kumāreśvaramāhātmyavarṇanam
īśvara uvāca
tato gacchenmahādevi kumāreśvaramuttamam ||
liṃgaṃ mahāprabhāvaṃ hi mahāpātakanāśanam
||1||ततो गच्छेन्महादेवि कुमारेश्वरमुत्तमम् ॥
लिंगं महाप्रभावं हि महापातकनाशनम्
dhanuṣāṃ triṃśatā devi varuṇānnaiṛte sthitam ||
gaurītapovanāddevi dakṣiṇa sthānasaṃsthitam
||2||धनुषां त्रिंशता देवि वरुणान्नैऋते स्थितम् ॥
गौरीतपोवनाद्देवि दक्षिण स्थानसंस्थितम्
ṣaṇmukhena mahādevi tatra kṛtvā mahattapaḥ ||
pratiṣṭhitaṃ mahāliṃgaṃ kumāreśastato'bhavat
||3||षण्मुखेन महादेवि तत्र कृत्वा महत्तपः ॥
प्रतिष्ठितं महालिंगं कुमारेशस्ततोऽभवत्
yastaṃ pūjayate bhaktyā māsamekaṃ nirantaram ||
ṣaṇmāsasyārcanenaiva yatpuṇyamupajāyate
||4||यस्तं पूजयते भक्त्या मासमेकं निरन्तरम् ॥
षण्मासस्यार्चनेनैव यत्पुण्यमुपजायते
tatpuṇyaṃ sakalaṃ tasya kumāreśārcanātsakṛt ||
labhate divasaikena vidhinā yadi pūjayet
||5||तत्पुण्यं सकलं तस्य कुमारेशार्चनात्सकृत् ॥
लभते दिवसैकेन विधिना यदि पूजयेत्
kāmaṃ krodhaṃ tathā lobhaṃ rāgaṃ tyaktvā tu matsaram ||
brahmacārī yatirbhūtvā sakṛdapyenamarcayet
||6||कामं क्रोधं तथा लोभं रागं त्यक्त्वा तु मत्सरम् ॥
ब्रह्मचारी यतिर्भूत्वा सकृदप्येनमर्चयेत्
evaṃ saṃpūjite devi samyagyātrā phalaṃ labhet
||7||एवं संपूजिते देवि सम्यग्यात्रा फलं लभेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kumāreśvaramāhātmyavarṇanaṃ nāma trisaptatitamo'dhyāyaḥ || 73 ||