tatraiva saṃsthitaṃ paśyedbalabhadrakalevaram
īśvara uvāca
tatraiva saṃsthitaṃ paśyedbalabhadrakalevaram ||
śeṣarūpeṇa yatrāsau prātyajatsvakalevaram
||1||तत्रैव संस्थितं पश्येद्बलभद्रकलेवरम् ॥
शेषरूपेण यत्रासौ प्रात्यजत्स्वकलेवरम्
gatastraisaṃgame tīrthe tatra pātālavartmanā ||
asminmitravane devi gavyūtidvayavistṛte
||2||गतस्त्रैसंगमे तीर्थे तत्र पातालवर्त्मना ॥
अस्मिन्मित्रवने देवि गव्यूतिद्वयविस्तृते
kalevaraṃ sthitaṃ devi liṃgākāraṃ mahāprabham ||
revatyā sahitaṃ tatra śeṣanāmeti viśrutam
||3||कलेवरं स्थितं देवि लिंगाकारं महाप्रभम् ॥
रेवत्या सहितं तत्र शेषनामेति विश्रुतम्
yatra siddhaḥ purā devi jarānāmā tu kaulikaḥ ||
viṣṇuhaṃtā bhallatīrthe so'sminsthāne layaṃ gataḥ
||4||यत्र सिद्धः पुरा देवि जरानामा तु कौलिकः ॥
विष्णुहंता भल्लतीर्थे सोऽस्मिन्स्थाने लयं गतः
tatprabhṛtyeva sakale śeṣa ityabhiviśrutaḥ ||
caitre śuklatrayodaśyāṃ yastaṃ pūjayate naraḥ ||
sa putrapautrapaśumānvarṣaṃ kṣemeṇa gacchati
||5||तत्प्रभृत्येव सकले शेष इत्यभिविश्रुतः ॥
चैत्रे शुक्लत्रयोदश्यां यस्तं पूजयते नरः ॥
स पुत्रपौत्रपशुमान्वर्षं क्षेमेण गच्छति
masūrikādirogebhyaḥ śiśūnāṃ na bhayaṃ bhavet ||
visphoṭakādirogebhyo na bhayaṃ jāyate kvacit
||6||मसूरिकादिरोगेभ्यः शिशूनां न भयं भवेत् ॥
विस्फोटकादिरोगेभ्यो न भयं जायते क्वचित्
asminkṣetre mahāsiddhe siddhayajñastu yaḥ smṛtaḥ ||
varṇānāṃ sāṃtarālānāṃ sarveṣāṃ cātivallabhaḥ
||7||अस्मिन्क्षेत्रे महासिद्धे सिद्धयज्ञस्तु यः स्मृतः ॥
वर्णानां सांतरालानां सर्वेषां चातिवल्लभः
paśupuṣpopahāraiśca balidānaiḥ pṛthagvidhaiḥ ||
saṃtuṣṭiṃ śīghramāyāti śeṣo'śeṣāghanāśanaḥ
||8||पशुपुष्पोपहारैश्च बलिदानैः पृथग्विधैः ॥
संतुष्टिं शीघ्रमायाति शेषोऽशेषाघनाशनः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye śeṣamāhātmyavarṇanaṃnāmaikacatvāriṃśa duttaradviśatatamo'dhyāyaḥ || 241 ||