः ॥
क्रियालोपगता ये च जात्यंधाः पंगवस्तथा
virūpā āmagarbhā ye'jñātā jñātāḥ kule mama ||
teṣāṃ piṃḍo mayā datto hyakṣayyamupatiṣṭhatām
||51||विरूपा आमगर्भा येऽज्ञाता ज्ञाताः कुले मम ॥
तेषां पिंडो मया दत्तो ह्यक्षय्यमुपतिष्ठताम्
pretatvātpitaro muktā bhavaṃtu mama śāśvatam ||
yatkiṃcinmadhusamiśraṃ gokṣīraṃ ghṛtapāyasam
||52||प्रेतत्वात्पितरो मुक्ता भवंतु मम शाश्वतम् ॥
यत्किंचिन्मधुसमिश्रं गोक्षीरं घृतपायसम्
akṣayyamupatiṣṭhettvattvasmiṃstīrthe tu goṣpade ||
svādhyāyaṃ śrāvayettatra purāṇānyakhilānyapi
||53||अक्षय्यमुपतिष्ठेत्त्वत्त्वस्मिंस्तीर्थे तु गोष्पदे ॥
स्वाध्यायं श्रावयेत्तत्र पुराणान्यखिलान्यपि
brahmaviṣṇvarkarudrāṇāṃ stavāni vividhāni ca ||
aiṃdrāṇi somasūktāni pāvamānīśca śaktitaḥ
||54||ब्रह्मविष्ण्वर्करुद्राणां स्तवानि विविधानि च ॥
ऐंद्राणि सोमसूक्तानि पावमानीश्च शक्तितः
bṛhadrathaṃtaraṃ tadvajjyeṣṭhasāma sarauravam ||
tathaiva śāṃtikādhyāyaṃ madhubrāhmaṇameva ca
||55||बृहद्रथंतरं तद्वज्ज्येष्ठसाम सरौरवम् ॥
तथैव शांतिकाध्यायं मधुब्राह्मणमेव च
maṃḍalaṃ brāhmaṇaṃ tatra prītakāri ca yatpunaḥ ||
viprāṇāmātmanaścaiva tatsarvaṃ samudīrayet
||56||मंडलं ब्राह्मणं तत्र प्रीतकारि च यत्पुनः ॥
विप्राणामात्मनश्चैव तत्सर्वं समुदीरयेत्
evaṃ nyaṃkumatīmadhye goṣpade tīrtha uttame ||
dattvā piṃḍāṃśca vidhivatpunarmaṃtramimaṃ paṭhet
||57||एवं न्यंकुमतीमध्ये गोष्पदे तीर्थ उत्तमे ॥
दत्त्वा पिंडांश्च विधिवत्पुनर्मंत्रमिमं पठेत्
sākṣiṇaḥ saṃtu me devā brahmādyā ṛṣipuṃgavāḥ ||
mayedaṃ tīrthamāsādya pitṝṇāṃ niṣkṛtiḥ kṛtā
||58||साक्षिणः संतु मे देवा ब्रह्माद्या ऋषिपुंगवाः ॥
मयेदं तीर्थमासाद्य पितॄणां निष्कृतिः कृता
āgato'smi idaṃ tīrthaṃ pitṛkārye surottamāḥ ||
bhavaṃtu sākṣiṇaḥ sarve muktaścāhamṛṇatrayāt
||59||आगतोऽस्मि इदं तीर्थं पितृकार्ये सुरोत्तमाः ॥
भवंतु साक्षिणः सर्वे मुक्तश्चाहमृणत्रयात्
evaṃ pradakṣiṇīkṛtya goṣpadaṃ tīrthamuttamam ||
viprebhyo dakṣiṇāṃ dattvā nadyāṃ piṃḍānvisarjayet
||60||एवं प्रदक्षिणीकृत्य गोष्पदं तीर्थमुत्तमम् ॥
विप्रेभ्यो दक्षिणां दत्त्वा नद्यां पिंडान्विसर्जयेत्
godānaṃ tatra deyaṃ tu tadvatkṛṣṇājinaṃ priye ||
aṣṭakāsu ca vṛddhau ca gayāyāṃ mṛtavāsare
||61||गोदानं तत्र देयं तु तद्वत्कृष्णाजिनं प्रिये ॥
अष्टकासु च वृद्धौ च गयायां मृतवासरे
atra mātuḥ pṛthakchrāddhamanyatra patinā saha ||
vṛddhiśrāddhe tu mātrādi gayāyāṃ pitṛpūrvakam
||62||अत्र मातुः पृथक्छ्राद्धमन्यत्र पतिना सह ॥
वृद्धिश्राद्धे तु मात्रादि गयायां पितृपूर्वकम्
gayāvadatraiva punaḥ śrāddhaṃ kāryaṃ narottamaiḥ ||
tasmādguptagayā proktā iyaṃ sā viṣṇunā svayam
||63||गयावदत्रैव पुनः श्राद्धं कार्यं नरोत्तमैः ॥
तस्माद्गुप्तगया प्रोक्ता इयं सा विष्णुना स्वयम्
gaṃdhadānena gaṃdhāptiḥ saubhāgyaṃ puṣpadānataḥ ||
dhūpadānena rājyāptirdīptirdīpapradānataḥ
||64||गंधदानेन गंधाप्तिः सौभाग्यं पुष्पदानतः ॥
धूपदानेन राज्याप्तिर्दीप्तिर्दीपप्रदानतः
dhvajadānātpāpahāniryātrākṛdbrahmalokabhāk ||
śrāddhapiṃḍaprado loke viṣṇurneṣyati vai pitṝn
||65||ध्वजदानात्पापहानिर्यात्राकृद्ब्रह्मलोकभाक् ॥
श्राद्धपिंडप्रदो लोके विष्णुर्नेष्यति वै पितॄन्
ekaṃ yo bhojayettatra brāhmaṇaṃ śaṃsitavratam ||
gopracāre mahātīrthe koṭirbhavatibhojitā
||66||एकं यो भोजयेत्तत्र ब्राह्मणं शंसितव्रतम् ॥
गोप्रचारे महातीर्थे कोटिर्भवतिभोजिता
iti saṃkṣepataḥ proktastatra śrāddhavidhistava ||
atha te kathayiṣyāmi itihāsaṃ purātanam
||67||इति संक्षेपतः प्रोक्तस्तत्र श्राद्धविधिस्तव ॥
अथ ते कथयिष्यामि इतिहासं पुरातनम्
venasya rājñaścaritaṃ pṛthoścaiva mahātmanaḥ ||
yathā tatrābhavanmuktistasya cāṃḍālayonitaḥ ||
tatsarvaṃ śṛṇu deveśi samyakchraddhāsamānvitā
||68||वेनस्य राज्ञश्चरितं पृथोश्चैव महात्मनः ॥
यथा तत्राभवन्मुक्तिस्तस्य चांडालयोनितः ॥
तत्सर्वं शृणु देवेशि सम्यक्छ्रद्धासमान्विता
piśunāya na pāpāya nāśiṣyāyāhitāya ca ||
kathanīyamidaṃ puṇyaṃ nāvratāya kathaṃcana
||69||पिशुनाय न पापाय नाशिष्यायाहिताय च ॥
कथनीयमिदं पुण्यं नाव्रताय कथंचन
svargyaṃ yaśasyamāyuṣyaṃ dhanyaṃ vedena saṃmitam ||
rahasyamṛṣibhiḥ proktaṃ śṛṇuyādyo'nasūyakaḥ
||70||स्वर्ग्यं यशस्यमायुष्यं धन्यं वेदेन संमितम् ॥
रहस्यमृषिभिः प्रोक्तं शृणुयाद्योऽनसूयकः
yaścainaṃ śrāvayenmartyaḥ pṛtho rvainyasya saṃbhavam ||
brāhmaṇebhyo namaskṛtvā na sa śocetkṛtā'kṛte
||71||यश्चैनं श्रावयेन्मर्त्यः पृथो र्वैन्यस्य संभवम् ॥
ब्राह्मणेभ्यो नमस्कृत्वा न स शोचेत्कृताऽकृते
goptā dharmasya rājā'sau babhau cātrisamaprabhaḥ ||
atrivaṃśasamutpanno hyaṃgo nāma prajāpatiḥ
||72||गोप्ता धर्मस्य राजाऽसौ बभौ चात्रिसमप्रभः ॥
अत्रिवंशसमुत्पन्नो ह्यंगो नाम प्रजापतिः
tasya putro'bhavedveno nātyarthaṃ dhārmikastathā ||
jāto mṛtyusutāyāṃ vai sunīthāyāṃ prajāpatiḥ
||73||तस्य पुत्रोऽभवेद्वेनो नात्यर्थं धार्मिकस्तथा ॥
जातो मृत्युसुतायां वै सुनीथायां प्रजापतिः
samātāmaha doṣeṇa tena kālātmakānanaḥ ||
sa dharmaṃ pṛṣṭhataḥ kṛtvā pāpabuddhirajāyata
||74||समातामह दोषेण तेन कालात्मकाननः ॥
स धर्मं पृष्ठतः कृत्वा पापबुद्धिरजायत
sthitimutthāpayāmāsa dharmopetāṃ sanātanīm ||
vedaśāstrāṇyatikramya hyadharma nirato'bhavat
||75||स्थितिमुत्थापयामास धर्मोपेतां सनातनीम् ॥
वेदशास्त्राण्यतिक्रम्य ह्यधर्म निरतोऽभवत्
niḥsvādhyāyavaṣaṭkārāḥ prajāstasminpraśāsati ||
ḍiṃḍimaṃ ghoṣayāmāsa sa rājā viṣaye svake
||76||निःस्वाध्यायवषट्काराः प्रजास्तस्मिन्प्रशासति ॥
डिंडिमं घोषयामास स राजा विषये स्वके
na dātavyaṃ na yaṣṭavyaṃ mayi rājyaṃ praśāsati ||
āsītpratijñā krūreyaṃ vināśe pratyupasthite
||77||न दातव्यं न यष्टव्यं मयि राज्यं प्रशासति ॥
आसीत्प्रतिज्ञा क्रूरेयं विनाशे प्रत्युपस्थिते
ahamīḍyaśca pūjyaśca sarvayajñairdvijottamaiḥ ||
mayi yajñā vidhātavyā mayi hotavyamityapi
||78||अहमीड्यश्च पूज्यश्च सर्वयज्ञैर्द्विजोत्तमैः ॥
