gāyatrīśvaramāhātmyavarṇanam
īśvara uvāca
tato gacchenmahādevi liṃgaṃ pāpavimocanam ||
hiraṇyeśvaravāyavye dhanuṣāṃ tritaye sthitam
||1||ततो गच्छेन्महादेवि लिंगं पापविमोचनम् ॥
हिरण्येश्वरवायव्ये धनुषां त्रितये स्थितम्
pāpaghnaṃ sarvajaṃtūnāṃ darśanātsparśanādapi ||
ādyaṃ liṃgaṃ mahādevi gāyatryā saṃpratiṣṭhitam
||2||पापघ्नं सर्वजंतूनां दर्शनात्स्पर्शनादपि ॥
आद्यं लिंगं महादेवि गायत्र्या संप्रतिष्ठितम्
talliṃgaṃ samanuprāpya gāyatrīṃ japate tu yaḥ ||
brāhmaṇastu śucirbhūtvā mucyate duṣpratigrahāt
||3||तल्लिंगं समनुप्राप्य गायत्रीं जपते तु यः ॥
ब्राह्मणस्तु शुचिर्भूत्वा मुच्यते दुष्प्रतिग्रहात्
jyeṣṭhasya pūrṇimāyāṃ tu daṃpatī yastu bhojayet ||
paridhāpya yathāśaktyā daurbhāgyairmucyate naraḥ
||4||ज्येष्ठस्य पूर्णिमायां तु दंपती यस्तु भोजयेत् ॥
परिधाप्य यथाशक्त्या दौर्भाग्यैर्मुच्यते नरः
gaṃdhapuṣpopahāraiśca paurṇamāsyāṃ tu yo'rcayet ||
brāhmaṇyaṃ jāyate tasya sapta janmāni suṃdari
||5||गंधपुष्पोपहारैश्च पौर्णमास्यां तु योऽर्चयेत् ॥
ब्राह्मण्यं जायते तस्य सप्त जन्मानि सुंदरि
ityevaṃ kathitaṃ devi māhātmyaṃ pāpanāśanam ||
brahmakuṇḍaprasādena sārātsārataraṃ priye
||6||इत्येवं कथितं देवि माहात्म्यं पापनाशनम् ॥
ब्रह्मकुण्डप्रसादेन सारात्सारतरं प्रिये
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye brahmakuṇḍamāhātmye gāyatrīśvaramāhātmyavarṇanaṃnāma catuḥpañcāśaduttaraśatatamo'dhyāyaḥ || 154 ||