prabhāsakṣetramāhātmye'ṣṭakuleśvaramāhātmyavarṇanam
īśvara uvāca
tato gacchenmahādevi tasmāddakṣiṇataḥ sthitam ||
lakṣmaṇeśācca pūrvasmim̐lliṃgamaṣṭakuleśvaram
||1||ततो गच्छेन्महादेवि तस्माद्दक्षिणतः स्थितम् ॥
लक्ष्मणेशाच्च पूर्वस्मिँल्लिंगमष्टकुलेश्वरम्
sarvapāpapraśamanaṃ mahāviṣapraṇāśanam ||
pūjitaṃ siddhagandharvairvāñchitārthapradāyakam
||2||सर्वपापप्रशमनं महाविषप्रणाशनम् ॥
पूजितं सिद्धगन्धर्वैर्वाञ्छितार्थप्रदायकम्
yastaṃ pūjayate martyaḥ kṛṣṇāṣṭamyāṃ vidhānataḥ ||
sa muktaḥ pātakairghorairnāgaloke mahīyate
||3||यस्तं पूजयते मर्त्यः कृष्णाष्टम्यां विधानतः ॥
स मुक्तः पातकैर्घोरैर्नागलोके महीयते
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye'ṣṭakuleśvaramāhātmyavarṇanaṃnāma dviṣaṣṭyuttara śatatamo'dhyāyaḥ || 162 ||