मयि यज्ञा विधातव्या मयि होतव्यमित्यपि
tamatikrāṃtamaryādaṃ prajāpīḍanatatparam ||
ūcurmaharṣayaḥ kruddhā marīcipramukhāstadā
||79||तमतिक्रांतमर्यादं प्रजापीडनतत्परम् ॥
ऊचुर्महर्षयः क्रुद्धा मरीचिप्रमुखास्तदा
mā'dharmaṃ vena kārṣīstvaṃ naiṣa dharmaḥ sanātanaḥ ||
atrervaṃśe prasūto'si prajāpatirasaṃśayam
||80||माऽधर्मं वेन कार्षीस्त्वं नैष धर्मः सनातनः ॥
अत्रेर्वंशे प्रसूतोऽसि प्रजापतिरसंशयम्
pālayiṣye prajāśceti pūrvaṃ te samayaḥ kṛtaḥ ||
tāṃstathāvādinaḥ sarvānbrahmarṣīnabravīttadā
||81||पालयिष्ये प्रजाश्चेति पूर्वं ते समयः कृतः ॥
तांस्तथावादिनः सर्वान्ब्रह्मर्षीनब्रवीत्तदा
venaḥ prahasya durbuddhiridaṃ vacanakovidaḥ ||
sraṣṭā dharmasya kaścānyaḥ śrotavyaṃ kasya vā mayā
||82||वेनः प्रहस्य दुर्बुद्धिरिदं वचनकोविदः ॥
स्रष्टा धर्मस्य कश्चान्यः श्रोतव्यं कस्य वा मया
vīryaśrutatapaḥsatyairmayānyaḥ kaḥ samo bhuvi ||
madātmāno na nūnaṃ māṃ yūyaṃ jānītha tattvataḥ
||83||वीर्यश्रुततपःसत्यैर्मयान्यः कः समो भुवि ॥
मदात्मानो न नूनं मां यूयं जानीथ तत्त्वतः
prabhavaṃ sarvalokānāṃ dharmāṇāṃ ca viśeṣataḥ ||
itthaṃ dehena pṛthivīṃ bhāvena yajanena ca
||84||प्रभवं सर्वलोकानां धर्माणां च विशेषतः ॥
इत्थं देहेन पृथिवीं भावेन यजनेन च
sṛjeyaṃ ca graseyaṃ ca nātra kāryā vicāraṇā ||
yadā na śakyate staṃbhānmattaścaiva vimohitaḥ
||85||सृजेयं च ग्रसेयं च नात्र कार्या विचारणा ॥
यदा न शक्यते स्तंभान्मत्तश्चैव विमोहितः
anunetuṃ nṛpo venastatra kruddhā maharṣayaḥ ||
ātharvaṇena maṃtreṇa hatvā taṃ te mahābalam
||86||अनुनेतुं नृपो वेनस्तत्र क्रुद्धा महर्षयः ॥
आथर्वणेन मंत्रेण हत्वा तं ते महाबलम्
tato'sya vāmabāhuṃ te mamaṃthurbhṛśakopitāḥ ||
tasmācca mathyamānādvai jajñe pūrvamiti śrutiḥ
||87||ततोऽस्य वामबाहुं ते ममंथुर्भृशकोपिताः ॥
तस्माच्च मथ्यमानाद्वै जज्ञे पूर्वमिति श्रुतिः
hrasvo'timātraḥ puruṣaḥ kṛṣṇaścāpi tadā priye ||
sa bhītaḥ prāñjaliścaiva tasthivānsaṃmukhe priye
||88||ह्रस्वोऽतिमात्रः पुरुषः कृष्णश्चापि तदा प्रिये ॥
स भीतः प्राञ्जलिश्चैव तस्थिवान्संमुखे प्रिये
tamāttaṃ vihvalaṃ dṛṣṭvā niṣīdetyabruvankila ||
niṣādo vaṃśakartā vai tenābhūtpṛthuvikramaḥ
||89||तमात्तं विह्वलं दृष्ट्वा निषीदेत्यब्रुवन्किल ॥
निषादो वंशकर्ता वै तेनाभूत्पृथुविक्रमः
dhīvarānasṛjaccāpi venapāpasamudbhavān ||
ye cānye vindhyanilayāstathā vai tuṃbarāḥ khasāḥ
||90||धीवरानसृजच्चापि वेनपापसमुद्भवान् ॥
ये चान्ये विन्ध्यनिलयास्तथा वै तुंबराः खसाः
adharme rucayaścāpi varddhitā venapāpajāḥ ||
punarmaharṣayastetha pāṇiṃ venasya dakṣiṇam
||91||अधर्मे रुचयश्चापि वर्द्धिता वेनपापजाः ॥
पुनर्महर्षयस्तेथ पाणिं वेनस्य दक्षिणम्
araṇīmiva saṃrabdhā mamaṃthurjāta manyavaḥ ||
pṛthustasmātsamutpannaḥ karājjvalanasaṃnibhaḥ
||92||अरणीमिव संरब्धा ममंथुर्जात मन्यवः ॥
पृथुस्तस्मात्समुत्पन्नः कराज्ज्वलनसंनिभः
pṛthoḥ karatalāccāpi yasmājātastataḥ pṛthuḥ ||
dīpyamānaśca vapuṣā sākṣādagniriva jvalan
||93||पृथोः करतलाच्चापि यस्माजातस्ततः पृथुः ॥
दीप्यमानश्च वपुषा साक्षादग्निरिव ज्वलन्
dhanurājagavaṃ gṛhya śarāṃścāśīviṣopamān ||
khaṅgaṃ ca rakṣanrakṣārthaṃ kavacaṃ ca mahāprabham
||94||धनुराजगवं गृह्य शरांश्चाशीविषोपमान् ॥
खङ्गं च रक्षन्रक्षार्थं कवचं च महाप्रभम्
tasmiñjāte'tha bhūtāni saṃprahṛṣṭāni sarvaśaḥ ||
saṃbabhūvurmahādevi venaśca tridivaṃ gataḥ
||95||तस्मिञ्जातेऽथ भूतानि संप्रहृष्टानि सर्वशः ॥
संबभूवुर्महादेवि वेनश्च त्रिदिवं गतः
tato nadyaḥ samudrāśca ratnānyādāya sarvaśaḥ ||
abhiṣekāya te sarve rājānamupatasthire
||96||ततो नद्यः समुद्राश्च रत्नान्यादाय सर्वशः ॥
अभिषेकाय ते सर्वे राजानमुपतस्थिरे
pitāmahaśca bhagavānṛṣibhiśca sahāmaraiḥ ||
sthāvarāṇi ca bhūtāni jaṃgamāni ca sarvaśaḥ
||97||पितामहश्च भगवानृषिभिश्च सहामरैः ॥
स्थावराणि च भूतानि जंगमानि च सर्वशः
samāgamya tadā vainyamabhyaṣiṃcannarādhi pam ||
so'bhiṣikto mahātejā devairaṃgirasādibhiḥ
||98||समागम्य तदा वैन्यमभ्यषिंचन्नराधि पम् ॥
सोऽभिषिक्तो महातेजा देवैरंगिरसादिभिः
adhirājye mahābhāgaḥ pṛthurvainyaḥ pratāpavān ||
pitrā na raṃjitāścāsya prajā vainyena raṃjitāḥ
||99||अधिराज्ये महाभागः पृथुर्वैन्यः प्रतापवान् ॥
पित्रा न रंजिताश्चास्य प्रजा वैन्येन रंजिताः
tato rājeti nāmāsya anurāgādajāyata ||
āpaḥ stastaṃbhire cāsya samudramabhiyāsyataḥ
||100||ततो राजेति नामास्य अनुरागादजायत ॥
आपः स्तस्तंभिरे चास्य समुद्रमभियास्यतः
parvatāścāpi śīryaṃte dhvajasaṃgo'pi nā'bhavat ||
akṛṣṭapacyā pṛthivī sidhyaṃtyannāni ciṃtayā ||
sarvakāmadughā gāvaḥ puṭakepuṭake madhu
||101||पर्वताश्चापि शीर्यंते ध्वजसंगोऽपि नाऽभवत् ॥
अकृष्टपच्या पृथिवी सिध्यंत्यन्नानि चिंतया ॥
सर्वकामदुघा गावः पुटकेपुटके मधु
tasminneva tadā kāle puna rjajñe'tha māgadhaḥ ||
sāmageṣu ca gāyatsu srugbhāṃḍādvaiśvadevikāt
||102||तस्मिन्नेव तदा काले पुन र्जज्ञेऽथ मागधः ॥
सामगेषु च गायत्सु स्रुग्भांडाद्वैश्वदेविकात्
sāmageṣu samutpannastasmānmagadha ucyate ||
aiṃdreṇa haviṣā cāpi haviḥ pṛktaṃ bṛhaspatiḥ
||103||सामगेषु समुत्पन्नस्तस्मान्मगध उच्यते ॥
ऐंद्रेण हविषा चापि हविः पृक्तं बृहस्पतिः
yadā juhāva ceṃdrāya tatastato vyajāyata ||
pramādastatra saṃjajñe prāyaścittaṃ ca karmasu
||104||यदा जुहाव चेंद्राय ततस्ततो व्यजायत ॥
प्रमादस्तत्र संजज्ञे प्रायश्चित्तं च कर्मसु
śeṣahavyena yatpṛktamabhibhūtaṃ gurorhaviḥ ||
adharottarasvāreṇa jajñe tadvarṇavaikṛtam
||105||शेषहव्येन यत्पृक्तमभिभूतं गुरोर्हविः ॥
अधरोत्तरस्वारेण जज्ञे तद्वर्णवैकृतम्
yajñastasyāṃ samabhavadbrāhmaṇyāṃ kṣatrayonitaḥ ||
tataḥ pūrveṇa sādharmyāttulyadharmāḥ prakīrttitāḥ
||106||यज्ञस्तस्यां समभवद्ब्राह्मण्यां क्षत्रयोनितः ॥
ततः पूर्वेण साधर्म्यात्तुल्यधर्माः प्रकीर्त्तिताः
madhyamo hyeṣa tattvasya dharmaḥ kṣatropajīvanam ||
rathanāgāśvacaritaṃ jaghanyaṃ ca cikitsitam
||107||मध्यमो ह्येष तत्त्वस्य धर्मः क्षत्रोपजीवनम् ॥
