varārohāmāhātmyavarṇanam
īśvara uvāca
paṃcaivaṃ siddhaliṃgāni kathitāni tava priye ||
yaścainaṃ veda saṃketaṃ kṣetravāsī sa ucyate
||1||पंचैवं सिद्धलिंगानि कथितानि तव प्रिये ॥
यश्चैनं वेद संकेतं क्षेत्रवासी स उच्यते
atha śaktitrayāṇāṃ te raudrīṇāṃ vacmi vistaram ||
icchā kriyājñānaśaktyastisrastāḥ parikīrttitāḥ
||2||अथ शक्तित्रयाणां ते रौद्रीणां वच्मि विस्तरम् ॥
इच्छा क्रियाज्ञानशक्त्यस्तिस्रस्ताः परिकीर्त्तिताः
punastāsāṃ pūjanāyānukramaṃ kramataḥ śṛṇu ||
caturdaśa tathā paṃca pūrvamuktāni yāni tu
||3||पुनस्तासां पूजनायानुक्रमं क्रमतः शृणु ॥
चतुर्दश तथा पंच पूर्वमुक्तानि यानि तु
catvāri trīṇi caikaṃ vā yathāśaktyābhipūjya ca ||
liṃgāni tāni saṃpūjya śaktīstisrastato'rcayet
||4||चत्वारि त्रीणि चैकं वा यथाशक्त्याभिपूज्य च ॥
लिंगानि तानि संपूज्य शक्तीस्तिस्रस्ततोऽर्चयेत्
someśādīśadigbhāge varāroheti yā smṛtā ||
amā kalā sā somasya umā paścātprakīrttitā
||5||सोमेशादीशदिग्भागे वरारोहेति या स्मृता ॥
अमा कला सा सोमस्य उमा पश्चात्प्रकीर्त्तिता
icchāśaktistu sā jñeyāprabhāsakṣetrasaṃsthitā ||
tatra devi hitārthāya sarveṣāṃ prāṇināṃ bhuvi
||6||इच्छाशक्तिस्तु सा ज्ञेयाप्रभासक्षेत्रसंस्थिता ॥
तत्र देवि हितार्थाय सर्वेषां प्राणिनां भुवि
tasyā māhātmyamakhilaṃ kathayāmi tavādhunā ||
purā somena tyaktābhirbhāryābhistu varānane
||7||तस्या माहात्म्यमखिलं कथयामि तवाधुना ॥
पुरा सोमेन त्यक्ताभिर्भार्याभिस्तु वरानने
ṣaḍviṃśadbhistapastaptaṃ kṣetre prābhāsike śubhe ||
gaurī sā''rādhyamānātha divyavarṣagaṇānbahūn
||8||षड्विंशद्भिस्तपस्तप्तं क्षेत्रे प्राभासिके शुभे ॥
गौरी साऽऽराध्यमानाथ दिव्यवर्षगणान्बहून्
tāsāṃ pratyakṣatāṃ prāptā pārvatī parameśvarī ||
uvāca varadā brūta yadvo manasi saṃsthitam
||9||तासां प्रत्यक्षतां प्राप्ता पार्वती परमेश्वरी ॥
उवाच वरदा ब्रूत यद्वो मनसि संस्थितम्
atha tāścābruvandevi yadi tuṣṭāsi pārvati ||
saubhāgyaṃ dehi no bhūri lāvaṇyaṃ paramaṃ tathā
||10||अथ ताश्चाब्रुवन्देवि यदि तुष्टासि पार्वति ॥
सौभाग्यं देहि नो भूरि लावण्यं परमं तथा
tyaktāḥ sarvā vayaṃ devi nirdoṣāḥ svāminā śubhe ||
daurbhāgyadoṣasaṃdagdhā daurbhāgyeṇa tu pīḍitāḥ
||11||त्यक्ताः सर्वा वयं देवि निर्दोषाः स्वामिना शुभे ॥
दौर्भाग्यदोषसंदग्धा दौर्भाग्येण तु पीडिताः
gauryuvāca
adyaprabhṛti sarvā vaḥ samaṃ drakṣyati rātripaḥ ||
prasādānmama cārvaṃgyo naitanmithyā bhaviṣyati
||12||अद्यप्रभृति सर्वा वः समं द्रक्ष्यति रात्रिपः ॥
प्रसादान्मम चार्वंग्यो नैतन्मिथ्या भविष्यति
varadā ceti mannāma varadānādbhaviṣyati ||
ihāgatya tu yā nārī pūjayiṣyati māṃ śubhām
||13||वरदा चेति मन्नाम वरदानाद्भविष्यति ॥
इहागत्य तु या नारी पूजयिष्यति मां शुभाम्
na daurbhāgyaṃ kule tasyāḥ kvacitprāpsyaṃti yoṣitaḥ ||
māghamāse tṛtīyāyāmupavāsaparāyaṇā
||14||न दौर्भाग्यं कुले तस्याः क्वचित्प्राप्स्यंति योषितः ॥
माघमासे तृतीयायामुपवासपरायणा
yā māṃ drakṣyati suśroṇī mattulyā sā bhavi ṣyati ||
dampatī ṣoḍaśaivātra paridhāpya prayatnataḥ
||15||या मां द्रक्ष्यति सुश्रोणी मत्तुल्या सा भवि ष्यति ॥
दम्पती षोडशैवात्र परिधाप्य प्रयत्नतः
phalāni bhakṣyabhojyaṃ ca pakvānnāni ca ṣoḍaśa ||
yā pradāsyati vai nārī sā tūmaiva bhaviṣyati
||16||फलानि भक्ष्यभोज्यं च पक्वान्नानि च षोडश ॥
या प्रदास्यति वै नारी सा तूमैव भविष्यति
etadgaurīvrataṃnāma tṛtīyāyāṃ tu kārayet ||
aprasūtā ca yā nārī yā nārī durbhagā bhavet
||17||एतद्गौरीव्रतंनाम तृतीयायां तु कारयेत् ॥
अप्रसूता च या नारी या नारी दुर्भगा भवेत्
pumānasakṛdapyaivaṃ kṛtvā prāpsyatyabhīpsitam ||
evamuktvā sthitā tatra sā devī cārulocanā
||18||पुमानसकृदप्यैवं कृत्वा प्राप्स्यत्यभीप्सितम् ॥
एवमुक्त्वा स्थिता तत्र सा देवी चारुलोचना
paśyate rātrināthaśca sarvāstā rohiṇīṃ yathā ||
anyāpi duḥkhasaṃdagdhā daurbhāgyeṇa tu pīḍitā
||19||पश्यते रात्रिनाथश्च सर्वास्ता रोहिणीं यथा ॥
अन्यापि दुःखसंदग्धा दौर्भाग्येण तु पीडिता
apūjayadumāṃ devīṃ subhagā sā'bhavattataḥ ||
iti saṃkṣepataḥ proktaṃ māhātmyaṃ śaktisaṃbhavam
||20||अपूजयदुमां देवीं सुभगा साऽभवत्ततः ॥
इति संक्षेपतः प्रोक्तं माहात्म्यं शक्तिसंभवम्
someśvare varārohā nāmeti kathitaṃ tava ||
sarvapāpakṣayakaraṃ sarvadāridryanāśanam
||21||सोमेश्वरे वरारोहा नामेति कथितं तव ॥
सर्वपापक्षयकरं सर्वदारिद्र्यनाशनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye varārohāmāhātmyavarṇanaṃnāma saptapaṃcāśo'dhyāyaḥ || 57 ||