tato gacchenmahādevi liṃgaṃ vaivasvateśvaram
īśvara uvāca
tato gacchenmahādevi liṃgaṃ vaivasvateśvaram ||
devyā dakṣiṇadigbhāge dhanustriṃśakasaṃsthitam
||1||ततो गच्छेन्महादेवि लिंगं वैवस्वतेश्वरम् ॥
देव्या दक्षिणदिग्भागे धनुस्त्रिंशकसंस्थितम्
vaivasvatena manunā sthāpitaṃ sarvakāmadam ||
tatsamīpe devakhātaṃ tiṣṭhate tu mahādbhutam
||2||वैवस्वतेन मनुना स्थापितं सर्वकामदम् ॥
तत्समीपे देवखातं तिष्ठते तु महाद्भुतम्
snātvā tatra varārohe yastaṃ pūjayate naraḥ ||
pañcopacārairvidhinā bhaktiprahvo jitendriyaḥ ||
japedaghoravidhinā stotraṃ siddhiṃ sa cāpnuyāt
||3||स्नात्वा तत्र वरारोहे यस्तं पूजयते नरः ॥
पञ्चोपचारैर्विधिना भक्तिप्रह्वो जितेन्द्रियः ॥
जपेदघोरविधिना स्तोत्रं सिद्धिं स चाप्नुयात्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye vaivasvateśvaramāhātmya varṇanaṃnāmaikonasaptatyuttaraśatatamo'dhyāyaḥ || 169 ||