रथनागाश्वचरितं जघन्यं च चिकित्सितम्
pṛthoḥ kathārthaṃ tau tatra samā hūtau maharṣibhiḥ ||
tāvūcurmunayaḥ sarve stūyatāmiti pārthivaḥ
||108||पृथोः कथार्थं तौ तत्र समा हूतौ महर्षिभिः ॥
तावूचुर्मुनयः सर्वे स्तूयतामिति पार्थिवः
karmabhiścānurūpo hi yatoyaṃ pṛthivīpatiḥ ||
tānūcatustadā sarvānṛṣīṃśca sūtamāgadhau
||109||कर्मभिश्चानुरूपो हि यतोयं पृथिवीपतिः ॥
तानूचतुस्तदा सर्वानृषींश्च सूतमागधौ
āvāṃ devānṛṣīṃścaiva prīṇayāva svakarmabhiḥ ||
na cāsya vidvo vai karma na tathā lakṣaṇaṃ yaśa
||110||आवां देवानृषींश्चैव प्रीणयाव स्वकर्मभिः ॥
न चास्य विद्वो वै कर्म न तथा लक्षणं यश
stotraṃ yenāsya saṃkurvo rājñastejasvino dvijāḥ ||
ṛṣibhistau niyuktau tu bhaviṣyaiḥ stūyatāmiti
||111||स्तोत्रं येनास्य संकुर्वो राज्ञस्तेजस्विनो द्विजाः ॥
ऋषिभिस्तौ नियुक्तौ तु भविष्यैः स्तूयतामिति
yāni karmāṇi kṛtavānpṛthuḥ paścānmahābalaḥ ||
tāni gītāni baddhāni stuvadbhiḥ sūtamāgadhaiḥ
||112||यानि कर्माणि कृतवान्पृथुः पश्चान्महाबलः ॥
तानि गीतानि बद्धानि स्तुवद्भिः सूतमागधैः
tataḥ śrutārthaḥ suprītaḥ pṛthuḥ prādātprajeśvaraḥ ||
anūpadeśaṃ sūtāya māgadhānmāgadhāya ca ||
tadādi pṛthivīpālāḥ stūyante sūtamāgadhaiḥ ||
āśīrvādaiḥ praśaṃsyaṃte sūtamāgadhabaṃdibhiḥ
||114||ततः श्रुतार्थः सुप्रीतः पृथुः प्रादात्प्रजेश्वरः ॥
अनूपदेशं सूताय मागधान्मागधाय च ॥
तदादि पृथिवीपालाः स्तूयन्ते सूतमागधैः ॥
आशीर्वादैः प्रशंस्यंते सूतमागधबंदिभिः
taṃ dṛṣṭvā paramaṃ prītāḥ prajā ūcurmaharṣayaḥ ||
eṣa vo vṛttido vainyo vihito'tha narādhipaḥ
||115||तं दृष्ट्वा परमं प्रीताः प्रजा ऊचुर्महर्षयः ॥
एष वो वृत्तिदो वैन्यो विहितोऽथ नराधिपः
tato vainyaṃ mahābhāgaṃ prajāḥ samabhidudruvuḥ ||
tvaṃ no vṛttividhāteti maharṣivacanāttathā
||116||ततो वैन्यं महाभागं प्रजाः समभिदुद्रुवुः ॥
त्वं नो वृत्तिविधातेति महर्षिवचनात्तथा
so'bhīhitaḥ prajābhistu prajāhitacikīrṣayā ||
dhanurgṛhītvā bāṇāṃśca vasudhāmārdayadbalī
||117||सोऽभीहितः प्रजाभिस्तु प्रजाहितचिकीर्षया ॥
धनुर्गृहीत्वा बाणांश्च वसुधामार्दयद्बली
tato vainyabhayatrastā gaurbhūtvā prādravanmahī ||
tāṃ dhenuṃ pṛthurādāya dravantīmanvadhāvata
||118||ततो वैन्यभयत्रस्ता गौर्भूत्वा प्राद्रवन्मही ॥
तां धेनुं पृथुरादाय द्रवन्तीमन्वधावत
sā lokānbrahmalokādīngatvā vainyabhayāttadā ||
dadarśa cāgrato vainyaṃ kārmukodyatapāṇinam
||119||सा लोकान्ब्रह्मलोकादीन्गत्वा वैन्यभयात्तदा ॥
ददर्श चाग्रतो वैन्यं कार्मुकोद्यतपाणिनम्
jvaladbhirviśikhaistīkṣṇairdīptatejaḥsamanvitaiḥ ||
mahāyogaṃ mahātmānaṃ durddharṣamamarairapi
||120||ज्वलद्भिर्विशिखैस्तीक्ष्णैर्दीप्ततेजःसमन्वितैः ॥
महायोगं महात्मानं दुर्द्धर्षममरैरपि
alabhaṃtī tu sā trāṇaṃ vainyamevābhyapadyata ||
kṛtāṃjalipuṭā devī pūjyā lokaistribhissadā
||121||अलभंती तु सा त्राणं वैन्यमेवाभ्यपद्यत ॥
कृतांजलिपुटा देवी पूज्या लोकैस्त्रिभिस्सदा
uvāca cainaṃ nādharmyaṃ strīvadhaṃ paripaśyasi ||
kathaṃ dhārayitā cāsi prajā rājanmayā vinā
||122||उवाच चैनं नाधर्म्यं स्त्रीवधं परिपश्यसि ॥
कथं धारयिता चासि प्रजा राजन्मया विना
mayi lokāḥ sthitā rājanmayedaṃ dhāryate jagat ||
madṛte tu vinaśyeyuḥ prajāḥ pārthiva viddhi tat
||123||मयि लोकाः स्थिता राजन्मयेदं धार्यते जगत् ॥
मदृते तु विनश्येयुः प्रजाः पार्थिव विद्धि तत्
sa māṃ nārhasi haṃtuṃ vai śreyaścettvaṃ cikīrṣasi ||
prajānāṃ pṛthivīpāla śṛṇuṣvedaṃ vaco mama
||124||स मां नार्हसि हंतुं वै श्रेयश्चेत्त्वं चिकीर्षसि ॥
प्रजानां पृथिवीपाल शृणुष्वेदं वचो मम
upāyataḥ samārabdhāḥ sarve sidhyaṃtyupakramāḥ ||
hatvā māṃ tvaṃ na śakto vai prajāḥ pālayituṃ nṛpa
||125||उपायतः समारब्धाः सर्वे सिध्यंत्युपक्रमाः ॥
हत्वा मां त्वं न शक्तो वै प्रजाः पालयितुं नृप
anukūlā bhaviṣyāmi tyaja kopaṃ mahādyute ||
avadhyāśca striyaḥ prāhustiryagyonigatā api
||126||अनुकूला भविष्यामि त्यज कोपं महाद्युते ॥
अवध्याश्च स्त्रियः प्राहुस्तिर्यग्योनिगता अपि
ekasminnidhanaṃ prāpte pāpiṣṭhe krūrakarmaṇi ||
bahūnāṃ bhavati kṣemastatra puṇyaprado vadhaḥ ||
satyevaṃ pṛthivīpāla dharmmaṃ mā tyaktumarhasi
||127||एकस्मिन्निधनं प्राप्ते पापिष्ठे क्रूरकर्मणि ॥
बहूनां भवति क्षेमस्तत्र पुण्यप्रदो वधः ॥
सत्येवं पृथिवीपाल धर्म्मं मा त्यक्तुमर्हसि
evaṃvidhaṃ tu tadvākyaṃ śrutvā rājā mahābalaḥ ||
krodhaṃ nigṛhya dharmātmā vasudhāmidamabravīt
||128||एवंविधं तु तद्वाक्यं श्रुत्वा राजा महाबलः ॥
क्रोधं निगृह्य धर्मात्मा वसुधामिदमब्रवीत्
ekasyārthe ca yo hanyādātmano vā parasya vā ||
ekaṃ vāpi bahūnvāpi kāmataścāsti pātakam
||129||एकस्यार्थे च यो हन्यादात्मनो वा परस्य वा ॥
एकं वापि बहून्वापि कामतश्चास्ति पातकम्
yasmiṃstu nidhanaṃ prāptā edhante bahavaḥ sukham ||
tasminhate ca bhūyo hi pātakaṃ nāsti tasya vai
||130||यस्मिंस्तु निधनं प्राप्ता एधन्ते बहवः सुखम् ॥
तस्मिन्हते च भूयो हि पातकं नास्ति तस्य वै
so'haṃ prajānimittaṃ tvāṃ haniṣyāmi vasundhare ||
yadi me vacanaṃ nādya kariṣyasi jagaddhitam
||131||सोऽहं प्रजानिमित्तं त्वां हनिष्यामि वसुन्धरे ॥
यदि मे वचनं नाद्य करिष्यसि जगद्धितम्
tvāṃ nihatyādya bāṇena macchāsanaparāṅmukhīm ||
ātmānaṃ pṛthukṛtveha prajā dhārayitāsmyaham
||132||त्वां निहत्याद्य बाणेन मच्छासनपराङ्मुखीम् ॥
आत्मानं पृथुकृत्वेह प्रजा धारयितास्म्यहम्
sā tvaṃ vacanamāsthāya mama dharmabhṛtāṃvare ||
sañjīvaya prajā nityaṃ śaktā hyasi na saṃśayaḥ
||133||सा त्वं वचनमास्थाय मम धर्मभृतांवरे ॥
सञ्जीवय प्रजा नित्यं शक्ता ह्यसि न संशयः
duhitṛtvaṃ hi me gaccha evametanmahaccharam ||
niyacche tvadvadhārthaṃ ca prayuktaṃ ghoradarśanam ||
pratyuvāca tato vainyamevamuktā mahāsatī
||134||दुहितृत्वं हि मे गच्छ एवमेतन्महच्छरम् ॥
नियच्छे त्वद्वधार्थं च प्रयुक्तं घोरदर्शनम् ॥
प्रत्युवाच ततो वैन्यमेवमुक्ता महासती
sarvametadahaṃ rājanvidhāsyāmi na saṃśayaḥ ||
