koṭīśvaratīrthamāhātmyavarṇanam
śrīmārkaṇḍeya uvāca
tato gacchettu rājendra tīrthaṃ koṭīśvaraṃ param |
ṛṣikoṭiḥ samāyātā yatra vai kurunandana
||1||ततो गच्छेत्तु राजेन्द्र तीर्थं कोटीश्वरं परम् ।
ऋषिकोटिः समायाता यत्र वै कुरुनन्दन
kṛṣṇadvaipāyanasyaiva kṣemārthaṃ munipuṃgavāḥ |
mantrayitvā dvijaiḥ sarvairvedamaṅgalapāṭhakaiḥ
||2||कृष्णद्वैपायनस्यैव क्षेमार्थं मुनिपुंगवाः ।
मन्त्रयित्वा द्विजैः सर्वैर्वेदमङ्गलपाठकैः
sthāpitaḥ śaṅkarastatra kāraṇaṃ bandhanāśanam |
saṃsāracchedakaraṇaṃ prāṇināmārtināśanam
||3||स्थापितः शङ्करस्तत्र कारणं बन्धनाशनम् ।
संसारच्छेदकरणं प्राणिनामार्तिनाशनम्
koṭīśvaramiti proktaṃ pṛthivyāṃ nṛpanandana |
snāpayettaṃ tu yo bhaktyā pūrṇimāyāṃ nṛpottama
||4||कोटीश्वरमिति प्रोक्तं पृथिव्यां नृपनन्दन ।
स्नापयेत्तं तु यो भक्त्या पूर्णिमायां नृपोत्तम
pitḥṇāṃ tarpaṇaṃ kṛtvā piṇḍadānaṃ yathāvidhi |
śrāvaṇasya viśeṣeṇa pūrṇimāyāṃ yudhiṣṭhira
||5||पित्ःणां तर्पणं कृत्वा पिण्डदानं यथाविधि ।
श्रावणस्य विशेषेण पूर्णिमायां युधिष्ठिर
pitḥṇāmakṣayā tṛptiryāvadābhūtasamplavam |
pitḥṇāṃ paramaṃ guhyaṃ revātaṭasamāśritam |
mokṣadaṃ sarvajantūnāṃ nirmitaṃ munisattamaiḥ
||6||पित्ःणामक्षया तृप्तिर्यावदाभूतसम्प्लवम् ।
पित्ःणां परमं गुह्यं रेवातटसमाश्रितम् ।
मोक्षदं सर्वजन्तूनां निर्मितं मुनिसत्तमैः
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe koṭīśvaratīrthamāhātmyavarṇanaṃ nāma ṣaṇṇavatitamo'dhyāyaḥ ||