tasyaiva dakṣiṇe devi tasmādgavyūtimātrataḥ
īśvara uvāca
tasyaiva dakṣiṇe devi tasmādgavyūtimātrataḥ ||
pātālagāminī gaṃgā saṃsthitā pāpanāśinī
||1||तस्यैव दक्षिणे देवि तस्माद्गव्यूतिमात्रतः ॥
पातालगामिनी गंगा संस्थिता पापनाशिनी
viśvāmitreṇa cāhūtā snānārthaṃ varavarṇini ||
tatra snātvā mahādevi mucyate sarvapātakaiḥ
||2||विश्वामित्रेण चाहूता स्नानार्थं वरवर्णिनि ॥
तत्र स्नात्वा महादेवि मुच्यते सर्वपातकैः
tatra gaṃgeśvaraṃ dṛṣṭvā viśvāmitreśvaraṃ tathā ||
bāleśvaraṃ ca saṃprekṣya sarvānkāmānavāpnuyāt
||3||तत्र गंगेश्वरं दृष्ट्वा विश्वामित्रेश्वरं तथा ॥
बालेश्वरं च संप्रेक्ष्य सर्वान्कामानवाप्नुयात्
iti śrīskānde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsakṣetramāhātmye bālārkamāhātmye pātāla gaṃgeśvaraviśvāmitreśvarabāleśvarābhidhaliṃgatrayamāhātmyavarṇanaṃnāmaikonanavatyuttaradviśatatamo'dhyāyaḥ || 289 ||