vatsaṃ tu mama saṃyukṣva kṣareyaṃ yena vatsalā
||135||सर्वमेतदहं राजन्विधास्यामि न संशयः ॥
वत्सं तु मम संयुक्ष्व क्षरेयं येन वत्सला
samāṃ ca kuru sarvatra māṃ tvaṃ sarvabhṛtāṃ vara ||
yathā visyandamānāhaṃ kṣīraṃ sarvatra bhāvaye
||136||समां च कुरु सर्वत्र मां त्वं सर्वभृतां वर ॥
यथा विस्यन्दमानाहं क्षीरं सर्वत्र भावये
īśvara uvāca
tata utsārayāmāsa śilājālāni sarvaśaḥ ||
dhanuṣkoṭyā tato vainyastena śailā vivarddhitāḥ
||137||तत उत्सारयामास शिलाजालानि सर्वशः ॥
धनुष्कोट्या ततो वैन्यस्तेन शैला विवर्द्धिताः
manvatareṣvatīteṣu caivamāsīdvasundharā ||
svabhāvenābhavattasyāḥ samāni viṣamāṇi ca
||138||मन्वतरेष्वतीतेषु चैवमासीद्वसुन्धरा ॥
स्वभावेनाभवत्तस्याः समानि विषमाणि च
na hi pūrvanisarge vai viṣamaṃ pṛthivītalam ||
pravibhāgaḥ purāṇāṃ ca grāmāṇāṃ cātha vidyate
||139||न हि पूर्वनिसर्गे वै विषमं पृथिवीतलम् ॥
प्रविभागः पुराणां च ग्रामाणां चाथ विद्यते
na sasyāni na gorakṣaṃ na kṛṣirna vaṇikpathaḥ
||140||न सस्यानि न गोरक्षं न कृषिर्न वणिक्पथः
cākṣuṣasyāṃtare pūrvamāsīdetatpurā kila ||
vaivasvate'ntare cāsminsarvasyaitasya saṃbhavaḥ ||
samatvaṃ yatrayatrāsīdbhūmeḥ kasmiṃścideva hi
||141||चाक्षुषस्यांतरे पूर्वमासीदेतत्पुरा किल ॥
वैवस्वतेऽन्तरे चास्मिन्सर्वस्यैतस्य संभवः ॥
समत्वं यत्रयत्रासीद्भूमेः कस्मिंश्चिदेव हि
tatratatra prajāstā vai nivasanti sma sarvadā ||
āhāraḥ phalamūlaṃ tu prajānāmabhavatkila
||142||तत्रतत्र प्रजास्ता वै निवसन्ति स्म सर्वदा ॥
आहारः फलमूलं तु प्रजानामभवत्किल
kṛcchreṇaiva tadā tāsāmityevamanuśuśruma ||
vainyātprabhṛtiloke'sminsarvasyaitasya saṃbhavaḥ
||143||कृच्छ्रेणैव तदा तासामित्येवमनुशुश्रुम ॥
वैन्यात्प्रभृतिलोकेऽस्मिन्सर्वस्यैतस्य संभवः
saṃkalpayitvā vatsaṃ tu cākṣuṣaṃ manumīśvaram ||
pṛthurdudoha sasyāni svahaste pṛthivīṃ tataḥ
||144||संकल्पयित्वा वत्सं तु चाक्षुषं मनुमीश्वरम् ॥
पृथुर्दुदोह सस्यानि स्वहस्ते पृथिवीं ततः
sasyāni tena dugdhā vai venyeneyaṃ vasundharā ||
manuṃ vai cākṣuṣaṃ kṛtvā vatsaṃ pātre ca bhūmaye
||145||सस्यानि तेन दुग्धा वै वेन्येनेयं वसुन्धरा ॥
मनुं वै चाक्षुषं कृत्वा वत्सं पात्रे च भूमये
tenānnena tadā tā vai varttayante sadā prajāḥ ||
ṛṣibhiḥ śrūyate cāpi punardugdhā vasundharā
||146||तेनान्नेन तदा ता वै वर्त्तयन्ते सदा प्रजाः ॥
ऋषिभिः श्रूयते चापि पुनर्दुग्धा वसुन्धरा
vatsaḥ somastatasteṣāṃ dogdhā cāpi bṛhaspatiḥ ||
pātramāsanhi cchandāṃsi gāyatryādīni sarvaśaḥ
||147||वत्सः सोमस्ततस्तेषां दोग्धा चापि बृहस्पतिः ॥
पात्रमासन्हि च्छन्दांसि गायत्र्यादीनि सर्वशः
kṣīramāsīttadā teṣāṃ tapo brahma ca śāśvatam ||
punastato devagaṇaiḥ puraṃdarapurogamaiḥ
||148||क्षीरमासीत्तदा तेषां तपो ब्रह्म च शाश्वतम् ॥
पुनस्ततो देवगणैः पुरंदरपुरोगमैः
sauvarṇaṃ pātramādāya dugdheyaṃ śrūyate mahī ||
vatsastu maghavā cāsīddogdhā ca savitā'bhavat
||149||सौवर्णं पात्रमादाय दुग्धेयं श्रूयते मही ॥
वत्सस्तु मघवा चासीद्दोग्धा च सविताऽभवत्
kṣīramūrjāmadhu proktaṃ vartaṃte tena devatāḥ ||
pitṛbhiḥ śrūyate cāpi punardugdhā vasundharā
||150||क्षीरमूर्जामधु प्रोक्तं वर्तंते तेन देवताः ॥
पितृभिः श्रूयते चापि पुनर्दुग्धा वसुन्धरा
rājataṃ pātramādāya svadhā tvakṣayyatṛptaye ||
vaivasvato yamastvāsītteṣāṃ vatsaḥ pratāpavān
||151||राजतं पात्रमादाय स्वधा त्वक्षय्यतृप्तये ॥
वैवस्वतो यमस्त्वासीत्तेषां वत्सः प्रतापवान्
aṃtakaścābhavaddogdhā pitṛṇāṃ bhagavā nprabhuḥ ||
asuraiḥ śrūyate cāpi punardugdhā vasundharā
||152||अंतकश्चाभवद्दोग्धा पितृणां भगवा न्प्रभुः ॥
असुरैः श्रूयते चापि पुनर्दुग्धा वसुन्धरा
āyasaṃ pātramādāya balamādhāya sarvaśaḥ ||
virocanastu prāhlādisteṣāṃ vatsaḥ pratāpavān
||153||आयसं पात्रमादाय बलमाधाय सर्वशः ॥
विरोचनस्तु प्राह्लादिस्तेषां वत्सः प्रतापवान्
ṛtvigdvimūrddhā daityānāṃ dogdhā tu ditinandanaḥ ||
māyākṣīraṃ dudohāsau daityānāṃ tṛptikārakam
||154||ऋत्विग्द्विमूर्द्धा दैत्यानां दोग्धा तु दितिनन्दनः ॥
मायाक्षीरं दुदोहासौ दैत्यानां तृप्तिकारकम्
tenaite māyayā'dyāpi sarve māyāvido'surāḥ ||
varttayaṃti mahāvīryāstadeteṣāṃ paraṃ balam
||155||तेनैते माययाऽद्यापि सर्वे मायाविदोऽसुराः ॥
वर्त्तयंति महावीर्यास्तदेतेषां परं बलम्
nāgaiśca śrūyate dugdhā vatsaṃ kṛtvā tu takṣakam ||
alābupātramādāya viṣaṃ kṣīraṃ tadā mahat
||156||नागैश्च श्रूयते दुग्धा वत्सं कृत्वा तु तक्षकम् ॥
अलाबुपात्रमादाय विषं क्षीरं तदा महत्
teṣāṃ vai vāsukirdogdhā kādraveyo mahāyaśāḥ ||
nāgānāṃ vai mahādevi sarpāṇāṃ caiva sarvaśaḥ
||157||तेषां वै वासुकिर्दोग्धा काद्रवेयो महायशाः ॥
नागानां वै महादेवि सर्पाणां चैव सर्वशः
tena vai varttayantyugrā mahākāyā viṣolbaṇāḥ ||
tadāhārāstadācārāstadvīryāstadapāśrayāḥ
||158||तेन वै वर्त्तयन्त्युग्रा महाकाया विषोल्बणाः ॥
तदाहारास्तदाचारास्तद्वीर्यास्तदपाश्रयाः
āmapātre punardugdhā tvaṃtarddhānamiyaṃ mahī ||
vatsaṃ vaiśravaṇaṃ kṛtvā yakṣapuṇyajanaistathā
||159||आमपात्रे पुनर्दुग्धा त्वंतर्द्धानमियं मही ॥
वत्सं वैश्रवणं कृत्वा यक्षपुण्यजनैस्तथा
dogdhā rajatanāgastu cintāmaṇicarastu yaḥ ||
yakṣādhipo mahātejā vaśī jñānī mahātapāḥ
||160||दोग्धा रजतनागस्तु चिन्तामणिचरस्तु यः ॥
यक्षाधिपो महातेजा वशी ज्ञानी महातपाः
tena te varttayaṃ tīti yakṣā vasubhirūrjitaiḥ ||
rākṣasaiśca piśācaiśca punardugdhā vasundharā
||161||तेन ते वर्त्तयं तीति यक्षा वसुभिरूर्जितैः ॥
राक्षसैश्च पिशाचैश्च पुनर्दुग्धा वसुन्धरा
brahmopendrastu dogdhā vai teṣāmāsītkuberataḥ ||
vatsaḥ sumālī balavānkṣīraṃ rudhirameva ca
||162||ब्रह्मोपेन्द्रस्तु दोग्धा वै तेषामासीत्कुबेरतः ॥
वत्सः सुमाली बलवान्क्षीरं रुधिरमेव च
kapālapātre nirdugdhā tvaṃtarddhānaṃ tu rākṣasaiḥ ||
tena kṣīreṇa rakṣāṃsi varttayantīha sarvaśaḥ
||163||कपालपात्रे निर्दुग्धा त्वंतर्द्धानं तु राक्षसैः ॥
तेन क्षीरेण रक्षांसि वर्त्तयन्तीह सर्वशः
