someśvaramāhātmyavarṇanam
īśvara uvāca
ādityeśaṃ samabhyarcya punaḥ someśvaraṃ vrajet ||
taṃ saṃpūjya vidhānena paṃcāṃgena viśeṣataḥ
||1||आदित्येशं समभ्यर्च्य पुनः सोमेश्वरं व्रजेत् ॥
तं संपूज्य विधानेन पंचांगेन विशेषतः
dṛṣṭvā someśvaraṃ caiva sāṣṭāṃgaṃ praṇipatya ca ||
pradakṣiṇādikaṃ kuryātsaṃpaśyecca punaḥpunaḥ
||2||दृष्ट्वा सोमेश्वरं चैव साष्टांगं प्रणिपत्य च ॥
प्रदक्षिणादिकं कुर्यात्संपश्येच्च पुनःपुनः
sūryācandramasorliṃgaṃ triḥkṛtvā prayataḥ śuciḥ ||
agnīṣomātmakaṃ karma tena sarvaṃ kṛtaṃ bhavet
||3||सूर्याचन्द्रमसोर्लिंगं त्रिःकृत्वा प्रयतः शुचिः ॥
अग्नीषोमात्मकं कर्म तेन सर्वं कृतं भवेत्
umādevīṃ tato gacchetsomeśvarasamīpataḥ ||
dvitīyāṃ tu tato gaccheddaityasūdanasannidhau
||4||उमादेवीं ततो गच्छेत्सोमेश्वरसमीपतः ॥
द्वितीयां तु ततो गच्छेद्दैत्यसूदनसन्निधौ
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame pramāsakṣetramāhātmye someśvaramāhātmyavarṇanaṃnāma catuścatvāriṃśo'dhyāyaḥ || 44 ||