citrāṃgadeśvaramāhātmyavarṇanam
īśvara uvāca
tato gacchenmahādevi liṃgaṃ citrāṃgadeśvaram ||
tasyaiva nairṛte bhāge dhanurviṃśatibhiḥ sthitam
||1||ततो गच्छेन्महादेवि लिंगं चित्रांगदेश्वरम् ॥
तस्यैव नैर्ऋते भागे धनुर्विंशतिभिः स्थितम्
citrāṃgadena deveśi gaṃdharvapatinā priye ||
kṣetraṃ pavitraṃ jñātvā vai liṃgaṃ tatra pratiṣṭhitam ||
kṛtvā tapo mahāghoraṃ samārādhya maheśvaram
||2||चित्रांगदेन देवेशि गंधर्वपतिना प्रिये ॥
क्षेत्रं पवित्रं ज्ञात्वा वै लिंगं तत्र प्रतिष्ठितम् ॥
कृत्वा तपो महाघोरं समाराध्य महेश्वरम्
atha yo bhāvasaṃyuktastalligaṃ saṃprapūjayet ||
gāṃdharvalokamāpnoti gandharvaiḥ saha modate
||3||अथ यो भावसंयुक्तस्तल्लिगं संप्रपूजयेत् ॥
गांधर्वलोकमाप्नोति गन्धर्वैः सह मोदते
tatra śuklatrayodaśyāṃ saṃsnāpya vidhinā śivam ||
pūjayedvividhaiḥ puṣpairgaṃdhadhūpairanu kramāt ||
sa prāpnotyakhilaṃ kāmaṃ manasā yadyadīpsitam
||4||तत्र शुक्लत्रयोदश्यां संस्नाप्य विधिना शिवम् ॥
पूजयेद्विविधैः पुष्पैर्गंधधूपैरनु क्रमात् ॥
स प्राप्नोत्यखिलं कामं मनसा यद्यदीप्सितम्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye citrāṃgadeśvaramāhātmyavarṇanaṃnāma dvāviṃśatyuttaraśatatamo'dhyāyaḥ || 122 ||