padmapatreṣu vai dugdhā gaṃdharvāpsarasāṃ gaṇaiḥ ||
vatsaṃ caitrarathaṃ kṛtvā śucigandhānmahī tadā
||164||पद्मपत्रेषु वै दुग्धा गंधर्वाप्सरसां गणैः ॥
वत्सं चैत्ररथं कृत्वा शुचिगन्धान्मही तदा
teṣāṃ vatso rucistvāsīddogdhā putro muneḥ śubhaḥ ||
śailaistu śrūyate devi punardugdhā vasuṃdharā
||165||तेषां वत्सो रुचिस्त्वासीद्दोग्धा पुत्रो मुनेः शुभः ॥
शैलैस्तु श्रूयते देवि पुनर्दुग्धा वसुंधरा
tadauṣadhīrmūrtimatī ratnāni vividhāni ca ||
vatsastu himavāṃsteṣāṃ dogdhā merurmahāgiriḥ
||166||तदौषधीर्मूर्तिमती रत्नानि विविधानि च ॥
वत्सस्तु हिमवांस्तेषां दोग्धा मेरुर्महागिरिः
pātraṃ śilāmayaṃ hyāsīttena śailāḥ pratiṣṭhitāḥ ||
śrūyate vṛkṣavīrudbhiḥ punardugdhā vasundharā
||167||पात्रं शिलामयं ह्यासीत्तेन शैलाः प्रतिष्ठिताः ॥
श्रूयते वृक्षवीरुद्भिः पुनर्दुग्धा वसुन्धरा
pālāśaṃ pātramādāya cchinnadagdhaprarohaṇam ||
dogdhā tu puṣpitaḥ śālaḥ plakṣo vatso yaśasvini ||
sarvakāmadughā dogdhā pṛthivī bhūtabhāvinī
||168||पालाशं पात्रमादाय च्छिन्नदग्धप्ररोहणम् ॥
दोग्धा तु पुष्पितः शालः प्लक्षो वत्सो यशस्विनि ॥
सर्वकामदुघा दोग्धा पृथिवी भूतभाविनी
saiṣā dhātrī vidhātrī ca dharaṇī ca vasundharā ||
dugdhā hitārthaṃ lokānāṃ pṛthunā iti naḥ śrutam
||169||सैषा धात्री विधात्री च धरणी च वसुन्धरा ॥
दुग्धा हितार्थं लोकानां पृथुना इति नः श्रुतम्
carācarasya lokasya pratiṣṭhā yonireva ca ||
āsīdiyaṃ samudrāṃtā medinīti pariśrutā
||170||चराचरस्य लोकस्य प्रतिष्ठा योनिरेव च ॥
आसीदियं समुद्रांता मेदिनीति परिश्रुता
madhukaiṭabhayoḥ pūrvaṃ medomāṃsapariplutā ||
vasundhārayate yasmādvasudhā tena kīrtitā
||171||मधुकैटभयोः पूर्वं मेदोमांसपरिप्लुता ॥
वसुन्धारयते यस्माद्वसुधा तेन कीर्तिता
tato'bhyupagamādrājñaḥ pṛthorvainyasya dhīmataḥ ||
duhitṛtvamanuprāptā pṛthivītyucyate tataḥ
||172||ततोऽभ्युपगमाद्राज्ञः पृथोर्वैन्यस्य धीमतः ॥
दुहितृत्वमनुप्राप्ता पृथिवीत्युच्यते ततः
prathitā pravibhaktā ca śobhitā ca vasundharā ||
dugdhā hi yatnato rājñā pattanākaramālinī
||173||प्रथिता प्रविभक्ता च शोभिता च वसुन्धरा ॥
दुग्धा हि यत्नतो राज्ञा पत्तनाकरमालिनी
evaṃ prabhāvo rājāsīdvainyaḥ sa nṛpasattamaḥ ||
tataḥ sa raṃjayāmāsa dharmeṇa pṛthivīṃ tadā
||174||एवं प्रभावो राजासीद्वैन्यः स नृपसत्तमः ॥
ततः स रंजयामास धर्मेण पृथिवीं तदा
tato rājeti śabdo'tha pṛthivyāṃ raṃjanādabhūt ||
sa rājyaṃ prāpya vainyastu ciṃtayāmāsa pārthivaḥ
||175||ततो राजेति शब्दोऽथ पृथिव्यां रंजनादभूत् ॥
स राज्यं प्राप्य वैन्यस्तु चिंतयामास पार्थिवः
pitā mama hyadharmiṣṭho yajñādyucchittikārakaḥ ||
kasminsthāne gataścāsau jñeyaṃ sthānaṃ kathaṃ mayā
||176||पिता मम ह्यधर्मिष्ठो यज्ञाद्युच्छित्तिकारकः ॥
कस्मिन्स्थाने गतश्चासौ ज्ञेयं स्थानं कथं मया
kathaṃ tasya kriyā kāryā hatasya brāhmaṇaiḥ kila ||
kathaṃ gatirbhavettasya yajñadānakriyābalāt
||177||कथं तस्य क्रिया कार्या हतस्य ब्राह्मणैः किल ॥
कथं गतिर्भवेत्तस्य यज्ञदानक्रियाबलात्
ityeva ciṃtayā tasya nāradobhyājagāma ha ||
tasyaivamāsanaṃ dattvā praṇipatya ca pṛṣṭavān
||178||इत्येव चिंतया तस्य नारदोभ्याजगाम ह ॥
तस्यैवमासनं दत्त्वा प्रणिपत्य च पृष्टवान्
bhagavansarvalokasya jānāsi tvaṃ śubhāśubham ||
pitā mama durācāro devabrāhmaṇaniṃdakaḥ
||179||भगवन्सर्वलोकस्य जानासि त्वं शुभाशुभम् ॥
पिता मम दुराचारो देवब्राह्मणनिंदकः
svakarmaṇā hato vipraiḥ paralokamavāptavān ||
kasmiṃsthāne gatastātaḥ śvabhraṃ vā svargameva ca
||180||स्वकर्मणा हतो विप्रैः परलोकमवाप्तवान् ॥
कस्मिंस्थाने गतस्तातः श्वभ्रं वा स्वर्गमेव च
tato'bravīnnāradastu jñātvā divyena cakṣuṣā ||
śṛṇu rājanmahābāho yatra tiṣṭhati te pitā
||181||ततोऽब्रवीन्नारदस्तु ज्ञात्वा दिव्येन चक्षुषा ॥
शृणु राजन्महाबाहो यत्र तिष्ठति ते पिता
atra deśo marurnāma jalavṛkṣavivarjitaḥ ||
tatra deśe mahāraudre janakaste narottama
||182||अत्र देशो मरुर्नाम जलवृक्षविवर्जितः ॥
तत्र देशे महारौद्रे जनकस्ते नरोत्तम
mlecchamadhye samutpanno yakṣmī kuṣṭhasamanvitaḥ ||
ucchiṣṭabhojī mlecchānāṃ kṛmibhiḥ saṃyuto vraṇaiḥ
||183||म्लेच्छमध्ये समुत्पन्नो यक्ष्मी कुष्ठसमन्वितः ॥
उच्छिष्टभोजी म्लेच्छानां कृमिभिः संयुतो व्रणैः
tacchrutvā vacanaṃ tasya nāradasya mahātmanaḥ ||
hāhākāraṃ tataḥ kṛtvā mūrchito nipapāta ha
||184||तच्छ्रुत्वा वचनं तस्य नारदस्य महात्मनः ॥
हाहाकारं ततः कृत्वा मूर्छितो निपपात ह
ciṃtayāmāsa duḥkhārtaḥ kathaṃ kāryaṃ mayā bhavet ||
ityevaṃ ciṃtayānasya matirjātā mahātmanaḥ ||
putraḥ sa kathyate loke pitaraṃ trāyate tu yaḥ
||185||चिंतयामास दुःखार्तः कथं कार्यं मया भवेत् ॥
इत्येवं चिंतयानस्य मतिर्जाता महात्मनः ॥
पुत्रः स कथ्यते लोके पितरं त्रायते तु यः
sa kathaṃ tu mayā tātaḥ pāpānmukto bhaviṣyati ||
evaṃ saṃciṃtya sa tato nāradaṃ paryapṛcchata
||186||स कथं तु मया तातः पापान्मुक्तो भविष्यति ॥
एवं संचिंत्य स ततो नारदं पर्यपृच्छत
bhagavankathitaṃ sarvaṃ piturmama viceṣṭitam ||
kena tasya bhavenmuktiḥ karmaṇā dvijasattama ||
vratairdānaistapobhirvā tīrthānāṃ yātrayā vada
||177||भगवन्कथितं सर्वं पितुर्मम विचेष्टितम् ॥
केन तस्य भवेन्मुक्तिः कर्मणा द्विजसत्तम ॥
व्रतैर्दानैस्तपोभिर्वा तीर्थानां यात्रया वद
nārada uvāca
gaccha rājanpradhānāni tīrthāni manujeśvara ||
pitaraṃ teṣu cānīya tasmādrājanmarusthalāt
||188||गच्छ राजन्प्रधानानि तीर्थानि मनुजेश्वर ॥
पितरं तेषु चानीय तस्माद्राजन्मरुस्थलात्
yatra devāḥ saprabhāvāstīrthāni vimalāni ca ||
tatra gaccha mahārāja tīrthayātrāṃ kuru prabho
||189||यत्र देवाः सप्रभावास्तीर्थानि विमलानि च ॥
तत्र गच्छ महाराज तीर्थयात्रां कुरु प्रभो
evaṃ hyavitathaṃ viddhi mokṣaste bhavitā pituḥ ||
tacchrutvā vacanaṃ rājā nāradasya mahātmanaḥ ||
sacive bhāramādhāya svarājasya jagāma ha
||190||एवं ह्यवितथं विद्धि मोक्षस्ते भविता पितुः ॥
