trilocanatīrthamāhātmyavarṇanam
śrīmārkaṇḍeya uvāca
tato gacchettu rājendra puṇyaṃ tīrthaṃ trilocanam |
tatra tiṣṭhati deveśaḥ sarvalokanamaskṛtaḥ
||1||ततो गच्छेत्तु राजेन्द्र पुण्यं तीर्थं त्रिलोचनम् ।
तत्र तिष्ठति देवेशः सर्वलोकनमस्कृतः
tatra tīrthe tu yaḥ snātvā bhaktyārcayati śaṅkaram |
rudrasya bhavanaṃ yāti mṛto nāstyatra saṃśayaḥ
||2||तत्र तीर्थे तु यः स्नात्वा भक्त्यार्चयति शङ्करम् ।
रुद्रस्य भवनं याति मृतो नास्त्यत्र संशयः
kalpakṣaye tataḥ pūrṇe krīḍitvā ca ihāgataḥ |
āviyogena tiṣṭheta pūjyamānaḥ śataṃ samāḥ
||3||कल्पक्षये ततः पूर्णे क्रीडित्वा च इहागतः ।
आवियोगेन तिष्ठेत पूज्यमानः शतं समाः
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe trilocanatīrthamāhātmyavarṇanaṃ nāma saptadaśottaraśatatamo'dhyāyaḥ ||