tato gacchenmahādevi śaṃkarādityamuttamam
īśvara uvāca
tato gacchenmahādevi śaṃkarādityamuttamam ||
gaṃgeśvarasya pūrveṇa śaṃkareṇa pratiṣṭhitam
||1||ततो गच्छेन्महादेवि शंकरादित्यमुत्तमम् ॥
गंगेश्वरस्य पूर्वेण शंकरेण प्रतिष्ठितम्
ṣaṣṭhyāṃ caiva tu śuklāyāmenaṃ yaḥ pūjayiṣyati ||
gamiṣyati paraṃ sthānaṃ yatra devo divākaraḥ
||2||षष्ठ्यां चैव तु शुक्लायामेनं यः पूजयिष्यति ॥
गमिष्यति परं स्थानं यत्र देवो दिवाकरः
raktacaṃdanamiśraiśca raktapuṣpaiḥ samāhitaḥ ||
tāmrapātre samādhāya yo'rghyaṃ dāsyati mānavaḥ ||
sa yāsyati parāṃ siddhiṃ na ca yāti daridratām
||3||रक्तचंदनमिश्रैश्च रक्तपुष्पैः समाहितः ॥
ताम्रपात्रे समाधाय योऽर्घ्यं दास्यति मानवः ॥
स यास्यति परां सिद्धिं न च याति दरिद्रताम्
tasmātsarvaprayatnena tasminkṣetre varānane ||
pūjayecchaṃkarādityaṃ sarvakāmaphalapradam
||4||तस्मात्सर्वप्रयत्नेन तस्मिन्क्षेत्रे वरानने ॥
पूजयेच्छंकरादित्यं सर्वकामफलप्रदम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye śaṃkarādityamāhātmyavarṇanaṃnāmaikapañcāśaduttaradviśatatamo'dhyāyaḥ || 251 ||