तच्छ्रुत्वा वचनं राजा नारदस्य महात्मनः ॥
सचिवे भारमाधाय स्वराजस्य जगाम ह
sa gatvā marubhūmiṃ tu mlecchamadhye dadarśa ha ||
kuṣṭharogeṇa mahatā kṣayeṇa ca samāvṛtam
||191||स गत्वा मरुभूमिं तु म्लेच्छमध्ये ददर्श ह ॥
कुष्ठरोगेण महता क्षयेण च समावृतम्
gavyūtimātraṃ tatraiva śūnyaṃ mānuṣavarjitam ||
evaṃ dṛṣṭvā sa rājā tu saṃtapto vākyamabravīt
||192||गव्यूतिमात्रं तत्रैव शून्यं मानुषवर्जितम् ॥
एवं दृष्ट्वा स राजा तु संतप्तो वाक्यमब्रवीत्
he mleccha rogipuruṣaṃ svagṛhaṃ ca nayāmyaham ||
tatrāhamenaṃ nirujaṃ karomi yadi manyatha
||193||हे म्लेच्छ रोगिपुरुषं स्वगृहं च नयाम्यहम् ॥
तत्राहमेनं निरुजं करोमि यदि मन्यथ
jñātveti sarve te mlecchāḥ puruṣaṃ taṃ dayāparam ||
ūcuḥ praṇatasarvāṃgāḥ śīghra naya jagatpate ||
asmadbhāgyavaśānnātha tvamevātra samāgataḥ
||194||ज्ञात्वेति सर्वे ते म्लेच्छाः पुरुषं तं दयापरम् ॥
ऊचुः प्रणतसर्वांगाः शीघ्र नय जगत्पते ॥
अस्मद्भाग्यवशान्नाथ त्वमेवात्र समागतः
durgaṃdhopahatā lokāstvayā nātha sukhīkṛtāḥ ||
tata ānāyya puruṣāñchibikāvāhanocitān
||195||दुर्गंधोपहता लोकास्त्वया नाथ सुखीकृताः ॥
तत आनाय्य पुरुषाञ्छिबिकावाहनोचितान्
tataḥ śrutvā tu vacanaṃ tasya rājño dayāvaham ||
prāpustīrthānyanekāni kedārādīni koṭiśaḥ
||196||ततः श्रुत्वा तु वचनं तस्य राज्ञो दयावहम् ॥
प्रापुस्तीर्थान्यनेकानि केदारादीनि कोटिशः
yatrayatra sa gaccheta vainyo venena saṃyutaḥ ||
tatra tatraiva tīrthānāmākraṃdaḥ śrūyate mahān
||197||यत्रयत्र स गच्छेत वैन्यो वेनेन संयुतः ॥
तत्र तत्रैव तीर्थानामाक्रंदः श्रूयते महान्
hā daiva ripurāyāti asmākaṃ nāśahetave ||
adhunā kva gamiṣyāma iti ciṃtā punaḥpunaḥ
||198||हा दैव रिपुरायाति अस्माकं नाशहेतवे ॥
अधुना क्व गमिष्याम इति चिंता पुनःपुनः
darśanenāpi tasyaiva hāhākāraṃ vidhāya vai ||
palāyaṃte ca tīrthāni devā naśyaṃti tatkṣaṇāt
||199||दर्शनेनापि तस्यैव हाहाकारं विधाय वै ॥
पलायंते च तीर्थानि देवा नश्यंति तत्क्षणात्
evaṃ varṣatrayaṃ rājā tīrthayātrāṃ cakāra vai ||
na tasya muktirdadṛśe tataḥ śokamagātparam
||200||एवं वर्षत्रयं राजा तीर्थयात्रां चकार वै ॥
न तस्य मुक्तिर्ददृशे ततः शोकमगात्परम्
tatastu preritā bhṛtyāḥ kurukṣetre mahāprabhe ||
yadi vāpi punastatra pāpamuktirbhavettataḥ
||201||ततस्तु प्रेरिता भृत्याः कुरुक्षेत्रे महाप्रभे ॥
यदि वापि पुनस्तत्र पापमुक्तिर्भवेत्ततः
gṛhītvā śibikāṃ skandhe kurukṣetre gatāḥ priye ||
tatra nītvā sthāṇutīrthamavatārya ca te gatāḥ
||202||गृहीत्वा शिबिकां स्कन्धे कुरुक्षेत्रे गताः प्रिये ॥
तत्र नीत्वा स्थाणुतीर्थमवतार्य च ते गताः
tataḥ sa rājā madhyāhne cikīrṣuḥ snānamādarāt ||
tasyaiva tu pitustatra tathā dānāni ṣoḍaśa
||203||ततः स राजा मध्याह्ने चिकीर्षुः स्नानमादरात् ॥
तस्यैव तु पितुस्तत्र तथा दानानि षोडश
brāhmaṇebhyastathā ditsuḥ śraddhāvānbhāvatatparaḥ ||
tato vāyuścāṃtarikṣa idaṃ vacanamabravīt
||204||ब्राह्मणेभ्यस्तथा दित्सुः श्रद्धावान्भावतत्परः ॥
ततो वायुश्चांतरिक्ष इदं वचनमब्रवीत्
mā tāta sāhasaṃ kuryāstīrthaṃ rakṣa prayatnataḥ ||
ayaṃ pāpena ghoreṇa samaṃtātpariveṣṭitaḥ
||205||मा तात साहसं कुर्यास्तीर्थं रक्ष प्रयत्नतः ॥
अयं पापेन घोरेण समंतात्परिवेष्टितः
vedanindāsamācāro brahmahatyāśatairyutaḥ ||
so'yaṃ pāpo durācārastīrthaṃ nāśaṃ nayiṣyati
||206||वेदनिन्दासमाचारो ब्रह्महत्याशतैर्युतः ॥
सोऽयं पापो दुराचारस्तीर्थं नाशं नयिष्यति
mā tīrthaṃ nāśaya vibho mahadeno bhaviṣyati ||
etadvāyorvacaḥ śrutvā duḥkhena mahatārditaḥ ||
uvāca śokasaṃtaptaḥ piturduḥkhena duḥkhitaḥ
||207||मा तीर्थं नाशय विभो महदेनो भविष्यति ॥
एतद्वायोर्वचः श्रुत्वा दुःखेन महतार्दितः ॥
उवाच शोकसंतप्तः पितुर्दुःखेन दुःखितः
hā daiveti ca cukrośa ūrddhvabāhuḥ punaḥpunaḥ ||
eṣa ghoreṇa pāpena atīva pariveṣṭitaḥ
||208||हा दैवेति च चुक्रोश ऊर्द्ध्वबाहुः पुनःपुनः ॥
एष घोरेण पापेन अतीव परिवेष्टितः
yadanenāpi tīrthena śuddhaḥ karttuṃ na śakyate ||
prāyaścittaṃ kariṣye'haṃ piturarthe na saṃśayaḥ
||209||यदनेनापि तीर्थेन शुद्धः कर्त्तुं न शक्यते ॥
प्रायश्चित्तं करिष्येऽहं पितुरर्थे न संशयः
evaṃ tasya vacaḥ śrutvā dayāṃ kṛtvā mahīyasīm ||
antarikṣabhavāṃ vācaṃ khecarāḥ punarabruvan
||210||एवं तस्य वचः श्रुत्वा दयां कृत्वा महीयसीम् ॥
अन्तरिक्षभवां वाचं खेचराः पुनरब्रुवन्
bhobho rājannṛpaśreṣṭha tyaktvā śokaṃ vacaḥ śṛṇu ||
yena te janakasyāsya bhavetpāpakṣayo mahān
||211||भोभो राजन्नृपश्रेष्ठ त्यक्त्वा शोकं वचः शृणु ॥
येन ते जनकस्यास्य भवेत्पापक्षयो महान्
asti kṣetraṃ mahāsiddhaṃ prabhāsamiti viśrutam ||
sarvapāpapraśamanaṃ mahāpātakanāśanam
||212||अस्ति क्षेत्रं महासिद्धं प्रभासमिति विश्रुतम् ॥
सर्वपापप्रशमनं महापातकनाशनम्
brahmatattvaṃ haritattvaṃ rudratattvaṃ tṛtīyakam ||
tasminneva mahākṣetre prabhāse śaṃkarapriye
||213||ब्रह्मतत्त्वं हरितत्त्वं रुद्रतत्त्वं तृतीयकम् ॥
तस्मिन्नेव महाक्षेत्रे प्रभासे शंकरप्रिये
śākteyaṃ yadi vā cāṃdraṃ sauraṃ sārasvataṃ tathā ||
āgneyaṃ vāruṇaṃ cāpi smṛtaṃ kṣetramanuttamam
||214||शाक्तेयं यदि वा चांद्रं सौरं सारस्वतं तथा ॥
आग्नेयं वारुणं चापि स्मृतं क्षेत्रमनुत्तमम्
brahmāṇḍe yāni tīrthāni purā kṣetrāṇi yāni tu ||
prabhāsamāgamiṣyanti saṃprāpte tu kalau yuge
||215||ब्रह्माण्डे यानि तीर्थानि पुरा क्षेत्राणि यानि तु ॥
प्रभासमागमिष्यन्ति संप्राप्ते तु कलौ युगे
aṣṭau koṭisahasrāṇi aṣṭau koṭiśatāni ca ||
kṣetraṃ rakṣaṃti tatrasthāḥ prabhāsaṃ śāṃkarā gaṇāḥ
||216||अष्टौ कोटिसहस्राणि अष्टौ कोटिशतानि च ॥
क्षेत्रं रक्षंति तत्रस्थाः प्रभासं शांकरा गणाः
iyaṃ sarasvatī puṇyā sarvatraiva hi vidyate ||
pañcasrotāḥ prabhāse tu duṣprāpyā tridaśairapi
||217||इयं सरस्वती पुण्या सर्वत्रैव हि विद्यते ॥
पञ्चस्रोताः प्रभासे तु दुष्प्राप्या त्रिदशैरपि
tasyā yatpañcamaṃ srotanyaṃkumatyāstaṭāni ca ||
tasya madhye sthitaṃ tīrthaṃ goṣpadeti ca viśrutam
