tato gacchenmahādevi bhairaveśvaramuttamam
īśvara uvāca
tato gacchenmahādevi bhairaveśvaramuttamam ||
brahmakuṇḍasya īśāne sthitaṃ pāpapraṇāśanam ||
caturvaktraṃ mahādevaṃ saṃsthitaṃ tīrtharakṣaṇe
||1||ततो गच्छेन्महादेवि भैरवेश्वरमुत्तमम् ॥
ब्रह्मकुण्डस्य ईशाने स्थितं पापप्रणाशनम् ॥
चतुर्वक्त्रं महादेवं संस्थितं तीर्थरक्षणे
tatra snātvā mahākuṇḍe yastaṃ pūjayate naraḥ ||
paṃcopacāravidhinā bhaktiyukto yatendriyaḥ
||2||तत्र स्नात्वा महाकुण्डे यस्तं पूजयते नरः ॥
पंचोपचारविधिना भक्तियुक्तो यतेन्द्रियः
kulāni yānyatītāni bhaviṣyāṇi ca yāni vai ||
tārayetsa naro devi nātra kāryā vicāraṇā
||3||कुलानि यान्यतीतानि भविष्याणि च यानि वै ॥
तारयेत्स नरो देवि नात्र कार्या विचारणा
na cātra saṃbhavastasya vināśo naiva jāyate ||
vimānaiścarate nityaṃ divākarasamaprabhaiḥ
||4||न चात्र संभवस्तस्य विनाशो नैव जायते ॥
विमानैश्चरते नित्यं दिवाकरसमप्रभैः
strīsahasrairvṛto nityaṃ krīḍate devava ddivi
||5||स्त्रीसहस्रैर्वृतो नित्यं क्रीडते देवव द्दिवि
etalliṃgaṃ mahādevi caturvaktraṃ mahāprabham ||
dṛṣṭvāpi tadvimucyeta sarvapāpaistu mānavaḥ
||6||एतल्लिंगं महादेवि चतुर्वक्त्रं महाप्रभम् ॥
दृष्ट्वापि तद्विमुच्येत सर्वपापैस्तु मानवः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye bhairaveśvaramāhātmyavarṇanaṃnāmaikonapaṃcāśaduttaraśatatamo'dhyāyaḥ || 149 ||