||218||तस्या यत्पञ्चमं स्रोतन्यंकुमत्यास्तटानि च ॥
तस्य मध्ये स्थितं तीर्थं गोष्पदेति च विश्रुतम्
tatra pretaśilā madhye pretānāṃ muktidāyikā ||
yatra pretāḥ purā muktā aṣṭāviṃśatikoṭayaḥ
||219||तत्र प्रेतशिला मध्ये प्रेतानां मुक्तिदायिका ॥
यत्र प्रेताः पुरा मुक्ता अष्टाविंशतिकोटयः
pāpināṃ muktidaṃ tīrthamādyā rudragayā smṛtā ||
tadasmingoṣpadaṃnāma kalau khyātaṃ dharātale
||220||पापिनां मुक्तिदं तीर्थमाद्या रुद्रगया स्मृता ॥
तदस्मिन्गोष्पदंनाम कलौ ख्यातं धरातले
yadā kṣīrodamathanānniḥsṛtā lokamātaraḥ ||
tadā devaiḥ sametāstu āgatāstīrthasannidhau
||221||यदा क्षीरोदमथनान्निःसृता लोकमातरः ॥
तदा देवैः समेतास्तु आगतास्तीर्थसन्निधौ
padaṃ tatra nimagnaṃ ca nandāyāśca śilātale ||
śilāṃ khurāṃkitāṃ dṛṣṭvā jānudeśāṃkitāṃ tathā
||222||पदं तत्र निमग्नं च नन्दायाश्च शिलातले ॥
शिलां खुरांकितां दृष्ट्वा जानुदेशांकितां तथा
vismitāḥ sarvadevā vai papracchurgāṃ ca nandinīm ||
kimetaddṛśyate devi padaṃ pretaśilātale ||
kathaṃ tu khedaḥ sañjātaścāsmākaṃ skhalanaṃ katham
||223||विस्मिताः सर्वदेवा वै पप्रच्छुर्गां च नन्दिनीम् ॥
किमेतद्दृश्यते देवि पदं प्रेतशिलातले ॥
कथं तु खेदः सञ्जातश्चास्माकं स्खलनं कथम्
nandinyuvāca
idaṃ mama padaṃ devāḥ śilāsaṃsthaṃ virājate ||
gaganāṃgaṇabhūmisthaṃ candrabiṃbamivāparam
||224||इदं मम पदं देवाः शिलासंस्थं विराजते ॥
गगनांगणभूमिस्थं चन्द्रबिंबमिवापरम्
adyaprabhṛti bho devāstrailokye sacarācare ||
goṣpadaṃnāma vikhyātaṃ loke khyātiṃ gamiṣyati
||225||अद्यप्रभृति भो देवास्त्रैलोक्ये सचराचरे ॥
गोष्पदंनाम विख्यातं लोके ख्यातिं गमिष्यति
atrāgatya naro yastu snānaṃ śrāddhaṃ kariṣyati ||
gayāsaptaguṇaṃtasya phalaṃ devā bhaviṣyati
||226||अत्रागत्य नरो यस्तु स्नानं श्राद्धं करिष्यति ॥
गयासप्तगुणंतस्य फलं देवा भविष्यति
na vāro na ca nakṣatraṃ na kālastatra kāraṇam ||
yadaiva dṛśyate tīrthaṃ tadā parvasahasrakam
||227||न वारो न च नक्षत्रं न कालस्तत्र कारणम् ॥
यदैव दृश्यते तीर्थं तदा पर्वसहस्रकम्
athavā parvakāṃkṣā cettāni me śṛṇupārvati ||
ayane viṣuve yugme sāmānye cārkasaṃkrame
||228||अथवा पर्वकांक्षा चेत्तानि मे शृणुपार्वति ॥
अयने विषुवे युग्मे सामान्ये चार्कसंक्रमे
amāvāsyāṣṭakāyāṃ ca kṛṣṇapakṣe viśeṣataḥ ||
ārdrāmaghārohiṇīṣu dravyabrāhmaṇasaṃgame
||229||अमावास्याष्टकायां च कृष्णपक्षे विशेषतः ॥
आर्द्रामघारोहिणीषु द्रव्यब्राह्मणसंगमे
gajacchāyā vyatīpāte vaidhṛte dhṛtacāmare ||
vaiśākhasya tṛtīyāyāṃ navamyāṃ kārtikasya tu
||230||गजच्छाया व्यतीपाते वैधृते धृतचामरे ॥
वैशाखस्य तृतीयायां नवम्यां कार्तिकस्य तु
pañcadaśyāṃ ca māghasya nabhasye ca trayodaśīm ||
yugādayaḥ smṛtā hyetāstasminkāle ca vā punaḥ
||231||पञ्चदश्यां च माघस्य नभस्ये च त्रयोदशीम् ॥
युगादयः स्मृता ह्येतास्तस्मिन्काले च वा पुनः
manvantarādau kāryaṃ ca tatra śrāddhaṃ vijānatā ||
āśvayukchuklanavamī dvādaśī kārtike tathā
||232||मन्वन्तरादौ कार्यं च तत्र श्राद्धं विजानता ॥
आश्वयुक्छुक्लनवमी द्वादशी कार्तिके तथा
tṛtīyā caitramāsasya tathā bhādrapadasya ca ||
phālgunasya tvamāvāsyā pauṣasyaikādaśī tathā
||233||तृतीया चैत्रमासस्य तथा भाद्रपदस्य च ॥
फाल्गुनस्य त्वमावास्या पौषस्यैकादशी तथा
āṣāḍhasyāpi daśamī māghamāsasya saptamī ||
śrāvaṇasyāṣṭamī kṛṣṇā tathā''ṣāḍhī ca pūrṇimā
||234||आषाढस्यापि दशमी माघमासस्य सप्तमी ॥
श्रावणस्याष्टमी कृष्णा तथाऽऽषाढी च पूर्णिमा
kārtikī phālgunī caiva jyaiṣṭhī pañcadaśī tathā ||
manvantarādayaścaitā dattasyā kṣayakārikāḥ
||235||कार्तिकी फाल्गुनी चैव ज्यैष्ठी पञ्चदशी तथा ॥
मन्वन्तरादयश्चैता दत्तस्या क्षयकारिकाः
vaiśākhasya tṛtīyāyāṃ kṛṣṇāyāṃ phālgunasya ca ||
pañcamī caitramāsasya tasyaivāṃtyā tathā parā
||236||वैशाखस्य तृतीयायां कृष्णायां फाल्गुनस्य च ॥
पञ्चमी चैत्रमासस्य तस्यैवांत्या तथा परा
śuklā trayo daśī māghe kārtikasya tu saptamī ||
navamī mārgaśīrṣasya saptaitāḥ kalpakādimāḥ
||237||शुक्ला त्रयो दशी माघे कार्तिकस्य तु सप्तमी ॥
नवमी मार्गशीर्षस्य सप्तैताः कल्पकादिमाः
kalpatṛptirbhavecchrāddhe kalpādau tu kṛte purā ||
ityevamuktvā sā nandā devānāṃ pratinandinī ||
antarddhānaṃ jagāmāśu dīpo vātahato yathā
||238||कल्पतृप्तिर्भवेच्छ्राद्धे कल्पादौ तु कृते पुरा ॥
इत्येवमुक्त्वा सा नन्दा देवानां प्रतिनन्दिनी ॥
अन्तर्द्धानं जगामाशु दीपो वातहतो यथा
itīdaṃ kautukaṃ dṛṣṭvā sarve devāḥ savāsavāḥ ||
brahmarṣayo devarṣayaḥ ślokaṃ paurāṇikaṃ jaguḥ
||239||इतीदं कौतुकं दृष्ट्वा सर्वे देवाः सवासवाः ॥
ब्रह्मर्षयो देवर्षयः श्लोकं पौराणिकं जगुः
aho tīrthasya māhātmyaṃ nandāyāstapaso balam ||
sakṛcchrāddhena dattena gayāsaptaguṇaṃ phalam
||240||अहो तीर्थस्य माहात्म्यं नन्दायास्तपसो बलम् ॥
सकृच्छ्राद्धेन दत्तेन गयासप्तगुणं फलम्
evamuktvā tatodevāścakruḥ śrāddhādikāṃ kriyām ||
yathoktaṃ phalamāpuste naṃdinyā pūrvabhāṣitam
||241||एवमुक्त्वा ततोदेवाश्चक्रुः श्राद्धादिकां क्रियाम् ॥
यथोक्तं फलमापुस्ते नंदिन्या पूर्वभाषितम्
itthaṃ tvamapi rājendra gaccha śīghraṃ hi goṣpadam ||
tatra śrāddhādikaṃ kṛtvā lapsyase phalamīpsitam
||242||इत्थं त्वमपि राजेन्द्र गच्छ शीघ्रं हि गोष्पदम् ॥
तत्र श्राद्धादिकं कृत्वा लप्स्यसे फलमीप्सितम्
ayaṃ te janako rājanpāpināṃ pravaraḥ smṛtaḥ ||
nānyaistīrthaśataiḥ śakyaḥ proddhartuṃ goṣpadaṃ vinā
||243||अयं ते जनको राजन्पापिनां प्रवरः स्मृतः ॥
नान्यैस्तीर्थशतैः शक्यः प्रोद्धर्तुं गोष्पदं विना
tasmādvraja mahārāja mā kārṣīstvaṃ vilaṃbanam ||
evaṃ śrutvā tadā rājā prabhāsaṃ kṣetramāgataḥ
||244||तस्माद्व्रज महाराज मा कार्षीस्त्वं विलंबनम् ॥
एवं श्रुत्वा तदा राजा प्रभासं क्षेत्रमागतः
tatra sthānasthitānviprāṃstīrthamāhātmyakovidān ||
agrekṛtya mahārājo yayau nyaṃkumatīṃ nadīm
||245||तत्र स्थानस्थितान्विप्रांस्तीर्थमाहात्म्यकोविदान् ॥
अग्रेकृत्य महाराजो ययौ न्यंकुमतीं नदीम्
tai rājño darśitaṃ tīrthaṃ padaṃ pretaśilāsthitam ||
taddṛṣṭvā vimalaṃ tīrthaṃ vismayotphullalocanaḥ ||
cakre kuṇḍāni vedīśca maṇḍapānyajñasiddhaye
||246||तै राज्ञो दर्शितं तीर्थं पदं प्रेतशिलास्थितम् ॥
तद्दृष्ट्वा विमलं तीर्थं विस्मयोत्फुल्ललोचनः ॥
चक्रे कुण्डानि वेदीश्च मण्डपान्यज्ञसिद्धये
tato yajñaḥ samārabdho vidhivadbhūridakṣiṇaḥ ||
pratyakṣaṃ pitara stasya babhūvurjvalanaprabhāḥ
||247||ततो यज्ञः समारब्धो विधिवद्भूरिदक्षिणः ॥
प्रत्यक्षं पितर स्तस्य बभूवुर्ज्वलनप्रभाः
tataḥ śraddhāṃ samāsthāya śrāddhairyajñairmahodayam ||
te cābruvanvacastuṣṭāḥ pitaro rājasattamam
||248||ततः श्रद्धां समास्थाय श्राद्धैर्यज्ञैर्महोदयम् ॥
ते चाब्रुवन्वचस्तुष्टाः पितरो राजसत्तमम्
dhanyo'si rājanpuṇyo'si vayaṃ dhanyatarāstvayā ||
yadatra tīrthe śrāddhena uddhṛtā bhavatā vayam
||249||धन्योऽसि राजन्पुण्योऽसि वयं धन्यतरास्त्वया ॥
यदत्र तीर्थे श्राद्धेन उद्धृता भवता वयम्
evamuktvā tataḥ sarve venena pitaraḥ saha ||
vimānavarasaṃsthāśca jagmuste tridivālayam
||250||एवमुक्त्वा ततः सर्वे वेनेन पितरः सह ॥
विमानवरसंस्थाश्च जग्मुस्ते त्रिदिवालयम्
gacchannuvāca venastaṃ rājānaṃ pṛthuvakṣasam ||
rājañjanmāni catvāri abhūvaṃ cānyajanmani
||251||गच्छन्नुवाच वेनस्तं राजानं पृथुवक्षसम् ॥
राजञ्जन्मानि चत्वारि अभूवं चान्यजन्मनि
kuṣṭhī pāpo durācāraścāṃḍālocchiṣṭabhuktathā ||
so'haṃ pāpavinirmukto gacchāmi tridivālayam
||252||कुष्ठी पापो दुराचारश्चांडालोच्छिष्टभुक्तथा ॥
सोऽहं पापविनिर्मुक्तो गच्छामि त्रिदिवालयम्
tadgaccha tvaṃ mahābhāga rājyaṃ bhuṃkṣva cirāya ca ||
kṛtaṃ te sakalaṃ kāryaṃ putreṇa kriyate ca yat
||253||तद्गच्छ त्वं महाभाग राज्यं भुंक्ष्व चिराय च ॥
कृतं ते सकलं कार्यं पुत्रेण क्रियते च यत्
evaṃ śrutvā tadā rājā mumude jñātisaṃyutaḥ ||
brāhmaṇānharṣayāmāsa dānairbhūkāṃcanādibhiḥ
||254||एवं श्रुत्वा तदा राजा मुमुदे ज्ञातिसंयुतः ॥
ब्राह्मणान्हर्षयामास दानैर्भूकांचनादिभिः
na tadasti jagatyasmiṃstatra yanna dadau nṛpaḥ ||
dṛṣṭvā prabhāvaṃ tīrthasya pratyakṣaṃ pitṛdarśanam
||255||न तदस्ति जगत्यस्मिंस्तत्र यन्न ददौ नृपः ॥
दृष्ट्वा प्रभावं तीर्थस्य प्रत्यक्षं पितृदर्शनम्
evaṃ rājā sa kṛtvā tu svakīyaṃ sthāna māyayau ||
bhuktvā bhūmiṃ tu sakalāṃ pretya svargaṃ samāptavān
||256||एवं राजा स कृत्वा तु स्वकीयं स्थान माययौ ॥
भुक्त्वा भूमिं तु सकलां प्रेत्य स्वर्गं समाप्तवान्
evaṃ prabhāvaṃ tatkṣetraṃ prabhāsaṃ pāpanāśanam ||
yasminnāyāṃti tīrthāni devāstiṣṭhaṃti koṭiśaḥ
||257||एवं प्रभावं तत्क्षेत्रं प्रभासं पापनाशनम् ॥
यस्मिन्नायांति तीर्थानि देवास्तिष्ठंति कोटिशः
prabhāsaṃ kṣetramāsādya yonyattīrthaṃ hi mārgate ||
sa karasthaṃ samutsṛjya kūrpareṇa samālihet
||258||प्रभासं क्षेत्रमासाद्य योन्यत्तीर्थं हि मार्गते ॥
स करस्थं समुत्सृज्य कूर्परेण समालिहेत्
abruvanpitaraścaināṃ gāthāṃ paurāṇikīṃ priye ||
gayāṃ gaṃtuṃ na śaknoti yadi putraḥ kathaṃcana ||
tadā yatnena gaṃtavyaṃ goṣpadaṃ tīrthamuttamam
||259||अब्रुवन्पितरश्चैनां गाथां पौराणिकीं प्रिये ॥
गयां गंतुं न शक्नोति यदि पुत्रः कथंचन ॥
तदा यत्नेन गंतव्यं गोष्पदं तीर्थमुत्तमम्
kandairmūlaiḥ phalairvāpi piṇyākeṃgudakena vā ||
api naḥ sa kule bhūyādyo'tra śrāddhaṃ pradāsyati
||260||कन्दैर्मूलैः फलैर्वापि पिण्याकेंगुदकेन वा ॥
अपि नः स कुले भूयाद्योऽत्र श्राद्धं प्रदास्यति
tatra snātvā prayatnena brāhmaṇānvedavittamān ||
āmaṃtrya vidhivacchrāddhe bhojayitvā prayatnataḥ ||
piṃḍadānaṃ tu karttavyaṃ pitṛṇāṃ tṛptimicchatām
||261||तत्र स्नात्वा प्रयत्नेन ब्राह्मणान्वेदवित्तमान् ॥
आमंत्र्य विधिवच्छ्राद्धे भोजयित्वा प्रयत्नतः ॥
पिंडदानं तु कर्त्तव्यं पितृणां तृप्तिमिच्छताम्
na tithirna ca nakṣatraṃ parva māsādikaṃ na hi ||
sarvadā tatra gaṃtavyaṃ śraddhā yuktena cetasā
||262||न तिथिर्न च नक्षत्रं पर्व मासादिकं न हि ॥
सर्वदा तत्र गंतव्यं श्रद्धा युक्तेन चेतसा
na kālaniyamastatra pramāṇaṃ darśanaṃ yataḥ ||
tatrākṣayatṛtīyāyāṃ durllabhaṃ gamanaṃ priye
||263||न कालनियमस्तत्र प्रमाणं दर्शनं यतः ॥
तत्राक्षयतृतीयायां दुर्ल्लभं गमनं प्रिये
kārttikyāṃ māghasaptamyāṃ padmake vā'tha parvaṇi
||264||कार्त्तिक्यां माघसप्तम्यां पद्मके वाऽथ पर्वणि
hiraṇyadānaṃ godānaṃ vastraṃ rūpyaṃ ghṛtaṃ tilāḥ ||
dātavyāstatra yuktena pitṝṇāṃ tṛptimicchatā
||265||हिरण्यदानं गोदानं वस्त्रं रूप्यं घृतं तिलाः ॥
दातव्यास्तत्र युक्तेन पितॄणां तृप्तिमिच्छता
evaṃ te kathitaṃ devi tīrthaguhyaṃ mahodayam ||
na kathyaṃ duṣṭabuddhīnāṃ pāpināṃ krūracetasām
||266||एवं ते कथितं देवि तीर्थगुह्यं महोदयम् ॥
न कथ्यं दुष्टबुद्धीनां पापिनां क्रूरचेतसाम्
śraddhāyuktāya dātavyaṃ pitṛbhaktiratāya ca ||
śrāddhakāle viśeṣeṇa paṭhe dbhaktyā purāṇavit
||267||श्रद्धायुक्ताय दातव्यं पितृभक्तिरताय च ॥
श्राद्धकाले विशेषेण पठे द्भक्त्या पुराणवित्
pitṝṇāṃ jāyate tṛptistena dvādaśavārṣikī ||
śrotavyaṃ prayatairnityaṃ narairnarakabhīrubhiḥ ||
paṭhitavyaṃ sadā bhaktyā viprāṇāṃ bhuṃjatā puraḥ
||268||पितॄणां जायते तृप्तिस्तेन द्वादशवार्षिकी ॥
श्रोतव्यं प्रयतैर्नित्यं नरैर्नरकभीरुभिः ॥
पठितव्यं सदा भक्त्या विप्राणां भुंजता पुरः
pānīyamapyatra tilairvimiśraṃ dadyātpitṛbhyaḥ prayato manuṣyaḥ ||
śrāddhaṃ kṛtaṃ tena samāsahasraṃ rahasyametatpitaro vadaṃti
||269||पानीयमप्यत्र तिलैर्विमिश्रं दद्यात्पितृभ्यः प्रयतो मनुष्यः ॥
श्राद्धं कृतं तेन समासहस्रं रहस्यमेतत्पितरो वदंति
idaṃ rahasya yaśaso nidhānamidaṃ pitṝṇāmativallabhaṃ ca ||
idaṃ ca vedeṣvamṛtāya nityamidaṃ mahāpāpaharaṃ ca puṃsām
||270||इदं रहस्य यशसो निधानमिदं पितॄणामतिवल्लभं च ॥
इदं च वेदेष्वमृताय नित्यमिदं महापापहरं च पुंसाम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye nyaṃkumatīnadīmāhātmye goṣpadatīrthamāhātmyavarṇanaṃnāma ṣaṭtriṃśaduttaratriśatatamo'dhyāyaḥ || 336 ||